ಮಕ್ಕಳ ಪದ್ಯ: ಬೆಕ್ಕಿನ ಬೇಟೆ

Last Updated 25 ಆಗಸ್ಟ್ 2018, 19:30 IST

ಅಕ್ಷರ ಗಾತ್ರ

ಬೆಳ್ಳನೆ ಬೆಕ್ಕು
ಒಳಬಂದಿತ್ತು
ಚಿಲಕದ ಸಂದಿಲಿ
ನಡೆದಾಡಿತ್ತು

ಹಾಲಿನ ವಾಸನೆ
ಮೊಸರಿನ ನೆನಪು
ಬೆಣ್ಣೆಯ ಕದಿಯಲು
ಹೊಂಚ್ಹಾಕಿತ್ತು

ಕಿಟಕಿಯ ತೂತನು
ಬಿರಿಬಿರಿ ನೋಡಿ
ಹೊರಡಲು ಕಾಲು
ಮುಂದಾಗಿತ್ತು

ಅಪ್ಪನ ಸದ್ದಿಗೆ
ಪೆಚ್ಚಾಗಿತ್ತು
ಅವ್ವನ ಗೊರಕೆಗೆ
ಬೆದರಿತ್ತು

ಮೆಲ್ಲನೆ ಎಲ್ಲೆಡೆ
ತಿರುಗಿ ನೋಡಿ
ಹುಳ ಹುಪ್ಪಡಿಗಳ
ಆಸೆಯ ಮಾಡಿ

ಇಲಿಯೂ ಕಾಣದ
ಕೋಣೆಯಲಿ
ಹಸಿದಾ ಹೊಟ್ಟೆಗೆ ಮರುಗಿತ್ತು

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.