ಕವನ- ಶಿವಜಂಗಮನ ಘೋರ ಹಸಿವು

ಹೂತು ಹೋಗಿದೆ ಒಂದು ಕಾಲು ಹಿಮಬೆಟ್ಟದ ಆಳಕೆ. ಸೆಟೆದು ನಿಂತಿದೆ ಮತ್ತೊಂದು ಕಾಲು ಮಾದಾರ ಓಣಿಯ ಗಟ್ಟಿ ಧರಿಯ ತಳಕೆ. ಸಾಸಿರ ವರ್ಷಗಳಿಂದ ಹಾಡುತ್ತಿದ್ದಾನೆ ಕರುಳ ಬಗೆದು ಹಸಿವಿನ ಹಾಡು. ಆನು ದೇವ ಹೊರಗಣನವನು ಎಂದು ಶಿವ ಸಾತ್ವಿಕನೆಂಬ ಜಡೆಮುನಿ. ಕೈಯಲ್ಲಿ ಢಮರು ಚೀರುತ್ತಿದೆ ಹಸಿದ ಮಾತು ಬಾರದ ಮಗುವಿನಂತೆ ಐಹೋಂಗ್. . . ಐಹೌಚ್ . . .

. 2 ಅನ್ನ ಚೀಲಗಳು ಬತ್ತಿಹೋಗಿವೆ ಸ್ಮಷಾನಗಳಾಗಿ ಬದಲಾದ ಕೆರೆಗಳಂತೆ. ನರಾಗ್ರಗಳೆಲ್ಲ ಕಣ್ಣಿಗೆ ಕುಕ್ಕುತ್ತಿವೆ ಬಸರಿ ಮರದ ಬಿಳಲುಗಳಂತೆ. ಕಂಗಳಲ್ಲಿಯ ಜ್ಯೋತಿ ಒಂದೊಂದು ಸಲ ಬೆಂಕಿಯಾಗಿ ಮೊತ್ತೊಂದು ಸಲ ಶಾಂತ ಪರಂಜ್ಯೋತಿಯಾಗಿ ಉರಿಯುತ್ತಿದೆ. ಮಗದೊಮ್ಮೆ ಸಂಗೀತದ ನಾದ ನದಿ ಪುರಿಯಾ ಕಲ್ಯಾಣ ರಾಗದಂತೆ ಹರಿಯುತ್ತಿದೆ

. 3 ತ್ರಿಶೂಲ ಜಂಗು ಹಿಡಿದು ಕೆಂಪಗೆ ತುಕ್ಕಿನ ಲೋಳೆ ಬಿಟ್ಟಿದೆ. ಚಂದಿರ ಕಪ್ಪು ಕಂಬಳಿ ಹೊದ್ದುಕೊಂಡು ಗಾಢ ನಿದ್ರೆಯಲ್ಲಿದ್ದಾನೆ. ಅವನಿಗೂ ಗೊತ್ತಾಗಿದೆ ಇದು ಎಂದೆಂದು ಮುಗಿಯದ ಕಥೆ. ಕೊರಳ ಸುತ್ತಿದ ನಾಗರ ಹಾವು ವೃದ್ಧಾಪ್ಯದಿಂದ ಬಳಲುತಿದೆ ಅದರ ಮೈತುಂಬ ಬಿಳಿ ರೋಮ. ಅದಕೂ ಹಸಿವಿನ ಚಿಂತೆ ಉಟ್ಟ ಚರ್ಮಾಂಬರದ ಲುಂಗಿಯ ಮೇಲೆ ಶತಮಾನದ ದೂಳು ಕುಂತಿದೆ ಎಷ್ಟೋ ಸಲ ಭೋ ಎಂದು ಅತ್ತಿದ್ದಾನೆ ಚಡಪಡಿಸಿದ್ದಾನೆ ತನ್ನ ಕರುಳುಗಳ ಹರಿದು ಕೊರಳಿಗೆ ಹಾಕಿಕೊಂಡು ಭೈರವನಾಗಿದ್ದಾನೆ

. 4 ಅವನಿಗೆ ಎಲ್ಲವೂ ನೆನಪಾಗುತ್ತಿದೆ. ಕಂಚಿಯ ಮಾಧರಚೆನ್ನನ ಅಂಬಲಿಯ ಸವಿ ತನಗೂ ಈಗ ನಿಷಿದ್ಧವಾಗಿದೆ. ಏಳು ಸುತ್ತಿನ ತಂತಿ ಬೇಲಿಯ ಮಧ್ಯೆ ಮೋರಿಯಲಿ ಹರಿವ ಅಂಬಲಿ ರಸವನು ನೋಡಿ ಹೇಗೆ ಸುಮ್ಮನಿದ್ದಾನೊ? ಜಿಹ್ವೆಯ ಲಾಲಾರಸ ಹರಿದಿದೆ ಒಡಲಾಗಿ ನದಿಯಾಗಿ ಕಡಲಾಗಿ ಕುರುಹುಗಳು ಹೆಸರಾಗಿಸುವ ಕಾಲವಿದು ಈ ನದಿಗೆ ಏನೆಂದು ಹೆಸರಿಡಲಿ? ಕೊಟ್ಟ ಹೆಸರು ಕ್ಷಣಾರ್ಧದಲಿ ಅಳಕಿಸಿ ಹೋಯಿತು ಶೂನ್ಯದ ಬಯಲಿನಲಿ

. 5 ತಂತಿಗೆ ಒದ್ದ ಕಾಲು ರಕ್ತ ಜಿನಗಿಸುತ್ತಿದೆ ಸರ್ವಾಂತರ್ಯಾಮಿ ಸೋತು ಬಸವಳಿದಿದ್ದಾನೆ. ಹಲ್ಲು ಕಳೆದುಕೊಂಡ ಅವನ ಹಾವು ನಿರಂತರ ಬುಸುಗುಡುತ್ತದೆ ಹಣೆಯ ಚಂದಿರನ ಬೆಳೆದಿಂಗಳ ಸರಕು ಮುಗಿದುಹೋಗಿದೆ ತಂತಿಯ ಬೇಲಿಗಳು ಇನ್ನೂ ಹೊಸ ರೂಪ ಪಡೆದು ಮುಂದಡಿ ಇಡದಂತೆ ಇವನನ್ನು ನಿರ್ಬಂಧಿಸುತ್ತಲಿವೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವನ- ಶಿವಜಂಗಮನ ಘೋರ ಹಸಿವು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ರಾಜ್ಯ ಜೂನಿಯರ್, ಸಬ್‌ ಜೂನಿಯರ್ ಈಜು: ಬಿಎಸಿ ತಂಡಕ್ಕೆ ಸಮಗ್ರ ಪ್ರಶಸ್ತಿ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ