ಅಫ್ಗಾನ್‌ ಪ್ರವಾಹ: ಮೃತರ ಸಂಖ್ಯೆ 160ಕ್ಕೆ ಏರಿಕೆ

ಚಾರೀಕರ್‌ (ಅಫ್ಗಾನಿಸ್ತಾನ): ಅಫ್ಗಾನಿಸ್ತಾನದಲ್ಲಿ ಭಾರಿ ಮಳೆ ಮತ್ತು ಪ್ರವಾಹದಿಂದ ಮೃತಪಟ್ಟವರ ಸಂಖ್ಯೆ 160ಕ್ಕೆ ಏರಿಕೆಯಾಗಿದೆ. 

ಹಲವು ಕಟ್ಟಡಗಳು ಕುಸಿದಿವೆ. ರಕ್ಷಣಾಕಾರ್ಯ ಭರದಿಂದ ಸಾಗಿದೆ. ಮಂಗಳವಾರ ಉಂಟಾದ ಪ್ರವಾಹದಲ್ಲಿ ಚಾರೀಕರ್‌ ನಗರವೊಂದರಲ್ಲೇ 100ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದರೆ. ಪರ್ವಾನ್‌ ಪ್ರಾಂತ್ಯದಲ್ಲಿ ಸುಮಾರು 200 ಮನೆಗಳು ಹಾನಿಗೊಂಡಿದ್ದು, 600 ಜಾನುವಾರುಗಳು ಮೃತಪಟ್ಟಿವೆ ಎಂದು ಹಿರಿಯ ಅಧಿಕಾರಿ ಖಾಸಿಮ್ ಹೈದಾರಿ ಹೇಳಿದ್ದಾರೆ.