<p>1<br /> ಹೀಗೆಯೇ ಪ್ರಪಂಚ ಮರೆತುಬಿಡುತ್ತದೆ<br /> ನಿಧಾನವಾಗಿ ಎಲ್ಲವನ್ನೂ, ಪರಿಸ್ಥಿತಿ ಹೀಗಿ–<br /> ರುವಾಗ ನೆನ್ನೆದಿನ ನಾನು ಹೇಳಿದ್ದು ನಿನಗೆ<br /> ನೆನಪಿದೆಯೇ ಎಂದು ಕೇಳುವೆಯಲ್ಲ! ಗಿಡಕ್ಕೆ<br /> ನೆನಪಿದೆಯೇ ಮೊನ್ನೆ ದಿನ ಅದು ತೊಟ್ಟ ಹೂವು–<br /> ಗಳ ಸಂಖ್ಯೆ ಎಷ್ಟೆಂದು? ಹಕ್ಕಿಗೆ ನೆನಪಿದೆಯೇ<br /> ತಾನು ಈವರೆಗೆ ಹಾಡಿರುವ ಹಾಡುಗಳ ಲೆಕ್ಕ<br /> ಎಷ್ಟೆಂದು? ಕಡಲಿಗೆ ನೆನಪಿದೆಯೇ ಈವರೆಗೆ<br /> ತನ್ನೊಳಗೆ ಹರಿದು ಕರಗಿರುವ ಹೊಳೆಗ–<br /> ಳೆಷ್ಟೆಂದು? ಆಕಾಶಕ್ಕೆ ಗೊತ್ತಿದೆಯೆ ತನ್ನಂ–<br /> ತರಂಗದಲ್ಲರಳಿ ಮರೆಯಾದ ಮತ್ತೆ<br /> ಮಿರುಗುತ್ತಿರುವ ತಾರಕೆಗಳೆಷ್ಟೆಂದು?</p>.<p>2<br /> ನಮ್ಮ ಅಸ್ತಿತ್ವವಿರುವುದೇ ನಮಗಿರುವ<br /> ನೆನಪುಗಳಲ್ಲಿ, ನನ್ನೊಳಗೆ ನಿನ್ನ, ನಿನ್ನೊಳಗೆ<br /> ನನ್ನ ನೆನಪಿರುವ ತನಕ, ನಾನೂ ನೀನೂ<br /> ಅದೂ ಇದೂ ಎಲ್ಲ. ಆಮೇಲೆ ನಾನು ಇಲ್ಲ<br /> ನೀನೂ ಇಲ್ಲ. ಪ್ರತಿಯೊಬ್ಬರಿಗೂ ಅವರವರ<br /> ನೆನಪಿನೊಳಗವರವರ ಪ್ರಪಂಚ. ಏನಾ–<br /> ದರೂ ಮಾಡಿ ಸಿಕ್ಕಷ್ಟು ನೆನಪುಗಳನ್ನು<br /> ಹಿಡಿದು ಚೌಕಟ್ಟು ಹಾಕುವ ಚಪಲ ನಮ್ಮೆ–<br /> ಲ್ಲರಿಗೂ, ಇದೇ ಕಲೆ–ಸಾಹಿತ್ಯ–ಶಿಲ್ಪಗಳಲ್ಲಿ<br /> ಬೆರಗು; ಹಿಡಿದರೂ ಹಿಡಿತಕ್ಕೆ ಸಿಕ್ಕದ ಕೊರಗು<br /> <br /> 3<br /> ನೆನಪುಗಳನ್ನು ತೆರೆಯುವುದಕ್ಕೆ ಅಥವಾ<br /> ಮರೆಯುವುದಕ್ಕೆ ಹೊರದಾರಿಯಿರದಿದ್ದ–<br /> ರೇನಾಗಬಹುದಿತ್ತು ನಮ್ಮ ಗತಿ? ಎಲ್ಲಿ<br /> ಯಾವ್ಯಾವ ಭವಗಳಲ್ಲಿ ನಾವೇನಾಗಿದ್ದೆ–<br /> ವೆಂಬುದೇನಾದರೂ ನಮಗೆ ನೆನಪಿದ್ದರೆ<br /> ಹಳೆಯ ಬೇಟೆ ನಾಯಿಗಳ ಬೊಗಳು ಇರು–<br /> ಳುದ್ದಕ್ಕೂ! ಸದ್ಯ, ಮರೆವೊಂದು ದೊಡ್ಡ ವರ<br /> ಎಲ್ಲದಕ್ಕೂ ಪ್ರಳಯ, ಆನಂತರವೇ ಹೊಸಹುಟ್ಟು,<br /> ಪ್ರತಿಯೊಂದು ಮಗುವೂ ಹೊಸದಾಗಿ ಶಾಲೆಗೆ<br /> ಸೇರಿ ತಿದ್ದಲೇ ಬೇಕು ಅಕ್ಷರಮಾಲೆ ಮೊದಲಿಗೆ</p>.<p>4<br /> ನೆನಪುಗಳ ಮೇಲೆ ನೆನಪುಗಳು ಒಂದೇ ಸಮನೆ<br /> ಜಮಾಯಿಸುತ್ತಾ, ಒಳಮನೆಯ ಉಗ್ರಾಣ ಅಸ್ತ–<br /> ವ್ಯಸ್ತ. ಹಂತಹಂತಗಳಲ್ಲಿ ಕಂತೆಕಂತೆಯ<br /> ಸರಕು. ಹಗುರವಾಗಬೇಕು ಎಲ್ಲವನ್ನೂ ತೊರೆದು;<br /> ತನ್ನಹಂಕಾರವನ್ನು, ಪದವಿ ಪ್ರತಿಷ್ಠೆಗಳನ್ನು,<br /> ಗೆದ್ದ ಗೆಲುವುಗಳನ್ನು, ಸೋತ ಸೋಲುಗಳನ್ನು<br /> ನಿರಾಳವಾಗಿ ನಿಲ್ಲಬೇಕು, ಶಿಶಿರದಲ್ಲಿ ಮರ<br /> ಕಳಚಿಕೊಳ್ಳುವ ಹಾಗೆ ತನ್ನೆಲ್ಲ ಎಲೆಗಳನ್ನು<br /> ನೆನೆಯಬೇಕು ಬೆಳಗೊಳದ ಬೆಟ್ಟದ ಮೇಲೆ<br /> ನಿಂತ ಆ ಗೊಮ್ಮಟನ ಮುಗುಳುನಗೆಯನ್ನು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>1<br /> ಹೀಗೆಯೇ ಪ್ರಪಂಚ ಮರೆತುಬಿಡುತ್ತದೆ<br /> ನಿಧಾನವಾಗಿ ಎಲ್ಲವನ್ನೂ, ಪರಿಸ್ಥಿತಿ ಹೀಗಿ–<br /> ರುವಾಗ ನೆನ್ನೆದಿನ ನಾನು ಹೇಳಿದ್ದು ನಿನಗೆ<br /> ನೆನಪಿದೆಯೇ ಎಂದು ಕೇಳುವೆಯಲ್ಲ! ಗಿಡಕ್ಕೆ<br /> ನೆನಪಿದೆಯೇ ಮೊನ್ನೆ ದಿನ ಅದು ತೊಟ್ಟ ಹೂವು–<br /> ಗಳ ಸಂಖ್ಯೆ ಎಷ್ಟೆಂದು? ಹಕ್ಕಿಗೆ ನೆನಪಿದೆಯೇ<br /> ತಾನು ಈವರೆಗೆ ಹಾಡಿರುವ ಹಾಡುಗಳ ಲೆಕ್ಕ<br /> ಎಷ್ಟೆಂದು? ಕಡಲಿಗೆ ನೆನಪಿದೆಯೇ ಈವರೆಗೆ<br /> ತನ್ನೊಳಗೆ ಹರಿದು ಕರಗಿರುವ ಹೊಳೆಗ–<br /> ಳೆಷ್ಟೆಂದು? ಆಕಾಶಕ್ಕೆ ಗೊತ್ತಿದೆಯೆ ತನ್ನಂ–<br /> ತರಂಗದಲ್ಲರಳಿ ಮರೆಯಾದ ಮತ್ತೆ<br /> ಮಿರುಗುತ್ತಿರುವ ತಾರಕೆಗಳೆಷ್ಟೆಂದು?</p>.<p>2<br /> ನಮ್ಮ ಅಸ್ತಿತ್ವವಿರುವುದೇ ನಮಗಿರುವ<br /> ನೆನಪುಗಳಲ್ಲಿ, ನನ್ನೊಳಗೆ ನಿನ್ನ, ನಿನ್ನೊಳಗೆ<br /> ನನ್ನ ನೆನಪಿರುವ ತನಕ, ನಾನೂ ನೀನೂ<br /> ಅದೂ ಇದೂ ಎಲ್ಲ. ಆಮೇಲೆ ನಾನು ಇಲ್ಲ<br /> ನೀನೂ ಇಲ್ಲ. ಪ್ರತಿಯೊಬ್ಬರಿಗೂ ಅವರವರ<br /> ನೆನಪಿನೊಳಗವರವರ ಪ್ರಪಂಚ. ಏನಾ–<br /> ದರೂ ಮಾಡಿ ಸಿಕ್ಕಷ್ಟು ನೆನಪುಗಳನ್ನು<br /> ಹಿಡಿದು ಚೌಕಟ್ಟು ಹಾಕುವ ಚಪಲ ನಮ್ಮೆ–<br /> ಲ್ಲರಿಗೂ, ಇದೇ ಕಲೆ–ಸಾಹಿತ್ಯ–ಶಿಲ್ಪಗಳಲ್ಲಿ<br /> ಬೆರಗು; ಹಿಡಿದರೂ ಹಿಡಿತಕ್ಕೆ ಸಿಕ್ಕದ ಕೊರಗು<br /> <br /> 3<br /> ನೆನಪುಗಳನ್ನು ತೆರೆಯುವುದಕ್ಕೆ ಅಥವಾ<br /> ಮರೆಯುವುದಕ್ಕೆ ಹೊರದಾರಿಯಿರದಿದ್ದ–<br /> ರೇನಾಗಬಹುದಿತ್ತು ನಮ್ಮ ಗತಿ? ಎಲ್ಲಿ<br /> ಯಾವ್ಯಾವ ಭವಗಳಲ್ಲಿ ನಾವೇನಾಗಿದ್ದೆ–<br /> ವೆಂಬುದೇನಾದರೂ ನಮಗೆ ನೆನಪಿದ್ದರೆ<br /> ಹಳೆಯ ಬೇಟೆ ನಾಯಿಗಳ ಬೊಗಳು ಇರು–<br /> ಳುದ್ದಕ್ಕೂ! ಸದ್ಯ, ಮರೆವೊಂದು ದೊಡ್ಡ ವರ<br /> ಎಲ್ಲದಕ್ಕೂ ಪ್ರಳಯ, ಆನಂತರವೇ ಹೊಸಹುಟ್ಟು,<br /> ಪ್ರತಿಯೊಂದು ಮಗುವೂ ಹೊಸದಾಗಿ ಶಾಲೆಗೆ<br /> ಸೇರಿ ತಿದ್ದಲೇ ಬೇಕು ಅಕ್ಷರಮಾಲೆ ಮೊದಲಿಗೆ</p>.<p>4<br /> ನೆನಪುಗಳ ಮೇಲೆ ನೆನಪುಗಳು ಒಂದೇ ಸಮನೆ<br /> ಜಮಾಯಿಸುತ್ತಾ, ಒಳಮನೆಯ ಉಗ್ರಾಣ ಅಸ್ತ–<br /> ವ್ಯಸ್ತ. ಹಂತಹಂತಗಳಲ್ಲಿ ಕಂತೆಕಂತೆಯ<br /> ಸರಕು. ಹಗುರವಾಗಬೇಕು ಎಲ್ಲವನ್ನೂ ತೊರೆದು;<br /> ತನ್ನಹಂಕಾರವನ್ನು, ಪದವಿ ಪ್ರತಿಷ್ಠೆಗಳನ್ನು,<br /> ಗೆದ್ದ ಗೆಲುವುಗಳನ್ನು, ಸೋತ ಸೋಲುಗಳನ್ನು<br /> ನಿರಾಳವಾಗಿ ನಿಲ್ಲಬೇಕು, ಶಿಶಿರದಲ್ಲಿ ಮರ<br /> ಕಳಚಿಕೊಳ್ಳುವ ಹಾಗೆ ತನ್ನೆಲ್ಲ ಎಲೆಗಳನ್ನು<br /> ನೆನೆಯಬೇಕು ಬೆಳಗೊಳದ ಬೆಟ್ಟದ ಮೇಲೆ<br /> ನಿಂತ ಆ ಗೊಮ್ಮಟನ ಮುಗುಳುನಗೆಯನ್ನು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
