ವಾಷಿಂಗ್ಟನ್‌: ಅಮೆರಿಕದ ನೂತನ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಅವರು ರಕ್ಷಣಾ ಕ್ಷೇತ್ರದಲ್ಲಿ ‘ಕಾರ್ಯತಂತ್ರ ಪಾಲುದಾರ‘ ರಾಷ್ಟ್ರವಾಗಿರುವ ಭಾರತಕ್ಕೆ ಮೊದಲ ಬಾರಿಗೆ ಭೇಟಿ ನೀಡಿರುವುದನ್ನು ಅಮೆರಿಕದ ಜನಪ್ರತಿನಿಧಿಗಳು ಸ್ವಾಗತಿಸಿದ್ದಾರೆ.
ಮೂರು ರಾಷ್ಟ್ರಗಳಿಗೆ ಮೊದಲ ಬಾರಿಗೆ ಪ್ರವಾಸ ಕೈಗೊಂಡಿರುವ ಆಸ್ಟಿನ್ ಅವರು, ಭಾರತಕ್ಕೆ ಬರುವ ಮೊದಲು, ಜಪಾನ್ ಮತ್ತು ದಕ್ಷಿಣ ಕೊರಿಯಾಕ್ಕೆ ಭೇಟಿ ನೀಡಿದ್ದರು.
‘ರಕ್ಷಣಾ ಕಾರ್ಯದರ್ಶಿ ಆಸ್ಟಿನ್ ಅವರ ಭಾರತದ ಯಶಸ್ವಿ ಭೇಟಿಗೆ ಅಭಿನಂದನೆಗಳು‘ ಎಂದು ಡೆಮಾಕ್ರಟಿಕ್ ಪಕ್ಷದ ಉಪಾಧ್ಯಕ್ಷ ಫೈಲ್ಮನ್ ವೆಲಾ ಟ್ವೀಟ್ ಮಾಡಿದ್ದಾರೆ. ‘ಇಂಡೊ-ಪೆಸಿಫಿಕ್ ಸಂಬಂಧಗಳನ್ನು ಬಲಪಡಿಸುವ ನಿಟ್ಟಿನಲ್ಲಿ ನಿಮ್ಮ ಕಾರ್ಯ ಸಾಗುವುದನ್ನು ಎದುರು ನೋಡುತ್ತೇನೆ‘ ಎಂದು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್‌ನ ಉನ್ನತ ಸದಸ್ಯ ಹಿಸ್ಪಾನಿಕ್ ವೆಲಾ ಟ್ವೀಟ್‌ನಲ್ಲಿ ಹೇಳಿದ್ದಾರೆ.
