ಹಳ್ಳಿ ಹಬ್ಬ

ಇದಕ್ಕೆ ಹಳ್ಳಿಗಾಡಿನ ಸಾಂಸ್ಕೃತಿಕ ಮೆರುಗೂ ಸೇರಿರುತ್ತದೆ. ಇದು ಒಂದೇ ಬೆಳೆಗೆ ಸೀಮಿತವಾಗಿರದೆ, ಮಲೆನಾಡು ಭಾಗಗಳಾದ ಕೊಡಗು, ಹಾಸನ, ಚಿಕ್ಕಮಗಳೂರು, ಶಿವಮೊಗ್ಗ ಭಾಗದ ಬೆಳೆಗಾರರ ವಿವಿಧ ಬೆಳೆಗಳ ವಿಚಾರ ಕೇಂದ್ರವಾಗಿದೆ.  ಉತ್ತಮ ಕಾಫಿ ಬೆಳೆಗಾರರನ್ನು ಗುರುತಿಸಿ ಪ್ರಶಸ್ತಿ ನೀಡುವುದು ‘ಹಳ್ಳಿಹಬ್ಬ’ದ ಇನ್ನೊಂದು ವಿಶೇಷ.

ಗ್ರಾಮದಲ್ಲಿನ ಸುಂದರವಾದ ಬಯಲು ಗುಡ್ಡದಲ್ಲಿ ಬೃಹತ್ ವೇದಿಕೆ ಅಡಿ ಸಾವಿರಾರು ಬೆಳೆಗಾರರು ತಮ್ಮ ತೋಟಗಳ ವಿವಿಧ ನಮೂನೆಯ ಕೃಷಿ ಆಶಯಗಳನ್ನು ವಿವರಿಸಲಿದ್ದಾರೆ. ಇದರ  ಜೊತೆಗೆ ಹೊಸ ರುಚಿಯ ಮಾಹಿತಿಗೂ ಬರವಿಲ್ಲ. ‘ನಿರ್ಣಯ ನಮ್ಮದು ನಿರ್ಧಾರ ನಿಮ್ಮದು’ ಘೋಷಣೆ ಈ ಕಾರ್ಯಕ್ರಮದ ವಿಶೇಷತೆ.

ಆದಾಯಕ್ಕಿಂತ ಖರ್ಚು ಹೆಚ್ಚಿರುವ ಈ ದಿನಗಳಲ್ಲಿ ಸುಲಭ ಕೃಷಿ ನಿರ್ವಹಣೆ ವಿಚಾರಗಳಾದ ಕಾಫಿ ಕೃಷಿಯಲ್ಲಿ ಸರಳೀಕರಣ ಮತ್ತು ಯಾಂತ್ರೀಕರಣ, ಕಡಿಮೆ ಖರ್ಚಿನಲ್ಲಿ ಕಾಫಿ ಕೃಷಿ, ತೋಟಗಳಲ್ಲಿ ಯಾಂತ್ರೀಕರಣಕ್ಕೆ ಸಿದ್ಧತೆ, ಕಾಳು ಮೆಣಸು ಕೃಷಿಯಲ್ಲಿನ ಅನುಭವಗಳು ಮತ್ತು ಮಾರುಕಟ್ಟೆ ಅವಲೋಕನ, ಪರಿಣಾಮಕಾರಿ ಮೆಣಸು ಕೃಷಿ, ಯುವಕರಿಗೆ ತರಬೇತಿ ಅನುಭವ, ಹೆಚ್ಚು ಮಳೆ ಬೀಳುವ ಪ್ರದೇಶಗಳಲ್ಲಿ ಕಾಳುಮೆಣಸು ಕೃಷಿ, ಸ್ವಾವಲಂಬಿ ಕೃಷಿಯಲ್ಲಿ ಯುವಕರ ಪಾತ್ರ... ಇವು ಕಾರ್ಯಕ್ರಮದಲ್ಲಿ ಚರ್ಚೆಯಾಗುವ ಪ್ರಮುಖ ವಿಚಾರಗಳು ಎನ್ನುತ್ತಾರೆ ಕಾರ್ಯಕ್ರಮದ ಸಂಚಾಲಕರಾದ ದಿನೇಶ ದೇವವೃಂದ.ಹೆಚ್ಚಿನ ಮಾಹಿತಿಗೆ  8277062933 - 9483811333.

-ಅಚ್ಚನಹಳ್ಳಿ ಸುಚೇತನ.