ನಾನು ಮಲೆನಾಡ ಮಳೆ, ಕರಾವಳಿಯ ಮಳೆ ಇವತ್ತಿಗೆ ಕಾಂಕ್ರೀಟ್ ಕಾಡಾದ ಬೆಂಗಳೂರಿನ ಮಳೆ.. ಎಲ್ಲವನ್ನು ಜೀವಿಸಿದ್ದೇನೆ, ಅನುಭವಿಸಿದ್ದೇನೆ. ವ್ಯತ್ಯಾಸವಿಷ್ಟೇ, ಮಲೆನಾಡಿನ ಮಳೆಗೆ ಶಾಲೆಗೆ ಹೋಗೋ ಪುಟ್ಟ ಹುಡುಗಿ ಶೀತಲ್ಳ ಕಂದು ಬಣ್ಣದ ಸ್ಕೂಲ್ ಯುನಿಫಾರ್ಮ್ ನೆನೆಯುತಿತ್ತು, ಕರಾವಳಿಯ ಮಳೆಗೆ ಕಾಲೇಜಿಗೆ ಹೋಗೋ ಶೀತಲ್ಳ ಚೂಡಿದಾರದ ದುಪಟ್ಟಾ ನೆನೆಯುತಿತ್ತು. ಈಗ ಬೆಂಗಳೂರಿನ ಕಿಟಕಿಯಾಚೆಗೆ ನೋಡುವ ಮಳೆ ಹಳೇ ಮಳೆಗಳನ್ನ ನೆನಪಿಸಿ ಕಣ್ಣಾಲಿಗಳನ್ನು ನೆನೆಸುತ್ತಿದೆ...ಒಟ್ಟಿನಲ್ಲಿ ಮಳೆ ನನಗೆ ಒಂದೊಳ್ಳೆ ಸಂಗೀತ. ಭಾವ... ಮಳೆ ಸುರಿಯುವ ಆ ಕ್ಷಣಕ್ಕೆ ಸ್ವಂತ.