ವಾಷಿಂಗ್ಟನ್:ಅಮೆರಿಕ ವಿದೇಶಾಂಗ ಇಲಾಖೆಯಪ್ರಧಾನ ಉಪ ವಕ್ತಾರ ವೇದಾಂತ್ ಪಟೇಲ್ ಅವರು ವಿದೇಶಾಂಗ ಇಲಾಖೆಯ ದೈನಂದಿನಪತ್ರಿಕಾಗೋಷ್ಠಿ ನಡೆಸುವ ಮಹತ್ವದ ಹೊಣೆಗಾರಿಕೆ ಪಡೆದಿದ್ದಾರೆ. ತನ್ಮೂಲಕ ಈ ಸ್ಥಾನಕ್ಕೇರಿದ ಮೊಟ್ಟ ಮೊದಲ ಭಾರತ ಮೂಲದ ವ್ಯಕ್ತಿ ಎಂಬ ಹಿರಿಮೆಗೆ ಪಾತ್ರರಾಗಿದ್ದಾರೆ.
ಮಂಗಳವಾರ ವಿದೇಶಾಂಗ ಇಲಾಖೆ ವಕ್ತಾರ ನೆಡ್ ಪ್ರಿನ್ಸ್ ಅವರು ರಜೆಯಲ್ಲಿದ್ದ ಕಾರಣ ಪಟೇಲ್ ಅವರು ಇಲಾಖೆಯ ಪತ್ರಿಕಾಗೋಷ್ಠಿ ನಡೆಸಿದರು.
ಪಟೇಲ್ ಅವರು ಈ ಮೊದಲು, ಅಮೆರಿಕದ ಶ್ವೇತಭವನದಲ್ಲಿಸಹಾಯಕ ಮಾಧ್ಯಮ ಕಾರ್ಯದರ್ಶಿ ಮತ್ತು ಅಧ್ಯಕ್ಷ ಜೊ ಬೈಡನ್ ಅವರ ವಕ್ತಾರರಾಗಿದ್ದರು. ಗುಜರಾತ್ ಮೂಲದ ಪಟೇಲ್ ಅವರು, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿದ್ದಾರೆ.