ಕರುಣಾಳು ಕೊಡೆ

ಕಪ್ಪು ಬಣ್ಣದ ಬಟ್ಟೆಯ ಹೊದ್ದ

. ತಂತಿಯ ಎಲುಬಿನ ಹಂದರದಣ್ಣ

. ಹಾಕಿ ಬ್ಯಾಟಿನ ಹಾಗೆಯೇ ಹೋಲುವ

. ಹಿಡಿಯನು ಪಡೆದಿಹ ಕೊಡೆಯಣ್ಣ

. ಮಳೆಗಾಲದಿ ತೊಯ್ಸದೆ ನಮ್ಮನು ತಾ

. ಬೇಸಿಗೆಯಲಿ ತಂಪೆರೆಯುವನು

. ಚಿಣ್ಣರ ಕೈಯಲಿ ಚಿಕ್ಕವನಿವ ತಾ

. ಹಿರಿಯರ ಕೈಯಲಿ ದೊಡ್ಡವನು

. ಗಾಳಿಯು ಭರ್ರನೆ ಬೀಸಲು ಗಕ್ಕನೆ

. ಗಡಗಡ ನಡುಗುತ ಮುದುಡುವನು

. ಕಡುಕೋಪದಿ ಹಿಡಿ ಶಾಪವ ಹಾಕುತ

. ಗೋಡೆಯ ಮಾಡಲಿ ಕೂಡ್ರುವನು

. ಗಾಳಿಯ ಹೊಡೆತಕೆ ಮುರಿದ್ಹೋದರು

. ತಾ ಅಜ್ಜಗೆ ಆಸರೆಯಾಗುವನು

. ಅಜ್ಜನ ಕೋಲಿದು ನನ್ನಯ ಕುದುರೆ

. ಎನುವಾ ಚಿಣ್ಣರೊಡನಾಡುವನು

. ಮಳೆ ಬಿಸಿಲಿಗೆ ತನ್ನಯ ಮೈಯೊಡ್ಡುತ

. ಮನುಜುಪಕಾರಿಯಾಗಿಹನು

. ಪರೋಪಕಾರದಿ ಸ್ವರ್ಗವು ಇಹುದು

. ಎನುವುದ ಜಗಕೆ ಸಾರಿಹನು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.