<p>ಸಿನಿಮಾ ತಾರೆಗಳು ತಾವು ತಂಗಲೆಂದೇ ವಿನ್ಯಾಸಗೊಳಿಸಿದ ವಿಶೇಷ ವಾಹನಗಳಿರುತ್ತವೆ. ಅಂಥ ಒಂದು ವಾಹನ ಚಿತ್ರೀಕರಣದ ಜಾಗಕ್ಕೆ ಬಂದುನಿಂತಿತು. <br /> <br /> ಮೊದಲಿಗೆ ಸಹಾಯಕನೊಬ್ಬ ಕೆಳಗಿಳಿದು ಕೊಡೆ ಬಿಚ್ಚಿದ. ಅಗಲವಾದ ಆ ಕೊಡೆ ಮೂಡಿಸಿದ ನೆರಳ ಮೇಲೆ ಬೂಟು ಕಾಲನ್ನಿಟ್ಟು ಕೆಳಗಿಳಿದವರು ಹೃತಿಕ್ ರೋಷನ್. ಕೆಲವೇ ಕ್ಷಣಗಳಲ್ಲಿ ವಿಶೇಷ ವಿನ್ಯಾಸದ ಕುರ್ಚಿಯೊಂದು ವಾಹನದಿಂದ ಹೊರಬಂದಿತು. ಅದನ್ನು ತಂದದ್ದು ಒಬ್ಬ ಫಿಸಿಯೋ. ಶೂಟಿಂಗ್ ಲೋಕೇಷನ್ಗೆ ಅಲ್ಲಿಂದ ಕೆಲವೇ ಹೆಜ್ಜೆಗಳ ದೂರ. <br /> <br /> ಹೃತಿಕ್ ಆ ಜಾಗ ತಲುಪುವ ಮೊದಲೇ ಆ ವಿಶೇಷ ಕುರ್ಚಿ ಅಲ್ಲಿತ್ತು. ಅದಾಗಲೇ ಅಗಲವಾದ ಕೊಡೆಯ ನೆರಳೂ ಅದನ್ನು ಆವರಿಸಿಕೊಂಡಿತ್ತು. ಹೋದವರೇ ಹೃತಿಕ್ ಕುರ್ಚಿ ಮೇಲೆ ಕೂತರು. ಮುಖ ಸಣ್ಣಗೆ ಕಿವುಚಿದ ಅವರು ಯಾಕೋ ನರಳಿದ್ದು ಸ್ಪಷ್ಟವಿತ್ತು. <br /> <br /> ಶೂಟಿಂಗ್ ಲೊಕೇಷನ್ನಲ್ಲಿ ಲೈಟ್ಬಾಯ್ನಿಂದ ಹಿಡಿದು ಸಹಾಯಕ ನಿರ್ದೇಶಕನವರೆಗೆ ಎಲ್ಲರ ನಡುವೆ ಹೃತಿಕ್ ಮುಖ ಕಿವುಚಿದ್ದೇ ಚರ್ಚೆ. <br /> <br /> ಹೃತಿಕ್ ಚಿತ್ರೀಕರಣಕ್ಕೆಂದು ಎದ್ದುಹೋದರೆ, ಚಿತ್ರತಂಡದ ಅನೇಕರು ಅವರು ಕೂತಿದ್ದ ಕುರ್ಚಿಯ ಕಡೆಗೆ ಧಾವಿಸುತ್ತಿದ್ದರು. ಆ ಕುರ್ಚಿಯಲ್ಲಿ ಅಂಥ ವಿಶೇಷತೆ ಏನಿದೆ ಎಂಬುದು ಎಲ್ಲರ ಕುತೂಹಲ. ಚಿತ್ರೀಕರಣದಲ್ಲಿ ಸೆಟ್ ಹಾಕುವ ಕಲಾ ನಿರ್ದೇಶಕನನ್ನು ಕರೆಸಿ ಆ ಕುರ್ಚಿಯಲ್ಲಿ ಅಂಥಾದ್ದೇನಿದೆ ಎಂದು ಕೆಲವರು ಕುತೂಹಲ ತಣಿಸಿಕೊಳ್ಳಲು ಯತ್ನಿಸಿದರು. <br /> <br /> ಕಲಾ ನಿರ್ದೇಶಕನಿಗೆ ಆ ಕುರ್ಚಿಯ ಮರ್ಮ ಬೇಗ ಅರ್ಥವಾಯಿತು. `ಹೃತಿಕ್ಗೆ ಬೆನ್ನುನೋವಿರಬೇಕು; ಅದಕ್ಕೇ ಈ ವಿಶೇಷ ವಿನ್ಯಾಸದ ಕುರ್ಚಿ ತರಿಸಿಕೊಂಡಿದ್ದಾರೆ~ ಎಂದು ಆತ ಅಭಿಪ್ರಾಯ ತೇಲಿಬಿಟ್ಟ. ಅದರಿಂದಲೂ ಚಿತ್ರತಂಡದವರಿಗೆ ಸಮಾಧಾನವಾಗಲಿಲ್ಲ. ಕೊಡೆ ಹಿಡಿಯುತ್ತಿದ್ದವನನ್ನು ಮಾತಿಗೆಳೆದು ಸತ್ಯ ಹೊರತೆಗೆಯಲೆತ್ನಿಸಿದರು. ಧಣಿ ಹೇಳಿದ್ದನ್ನು ಮಾಡುವುದಷ್ಟೇ ತನ್ನ ಕೆಲಸ ಎನ್ನುತ್ತಾ ಅವನೂ ಜಾರಿಕೊಂಡ. <br /> <br /> ನೇರವಾಗಿ ಹೃತಿಕ್ ಹತ್ತಿರ ಕುರ್ಚಿ ವಿಷಯ ಪ್ರಸ್ತಾಪಿಸುವುದು ಅವರೆಲ್ಲರಿಗೆ ಕಷ್ಟವಾಗಿತ್ತು. ಒಬ್ಬ ಹೆಸರಾಂತ ನಾಯಕನ ಹತ್ತಿರ ಹೋಗಿ ಎಲ್ಲಾ ಚಿತ್ರಕರ್ಮಿಗಳು ಖಾಸಗಿ ವಿಚಾರ ಮಾತನಾಡುವುದು ಬಾಲಿವುಡ್ನಲ್ಲಿ ಸುಲಭದ ಮಾತಂತೂ ಅಲ್ಲ. ಆ ಜಿಜ್ಞಾಸೆಯಲ್ಲೇ ಇಡೀ ಚಿತ್ರೀಕರಣದ ವಾತಾವರಣದಲ್ಲಿ ದೊಡ್ಡ ಗುಸುಗುಸು ಶುರುವಾಯಿತು. ಬಾಯಿಯಿಂದ ಕಿವಿಗೆ, ಅಲ್ಲಿಂದ ಇನ್ಯಾರದೋ ಕಿವಿಗೆ ಮಾತು ಹಂಚಿಕೆಯಾಗುತ್ತಾ ಹೋಗಿ ಹೃತಿಕ್ಗೂ ತನ್ನ ಕುರ್ಚಿ ಚರ್ಚೆಗೆ ಗ್ರಾಸವಾಗಿದೆ ಎಂಬುದು ಗೊತ್ತಾಯಿತು. <br /> <br /> ಸಜ್ಜನ ಹೃತಿಕ್ ಎಲ್ಲರನ್ನೂ ತಾವಿದ್ದ ಜಾಗಕ್ಕೆ ಕರೆಸಿದರು. ಸಹಾಯಕನಿಗೆ ಹೇಳಿ ಆ ಕುರ್ಚಿಯನ್ನೂ ತರಿಸಿಕೊಂಡರು. ಅದರ ಮೇಲೆ ದಿವಿನಾಗಿ ಕುಳಿತರು. `ಈಗ ಹಿತವೆನ್ನಿಸುತ್ತಿದೆ, ನೋಡಿ~ ಎಂದರು. ಎಲ್ಲರೂ ಬಿಟ್ಟಕಣ್ಣು ಬಿಟ್ಟಹಾಗೆ ನೋಡುತ್ತಾ ನಿಂತಿದ್ದರು. ಹೃತಿಕ್ ಮಾತಾಡಲು ಪ್ರಾರಂಭಿಸಿದರು: `ನನಗೆ ಸ್ಲಿಪ್ ಡಿಸ್ಕ್ ಆಗಿತ್ತು. <br /> <br /> ಬೆನ್ನುಹುರಿಯನ್ನು ಹಿಡಿದ ವೃತ್ತಾಕಾರದ ಡಿಸ್ಕ್ ಸ್ಥಾನಪಲ್ಲಟವಾಗಿತ್ತು. ಸಾಹಸ ದೃಶ್ಯ ಮಾಡುವಾಗ, ವ್ಯಾಯಾಮ ಮಾಡುವಾಗ ಯಮಯಾತನೆಯಾಗುತ್ತಿತ್ತು. ಬೆನ್ನಿಗೇನೋ ಆಗಿದೆ ಎಂದು ಅನುಮಾನ ಬಂದದ್ದೇ ಪರೀಕ್ಷಿಸಿಕೊಂಡೆ. ಆಗಲೇ ಆಗಿರುವ ತೊಂದರೆ ಗೊತ್ತಾದದ್ದು. ಚಿಕಿತ್ಸೆಯಿಂದ ಡಿಸ್ಕ್ ಮೊದಲಿನ ಜಾಗಕ್ಕೇ ಮರಳಿದೆ. ಈಗ ನೋವಿಲ್ಲ. <br /> <br /> ಡಾಕ್ಟರ ಸಲಹೆಯಂತೆ ವಿಶೇಷ ವಿನ್ಯಾಸದ ಈ ಕುರ್ಚಿ ತರಿಸಿಕೊಂಡಿದ್ದೇನೆ. ಮನೆಯಲ್ಲಿ ಅದರ ಮೇಲೆಯೇ ಕೂರಬೇಕು. ಹೊರಗೆ ಬಂದಾಗಲೂ ಅದೇ ಅನಿವಾರ್ಯ. ಹೆಚ್ಚು ಹೊತ್ತು ನಿಲ್ಲಕೂಡದು. ಒಂದೊಂದು ಶಾಟ್ ಮುಗಿದ ನಂತರ ಆ ಕುರ್ಚಿ ಮೇಲೆ ಸಾಕಷ್ಟು ಸಮಯ ವಿರಮಿಸಿದ ನಂತರವಷ್ಟೇ ನಟಿಸಲು ಸಾಧ್ಯ. ನನ್ನ ದೇಹಾಕಾರ ನೋಡಿ ಬೆರಗಾಗುವ ಜನರಿಗೆ ನಾವು ಅನುಭವಿಸುವ ಇಂಥ ನೋವಿನ ಅರಿವೇ ಇರುವುದಿಲ್ಲ. <br /> <br /> ನಿಮಗೆ ಈ ವಿಷಯ ಹೇಳದೇ ಹೋಗಿದ್ದರೆ ನೀವು ಇಲ್ಲಸಲ್ಲದ್ದನ್ನು ಕಲ್ಪಿಸಿಕೊಂಡು ಅದನ್ನೇ ಹಬ್ಬಿಸುತ್ತಿದ್ದಿರಿ. ನನಗೇನೂ ಆಗಿಲ್ಲ; ಮತ್ತೆ ಮಾಮೂಲಿನಂತೆ ಆಗುತ್ತೇನೆ...~.<br /> <br /> ಹೃತಿಕ್ ನೇರವಂತಿಕೆ ಕಂಡು ಚಿತ್ರಕರ್ಮಿಗಳು ಕಣ್ಣರಳಿಸಿದರು. `ಛೆ, ಇಂಥ ಕಟ್ಟುಮಸ್ತು ದೇಹದ ನಟನಿಗೂ ಸ್ಲಿಪ್ ಡಿಸ್ಕ್ ಆಗಬೇಕೆ?~ ಎಂದು ಬೇಸರಪಟ್ಟುಕೊಂಡರು. ಮರುದಿನ ಹೋಟೆಲ್ನ ಕೋಣೆಯಲ್ಲಿ ಹೃತಿಕ್ ತಾವು ಮಲಗುವ ಹಾಸಗೆಯನ್ನು ಕೂಡ ತಾವೇ ತರಿಸಿಕೊಂಡದ್ದನ್ನು ಕಂಡು ಮತ್ತೆ ಅಚ್ಚರಿಗೊಂಡರು. ಮರುದಿನ ಬೆಳಿಗ್ಗೆ ಹೃತಿಕ್ ಆ ವಿಶೇಷ ವಿನ್ಯಾಸದ ಕುರ್ಚಿ ಮೇಲೆ ಕೂತೇ ಕಸರತ್ತು ಮಾಡುವುದನ್ನು ಕಂಡು ದಂಗಾದರು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಿನಿಮಾ ತಾರೆಗಳು ತಾವು ತಂಗಲೆಂದೇ ವಿನ್ಯಾಸಗೊಳಿಸಿದ ವಿಶೇಷ ವಾಹನಗಳಿರುತ್ತವೆ. ಅಂಥ ಒಂದು ವಾಹನ ಚಿತ್ರೀಕರಣದ ಜಾಗಕ್ಕೆ ಬಂದುನಿಂತಿತು. <br /> <br /> ಮೊದಲಿಗೆ ಸಹಾಯಕನೊಬ್ಬ ಕೆಳಗಿಳಿದು ಕೊಡೆ ಬಿಚ್ಚಿದ. ಅಗಲವಾದ ಆ ಕೊಡೆ ಮೂಡಿಸಿದ ನೆರಳ ಮೇಲೆ ಬೂಟು ಕಾಲನ್ನಿಟ್ಟು ಕೆಳಗಿಳಿದವರು ಹೃತಿಕ್ ರೋಷನ್. ಕೆಲವೇ ಕ್ಷಣಗಳಲ್ಲಿ ವಿಶೇಷ ವಿನ್ಯಾಸದ ಕುರ್ಚಿಯೊಂದು ವಾಹನದಿಂದ ಹೊರಬಂದಿತು. ಅದನ್ನು ತಂದದ್ದು ಒಬ್ಬ ಫಿಸಿಯೋ. ಶೂಟಿಂಗ್ ಲೋಕೇಷನ್ಗೆ ಅಲ್ಲಿಂದ ಕೆಲವೇ ಹೆಜ್ಜೆಗಳ ದೂರ. <br /> <br /> ಹೃತಿಕ್ ಆ ಜಾಗ ತಲುಪುವ ಮೊದಲೇ ಆ ವಿಶೇಷ ಕುರ್ಚಿ ಅಲ್ಲಿತ್ತು. ಅದಾಗಲೇ ಅಗಲವಾದ ಕೊಡೆಯ ನೆರಳೂ ಅದನ್ನು ಆವರಿಸಿಕೊಂಡಿತ್ತು. ಹೋದವರೇ ಹೃತಿಕ್ ಕುರ್ಚಿ ಮೇಲೆ ಕೂತರು. ಮುಖ ಸಣ್ಣಗೆ ಕಿವುಚಿದ ಅವರು ಯಾಕೋ ನರಳಿದ್ದು ಸ್ಪಷ್ಟವಿತ್ತು. <br /> <br /> ಶೂಟಿಂಗ್ ಲೊಕೇಷನ್ನಲ್ಲಿ ಲೈಟ್ಬಾಯ್ನಿಂದ ಹಿಡಿದು ಸಹಾಯಕ ನಿರ್ದೇಶಕನವರೆಗೆ ಎಲ್ಲರ ನಡುವೆ ಹೃತಿಕ್ ಮುಖ ಕಿವುಚಿದ್ದೇ ಚರ್ಚೆ. <br /> <br /> ಹೃತಿಕ್ ಚಿತ್ರೀಕರಣಕ್ಕೆಂದು ಎದ್ದುಹೋದರೆ, ಚಿತ್ರತಂಡದ ಅನೇಕರು ಅವರು ಕೂತಿದ್ದ ಕುರ್ಚಿಯ ಕಡೆಗೆ ಧಾವಿಸುತ್ತಿದ್ದರು. ಆ ಕುರ್ಚಿಯಲ್ಲಿ ಅಂಥ ವಿಶೇಷತೆ ಏನಿದೆ ಎಂಬುದು ಎಲ್ಲರ ಕುತೂಹಲ. ಚಿತ್ರೀಕರಣದಲ್ಲಿ ಸೆಟ್ ಹಾಕುವ ಕಲಾ ನಿರ್ದೇಶಕನನ್ನು ಕರೆಸಿ ಆ ಕುರ್ಚಿಯಲ್ಲಿ ಅಂಥಾದ್ದೇನಿದೆ ಎಂದು ಕೆಲವರು ಕುತೂಹಲ ತಣಿಸಿಕೊಳ್ಳಲು ಯತ್ನಿಸಿದರು. <br /> <br /> ಕಲಾ ನಿರ್ದೇಶಕನಿಗೆ ಆ ಕುರ್ಚಿಯ ಮರ್ಮ ಬೇಗ ಅರ್ಥವಾಯಿತು. `ಹೃತಿಕ್ಗೆ ಬೆನ್ನುನೋವಿರಬೇಕು; ಅದಕ್ಕೇ ಈ ವಿಶೇಷ ವಿನ್ಯಾಸದ ಕುರ್ಚಿ ತರಿಸಿಕೊಂಡಿದ್ದಾರೆ~ ಎಂದು ಆತ ಅಭಿಪ್ರಾಯ ತೇಲಿಬಿಟ್ಟ. ಅದರಿಂದಲೂ ಚಿತ್ರತಂಡದವರಿಗೆ ಸಮಾಧಾನವಾಗಲಿಲ್ಲ. ಕೊಡೆ ಹಿಡಿಯುತ್ತಿದ್ದವನನ್ನು ಮಾತಿಗೆಳೆದು ಸತ್ಯ ಹೊರತೆಗೆಯಲೆತ್ನಿಸಿದರು. ಧಣಿ ಹೇಳಿದ್ದನ್ನು ಮಾಡುವುದಷ್ಟೇ ತನ್ನ ಕೆಲಸ ಎನ್ನುತ್ತಾ ಅವನೂ ಜಾರಿಕೊಂಡ. <br /> <br /> ನೇರವಾಗಿ ಹೃತಿಕ್ ಹತ್ತಿರ ಕುರ್ಚಿ ವಿಷಯ ಪ್ರಸ್ತಾಪಿಸುವುದು ಅವರೆಲ್ಲರಿಗೆ ಕಷ್ಟವಾಗಿತ್ತು. ಒಬ್ಬ ಹೆಸರಾಂತ ನಾಯಕನ ಹತ್ತಿರ ಹೋಗಿ ಎಲ್ಲಾ ಚಿತ್ರಕರ್ಮಿಗಳು ಖಾಸಗಿ ವಿಚಾರ ಮಾತನಾಡುವುದು ಬಾಲಿವುಡ್ನಲ್ಲಿ ಸುಲಭದ ಮಾತಂತೂ ಅಲ್ಲ. ಆ ಜಿಜ್ಞಾಸೆಯಲ್ಲೇ ಇಡೀ ಚಿತ್ರೀಕರಣದ ವಾತಾವರಣದಲ್ಲಿ ದೊಡ್ಡ ಗುಸುಗುಸು ಶುರುವಾಯಿತು. ಬಾಯಿಯಿಂದ ಕಿವಿಗೆ, ಅಲ್ಲಿಂದ ಇನ್ಯಾರದೋ ಕಿವಿಗೆ ಮಾತು ಹಂಚಿಕೆಯಾಗುತ್ತಾ ಹೋಗಿ ಹೃತಿಕ್ಗೂ ತನ್ನ ಕುರ್ಚಿ ಚರ್ಚೆಗೆ ಗ್ರಾಸವಾಗಿದೆ ಎಂಬುದು ಗೊತ್ತಾಯಿತು. <br /> <br /> ಸಜ್ಜನ ಹೃತಿಕ್ ಎಲ್ಲರನ್ನೂ ತಾವಿದ್ದ ಜಾಗಕ್ಕೆ ಕರೆಸಿದರು. ಸಹಾಯಕನಿಗೆ ಹೇಳಿ ಆ ಕುರ್ಚಿಯನ್ನೂ ತರಿಸಿಕೊಂಡರು. ಅದರ ಮೇಲೆ ದಿವಿನಾಗಿ ಕುಳಿತರು. `ಈಗ ಹಿತವೆನ್ನಿಸುತ್ತಿದೆ, ನೋಡಿ~ ಎಂದರು. ಎಲ್ಲರೂ ಬಿಟ್ಟಕಣ್ಣು ಬಿಟ್ಟಹಾಗೆ ನೋಡುತ್ತಾ ನಿಂತಿದ್ದರು. ಹೃತಿಕ್ ಮಾತಾಡಲು ಪ್ರಾರಂಭಿಸಿದರು: `ನನಗೆ ಸ್ಲಿಪ್ ಡಿಸ್ಕ್ ಆಗಿತ್ತು. <br /> <br /> ಬೆನ್ನುಹುರಿಯನ್ನು ಹಿಡಿದ ವೃತ್ತಾಕಾರದ ಡಿಸ್ಕ್ ಸ್ಥಾನಪಲ್ಲಟವಾಗಿತ್ತು. ಸಾಹಸ ದೃಶ್ಯ ಮಾಡುವಾಗ, ವ್ಯಾಯಾಮ ಮಾಡುವಾಗ ಯಮಯಾತನೆಯಾಗುತ್ತಿತ್ತು. ಬೆನ್ನಿಗೇನೋ ಆಗಿದೆ ಎಂದು ಅನುಮಾನ ಬಂದದ್ದೇ ಪರೀಕ್ಷಿಸಿಕೊಂಡೆ. ಆಗಲೇ ಆಗಿರುವ ತೊಂದರೆ ಗೊತ್ತಾದದ್ದು. ಚಿಕಿತ್ಸೆಯಿಂದ ಡಿಸ್ಕ್ ಮೊದಲಿನ ಜಾಗಕ್ಕೇ ಮರಳಿದೆ. ಈಗ ನೋವಿಲ್ಲ. <br /> <br /> ಡಾಕ್ಟರ ಸಲಹೆಯಂತೆ ವಿಶೇಷ ವಿನ್ಯಾಸದ ಈ ಕುರ್ಚಿ ತರಿಸಿಕೊಂಡಿದ್ದೇನೆ. ಮನೆಯಲ್ಲಿ ಅದರ ಮೇಲೆಯೇ ಕೂರಬೇಕು. ಹೊರಗೆ ಬಂದಾಗಲೂ ಅದೇ ಅನಿವಾರ್ಯ. ಹೆಚ್ಚು ಹೊತ್ತು ನಿಲ್ಲಕೂಡದು. ಒಂದೊಂದು ಶಾಟ್ ಮುಗಿದ ನಂತರ ಆ ಕುರ್ಚಿ ಮೇಲೆ ಸಾಕಷ್ಟು ಸಮಯ ವಿರಮಿಸಿದ ನಂತರವಷ್ಟೇ ನಟಿಸಲು ಸಾಧ್ಯ. ನನ್ನ ದೇಹಾಕಾರ ನೋಡಿ ಬೆರಗಾಗುವ ಜನರಿಗೆ ನಾವು ಅನುಭವಿಸುವ ಇಂಥ ನೋವಿನ ಅರಿವೇ ಇರುವುದಿಲ್ಲ. <br /> <br /> ನಿಮಗೆ ಈ ವಿಷಯ ಹೇಳದೇ ಹೋಗಿದ್ದರೆ ನೀವು ಇಲ್ಲಸಲ್ಲದ್ದನ್ನು ಕಲ್ಪಿಸಿಕೊಂಡು ಅದನ್ನೇ ಹಬ್ಬಿಸುತ್ತಿದ್ದಿರಿ. ನನಗೇನೂ ಆಗಿಲ್ಲ; ಮತ್ತೆ ಮಾಮೂಲಿನಂತೆ ಆಗುತ್ತೇನೆ...~.<br /> <br /> ಹೃತಿಕ್ ನೇರವಂತಿಕೆ ಕಂಡು ಚಿತ್ರಕರ್ಮಿಗಳು ಕಣ್ಣರಳಿಸಿದರು. `ಛೆ, ಇಂಥ ಕಟ್ಟುಮಸ್ತು ದೇಹದ ನಟನಿಗೂ ಸ್ಲಿಪ್ ಡಿಸ್ಕ್ ಆಗಬೇಕೆ?~ ಎಂದು ಬೇಸರಪಟ್ಟುಕೊಂಡರು. ಮರುದಿನ ಹೋಟೆಲ್ನ ಕೋಣೆಯಲ್ಲಿ ಹೃತಿಕ್ ತಾವು ಮಲಗುವ ಹಾಸಗೆಯನ್ನು ಕೂಡ ತಾವೇ ತರಿಸಿಕೊಂಡದ್ದನ್ನು ಕಂಡು ಮತ್ತೆ ಅಚ್ಚರಿಗೊಂಡರು. ಮರುದಿನ ಬೆಳಿಗ್ಗೆ ಹೃತಿಕ್ ಆ ವಿಶೇಷ ವಿನ್ಯಾಸದ ಕುರ್ಚಿ ಮೇಲೆ ಕೂತೇ ಕಸರತ್ತು ಮಾಡುವುದನ್ನು ಕಂಡು ದಂಗಾದರು!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
