ರೆಜಿನಾ, ಕೆನಡಾ: ಸ್ಥಳೀಯ ಸಮುದಾಯದ ಮೇಲೆ ಮತ್ತು ಸಾಸ್ಕಾಚೆವಾನ್‌ನ ಸಮೀಪದ ಮತ್ತೊಂದು ಪಟ್ಟಣದಲ್ಲಿ ಭಾನುವಾರ ನಡೆದ ಸರಣಿ ಚೂರಿ ಇರಿತಗಳಲ್ಲಿ 10 ಮಂದಿ ಮೃತಪಟ್ಟು, 15 ಮಂದಿ ಗಾಯಗೊಂಡಿದ್ದಾರೆ. ಇಬ್ಬರು ಶಂಕಿತರಿಗಾಗಿ ಶೋಧ ನಡೆಸಲಾಗಿದೆ ಎಂದು ಕೆನಡಾ ಪೊಲೀಸರು ತಿಳಿಸಿದ್ದಾರೆ.
ಜೇಮ್ಸ್ ಸ್ಮಿತ್ ಕ್ರೀ ನೇಷನ್‌ನಲ್ಲಿ ಮತ್ತು ಸಾಸ್ಕಾಟೂನ್‌ನ ಈಶಾನ್ಯದಲ್ಲಿರುವ ವೆಲ್ಡನ್ ಗ್ರಾಮದ ಹಲವು ಸ್ಥಳಗಳಲ್ಲಿ ಈ ಘಟನೆ ನಡೆದಿದೆ.
ಕೆನಡಾದ ಇತಿಹಾಸದಲ್ಲಿ ಭೀಕರ ಸಾಮೂಹಿಕ ಹತ್ಯೆಗಳಲ್ಲಿ ಇದು ಒಂದಾಗಿದೆ. 2020 ರಲ್ಲಿ ವ್ಯಕ್ತಿಯೊಬ್ಬ ಪೊಲೀಸ್ ಅಧಿಕಾರಿಯಂತೆ ವೇಷ ಧರಿಸಿಬಂದೂಕಿನಿಂದ ಗುಂಡು ಹಾರಿಸಿ, ನೋವಾ ಸ್ಕಾಟಿಯಾ ಪ್ರಾಂತ್ಯದಾದ್ಯಂತ ಬೆಂಕಿ ಹಚ್ಚಿ 22 ಜನರನ್ನು ಕೊಂದು ಹಾಕಿದ್ದ.
