ವ್ಯಕ್ತಿಗತ ಟೀಕೆ, ವ್ಯಂಗ್ಯ, ನಿಂದನೆಯೇ ಪ್ರಚಾರ ವಸ್ತು

ಭಾನುವಾರ, ಜೂನ್ 16, 2019
32 °C
ಅಭಿವೃದ್ಧಿಯ ಮಾತು ಗೌಣ; ಟೀಕೆ, ಟ್ವೀಟಾಸ್ತ್ರಗಳದೇ ಪಾರುಪತ್ಯ

ವ್ಯಕ್ತಿಗತ ಟೀಕೆ, ವ್ಯಂಗ್ಯ, ನಿಂದನೆಯೇ ಪ್ರಚಾರ ವಸ್ತು

Published:
Updated:

ನವದೆಹಲಿ: ಲೋಕಸಭೆ ಚುನಾವಣೆಯ ಕೊನೆಯ ಹಂತದ ಮತದಾನ ಭಾನುವಾರ ನಡೆಯಲಿದೆ. ಈ ಮೂಲಕ ಪ್ರಜಾಮತದ ಹಬ್ಬದ ಒಂದು ಹಂತದ ಪ್ರಕ್ರಿಯೆಗೆ ತೆರೆಬೀಳಲಿದೆ.

ಏಳು ಹಂತಗಳ ಸುದೀರ್ಘ ಚುನಾವಣೆಯಲ್ಲಿ, ಅಭಿವೃದ್ಧಿ ಮತ್ತು ದೇಶದ ಜ್ವಲಂತ ಸಮಸ್ಯೆಗಳು ಗೌಣವಾಗಿ, ವೈಯಕ್ತಿಕ ನಿಂದನೆಗಳೇ ಮುನ್ನೆಲೆಗೆ ಬಂದಿದ್ದವು. ಎಲ್ಲ ಪಕ್ಷಗಳೂ ಇಂಥ ನಿಂದನೆಗಳನ್ನು ಯಥೇಚ್ಛವಾಗಿ ಬಳಸಿವೆ. ವಿರೋಧಿಗಳ ಟೀಕೆಗೆ ಗತಿಸಿ ಹೋದ ನಾಯಕರಷ್ಟೇ ಅಲ್ಲ ದೇವರನ್ನೂ ಎಳೆದುತರಲಾಗಿತ್ತು.

ರಾಷ್ಟ್ರೀಯತೆ ಹಾಗೂ ದೇಶದ ಭದ್ರತೆಯ ವಿಚಾರಗಳನ್ನು ಮುಂದಿಟ್ಟುಕೊಂಡು ಪ್ರಚಾರ ನಡೆಸಿದ ಮೋದಿ ಅವರು ತಮ್ಮನ್ನು ತಾವು ‘ಚೌಕೀದಾರ’ ಎಂದು ಕರೆದುಕೊಂಡರು. ರಾಹುಲ್‌ಗಾಂಧಿ ಅವರು ‘ಚೌಕೀದಾರನೇ ಕಳ್ಳ’ ಎಂದು ಟೀಕಿಸಿದರು.

ಪುಲ್ವಾಮಾ ದಾಳಿ, ಅದಕ್ಕೆ ಪ್ರತಿಯಾಗಿ ನಡೆಸಿದ ಬಾಲಾಕೋಟ್‌ ವಾಯುದಾಳಿಗಳೂ ಚುನಾವಣಾ ಪ್ರಚಾರದ ವಸ್ತುಗಳಾದವು. ಇದೇ ಮೊದಲಬಾರಿಗೆ ಎಂಬಂತೆ ಸೇನೆಯನ್ನೂ ಚುನಾವಣಾ ಪ್ರಚಾರಕ್ಕೆ ಎಳೆದುತರಲಾಯಿತು. ರಾಷ್ಟ್ರಪಿತ ಮಹಾತ್ಮಗಾಂಧಿ, ನಾಥೂರಾಂ ಗೋಡ್ಸೆ, ಮಾಜಿ ಪ್ರಧಾನಿಗಳಾದ ಜವಾಹರಲಾಲ್‌ ನೆಹರೂ, ಇಂದಿರಾಗಾಂಧಿ, ರಾಜೀವ್‌ ಗಾಂಧಿ ಮುಂತಾದವರೂ ಟೀಕೆಗಳಿಗೆ ವಸ್ತುವಾದರು.

ಕಾಂಗ್ರೆಸ್‌ ವಿರುದ್ಧ ಆರೋಪಗಳನ್ನು ಮಾಡುವಾಗ ಬಿಜೆಪಿ ಮುಖಂಡರು ನೆಹರೂ, ಇಂದಿರಾ ಗಾಂಧಿ ಅವರನ್ನೂ ಟೀಕಿಸಿದರು. ರಾಜೀವ್‌ಗಾಂಧಿ ‘ಭ್ರಷ್ಟಾಚಾರಿ ನಂ 1 ಆಗಿ ಸತ್ತರು’ ಎಂಬ ಮೋದಿ ಹೇಳಿಕೆಗೆ ವ್ಯಾಪಕ ಟೀಕೆ ವ್ಯಕ್ತವಾಯಿತು.

ಪ್ರಚಾರದ ಕೊನೆಯ ಹಂತದಲ್ಲಿ ಗೋಡ್ಸೆ ಕುರಿತು ಬಿಜೆಪಿಯ ಕೆಲವು ನಾಯಕರು ನೀಡಿದ್ದ ಹೇಳಿಕೆಗಳು ಬಿಜೆಪಿಗೆ ಇರುಸುಮುರುಸು ಉಂಟುಮಾಡಿದವು.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !