<p><strong>ಗುಂಬಜ್, ನಿನಗಿದೋ ಪ್ರಣಾಮ</strong><br /> <br /> ಇದು ಎಷ್ಟನೇ ಬಾರಿಯೋ?<br /> ಈ ಬಾರಿಯೂ<br /> ಗುಂಬಜ್ ಹತ್ತಿ ಇಳಿದೆ</p>.<p>ಕೇಕೆ ಹಾಕಿ ಚಪ್ಪಾಳೆ ತಟ್ಟಿ<br /> ದುಡು ದುಡನೆ ಹತ್ತುವ ಹುಡುಗರು<br /> ಅವರೆದೆಯೊಳಗೆ ಅವಳ ಚಿತ್ರ<br /> ಜೋರಾಗಿ ಕೂಗಿ ಕರೆದು ಬಿಡುವ ರೋಮಾಂಚನದ<br /> ಕ್ಷಣಗಣನೆ</p>.<p>ಚಣ ಚಣ ನಿಂತು<br /> ಉಸಿರು ತೆಗೆದು ಬಿಟ್ಟು ಮೊಳದುದ್ದದ<br /> ಮೆಟ್ಟಿಲ ಮೇಲೆ ಕಾಲು ಎತ್ತಿಡುತ್ತಿರುವೆ<br /> ಓಡಿ ಹೋಗಿ<br /> ಪ್ರತಿಧ್ವನಿಗೊಳುವಂತೆ ಕೂಗಲು ಯಾವ ಹೆಸರಿದೆ?<br /> ಅವಳ ಚಿತ್ರ ಮಂಕಾಗಿದೆ</p>.<p>ಸೈಡು ಹೊಡೆದು ಓಡುತ್ತಾರೆ ಹುಡುಗರು<br /> ಜೊತೆಗೆ ಹುಡುಗಿಯರು<br /> ಗಲಗಲವೆನ್ನುವ ಗುಲ್ಲು<br /> ಕಿಂಡಿಗಳಲಿ ಕಾಣುತಿದೆ ಪೇಲವ ಶಹರ<br /> ಕುಣಿಯುತಿದೆ ಬಿಸಿಲಗುದುರೆ<br /> ಮಾತುಗಾರನ ಕೈಯಲ್ಲಿ<br /> ವಿಜೃಂಭಿಸುತಿದೆ ಗತಕಾಲ</p>.<p>ಬಾಯ್ತೆರೆದು ನಿಂತಿದ್ದಾರೆ ಮಾತುಗಾರನ ಮುಂದೆ<br /> ಗುಂಬ ಗುಂಬಗಳ ನೂರು ಕಥೆ ಹೇಳಿ</p>.<p>ಕೈ ಚಪ್ಪಾಳೆ ಬಾರಿಸುತ್ತಾನೆ<br /> ಗೂಡಿನಿಂದ ಹಾರುತ್ತವೆ ರೆಕ್ಕೆಯಗಲಿಸಿ<br /> ಜೋಡಿ ಪಾರಿವಾಳ<br /> ಮರಳುವುದು ಯಾವಾಗಲೋ<br /> ಕತ್ತಲಿಳಿಯಬೇಕೋ ಏನೋ</p>.<p>ಪಿಸುಗುಟ್ಟಿದೆ ಸಾವಿರ ದನಿ ಸಾವಿರಬಾರಿ<br /> ಆಯೋಮಯ ಗೋಲ<br /> ಕಂಗೆಟ್ಟು ಕಣ್ಣು ಬಿಡುತ್ತಿರುವೆ<br /> ಯಾರ ಹೆಸರಿಗೇಂತ ದನಿ ತೆಗೆಯಲಿ! ಬೇಸತ್ತು<br /> ಬಳಲಿ ಬಾಯಾರಿದ ಶತಮಾನ</p>.<p>ಅಲ್ಲೊಂದು ಸೆಳಕಿನ ಮಿಂಚು<br /> ದನಿಗಳೊಳಗಿಂದ ಪಿಸುದನಿಯ ರವಾನಿಸಿತು ಗುಂಬಜ್<br /> ನನ್ನೆದೆಯಿಂದ ಹಾರಿ ಹೋದ ಹಕ್ಕಿ<br /> ಅಂಚಿನಿಂದ ಉಲಿಯುತಿದೆ<br /> ನೆಲತಪ್ಪಿದ ಹಕ್ಕಿಗೆ ನೆಲೆ ಒದಗಿಸಿದೆ ಗುಂಬಜ್<br /> ನಿನಗಿದೋ ಪ್ರಣಾಮ</p>.<p>ಗುಂಬಜ್ ಇಳಿವಾಗ ಕಾಲಿಗೆ ಹರೆಯ<br /> ಅವಳ ಕೈ ಹೆಗಲ ಮೇಲೆ ಆಸರೆಗೆಂದೇ..!<br /> ಅವಳಿಗೂ ಜೀವ ಸಂಚಾರ<br /> ಕೊರಡು ಕೊಸರುವ ಪರಿಗೆ ಇದು ದಿಬ್ಬ.</p>.<p>ಗುಂಬಗಳ ಬಿಟ್ಟು ಹಾರಿದ್ದ ಪಾರಿವಾಳಗಳು.<br /> ಮರಳಿ ಗೂಡಿಗೆ ಸೇರುವ ಸಮಯ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p><strong>ಗುಂಬಜ್, ನಿನಗಿದೋ ಪ್ರಣಾಮ</strong><br /> <br /> ಇದು ಎಷ್ಟನೇ ಬಾರಿಯೋ?<br /> ಈ ಬಾರಿಯೂ<br /> ಗುಂಬಜ್ ಹತ್ತಿ ಇಳಿದೆ</p>.<p>ಕೇಕೆ ಹಾಕಿ ಚಪ್ಪಾಳೆ ತಟ್ಟಿ<br /> ದುಡು ದುಡನೆ ಹತ್ತುವ ಹುಡುಗರು<br /> ಅವರೆದೆಯೊಳಗೆ ಅವಳ ಚಿತ್ರ<br /> ಜೋರಾಗಿ ಕೂಗಿ ಕರೆದು ಬಿಡುವ ರೋಮಾಂಚನದ<br /> ಕ್ಷಣಗಣನೆ</p>.<p>ಚಣ ಚಣ ನಿಂತು<br /> ಉಸಿರು ತೆಗೆದು ಬಿಟ್ಟು ಮೊಳದುದ್ದದ<br /> ಮೆಟ್ಟಿಲ ಮೇಲೆ ಕಾಲು ಎತ್ತಿಡುತ್ತಿರುವೆ<br /> ಓಡಿ ಹೋಗಿ<br /> ಪ್ರತಿಧ್ವನಿಗೊಳುವಂತೆ ಕೂಗಲು ಯಾವ ಹೆಸರಿದೆ?<br /> ಅವಳ ಚಿತ್ರ ಮಂಕಾಗಿದೆ</p>.<p>ಸೈಡು ಹೊಡೆದು ಓಡುತ್ತಾರೆ ಹುಡುಗರು<br /> ಜೊತೆಗೆ ಹುಡುಗಿಯರು<br /> ಗಲಗಲವೆನ್ನುವ ಗುಲ್ಲು<br /> ಕಿಂಡಿಗಳಲಿ ಕಾಣುತಿದೆ ಪೇಲವ ಶಹರ<br /> ಕುಣಿಯುತಿದೆ ಬಿಸಿಲಗುದುರೆ<br /> ಮಾತುಗಾರನ ಕೈಯಲ್ಲಿ<br /> ವಿಜೃಂಭಿಸುತಿದೆ ಗತಕಾಲ</p>.<p>ಬಾಯ್ತೆರೆದು ನಿಂತಿದ್ದಾರೆ ಮಾತುಗಾರನ ಮುಂದೆ<br /> ಗುಂಬ ಗುಂಬಗಳ ನೂರು ಕಥೆ ಹೇಳಿ</p>.<p>ಕೈ ಚಪ್ಪಾಳೆ ಬಾರಿಸುತ್ತಾನೆ<br /> ಗೂಡಿನಿಂದ ಹಾರುತ್ತವೆ ರೆಕ್ಕೆಯಗಲಿಸಿ<br /> ಜೋಡಿ ಪಾರಿವಾಳ<br /> ಮರಳುವುದು ಯಾವಾಗಲೋ<br /> ಕತ್ತಲಿಳಿಯಬೇಕೋ ಏನೋ</p>.<p>ಪಿಸುಗುಟ್ಟಿದೆ ಸಾವಿರ ದನಿ ಸಾವಿರಬಾರಿ<br /> ಆಯೋಮಯ ಗೋಲ<br /> ಕಂಗೆಟ್ಟು ಕಣ್ಣು ಬಿಡುತ್ತಿರುವೆ<br /> ಯಾರ ಹೆಸರಿಗೇಂತ ದನಿ ತೆಗೆಯಲಿ! ಬೇಸತ್ತು<br /> ಬಳಲಿ ಬಾಯಾರಿದ ಶತಮಾನ</p>.<p>ಅಲ್ಲೊಂದು ಸೆಳಕಿನ ಮಿಂಚು<br /> ದನಿಗಳೊಳಗಿಂದ ಪಿಸುದನಿಯ ರವಾನಿಸಿತು ಗುಂಬಜ್<br /> ನನ್ನೆದೆಯಿಂದ ಹಾರಿ ಹೋದ ಹಕ್ಕಿ<br /> ಅಂಚಿನಿಂದ ಉಲಿಯುತಿದೆ<br /> ನೆಲತಪ್ಪಿದ ಹಕ್ಕಿಗೆ ನೆಲೆ ಒದಗಿಸಿದೆ ಗುಂಬಜ್<br /> ನಿನಗಿದೋ ಪ್ರಣಾಮ</p>.<p>ಗುಂಬಜ್ ಇಳಿವಾಗ ಕಾಲಿಗೆ ಹರೆಯ<br /> ಅವಳ ಕೈ ಹೆಗಲ ಮೇಲೆ ಆಸರೆಗೆಂದೇ..!<br /> ಅವಳಿಗೂ ಜೀವ ಸಂಚಾರ<br /> ಕೊರಡು ಕೊಸರುವ ಪರಿಗೆ ಇದು ದಿಬ್ಬ.</p>.<p>ಗುಂಬಗಳ ಬಿಟ್ಟು ಹಾರಿದ್ದ ಪಾರಿವಾಳಗಳು.<br /> ಮರಳಿ ಗೂಡಿಗೆ ಸೇರುವ ಸಮಯ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>