ಕೊಲಂಬೊ: ತನ್ನ ದೇಶದ ಸಮುದ್ರ ವ್ಯಾಪ್ತಿಯಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ಆರೋಪದ ಮೇಲೆ ಶ್ರೀಲಂಕಾ ನೌಕಾಪಡೆಯು ಭಾರತದ 12 ಮೀನುಗಾರರನ್ನು ಬಂಧಿಸಿ, ಅವರ ಮೀನುಗಾರಿಕಾ ದೋಣಿಗಳನ್ನು ವಶಕ್ಕೆ ಪಡೆದಿದೆ.
ಜಾಫ್ನಾ ಜಿಲ್ಲೆಯ ಉತ್ತರ ಭಾಗದ ವೆಟ್ಟಿಳೈಕರ್ಣಿಯ ಕರಾವಳಿಯಲ್ಲಿ ಬುಧವಾರಮೀನುಗಾರರನ್ನು ಬಂಧಿಸಲಾಗಿದೆ. ಪ್ರಸ್ತುತ ಅವರನ್ನು ಕಂಕಸಂತುರೈ ಮೀನುಗಾರಿಕಾ ಬಂದರಿನಲ್ಲಿ ಇರಿಸಲಾಗಿದೆ ಎಂದು ಶ್ರೀಲಂಕಾ ನೌಕಾಪಡೆಯು ಹೇಳಿಕೆಯಲ್ಲಿ ತಿಳಿಸಿದೆ.
ಈ ವರ್ಷದಲ್ಲಿ ಶ್ರೀಲಂಕಾ ನೌಕಾಪಡೆಯು ಭಾರತದ 264 ಮೀನುಗಾರರನ್ನು ಬಂಧಿಸಿದ್ದು, 36 ಮೀನುಗಾರಿಕಾ ದೋಣಿಗಳನ್ನು ವಶಪಡಿಸಿಕೊಂಡಿದೆ.
