<p>ಹುಣ್ಣಿಮೆ ನಗೆಯ ಸಣ್ಣ ಹುಡುಗರು<br />ಸಂತೆಯಲ್ಲಿ<br />ಹಣ್ಣು ಮಾರುತ್ತಾರೆ</p>.<p>ಕೇಜಿಗೆ ಇಪ್ಪತ್ತರ ಕಿತ್ತಳೆ<br />ಮೂವತ್ತರ ದ್ರಾಕ್ಷಿ<br />ನಲವತ್ತರ ಸೇಬು<br />ತಾಸುಗಟ್ಟಲೆ ಕುಕ್ಕರುಗಾಲಿನಲ್ಲಿ ಕುಳಿತು<br />ಎಲ್ಲರೂ ಹೆಕ್ಕುಳಿದ ಮೇಲೆ<br />ಮಂಡಿಯಿಂದ<br />ಅಡ್ಡಾದುಡ್ಡಿಗೆ ತಂದಿದ್ದಾರೆ</p>.<p>ಒಟ್ರಾಶಿ ತುಂಬಿ ತಂದಿದ್ದರ ಗುರುತೆಂಬಂತೆ<br />ಅವು ಮಾಸಲಾಗಿವೆ<br />ಅಲ್ಲಲ್ಲಿ ಕಲೆಯಾಗಿವೆ<br />ಮತ್ತು ಎರಡು ದಿನ ಇಟ್ಟರೆ<br />ಗ್ಯಾರಂಟಿ ಹಾಳಾಗುತ್ತವೆ<br />ಎಂಬಂತಿವೆ</p>.<p>ಇನ್ನಷ್ಟು ಕಡಿಮೆಗೆ ಸಿಕ್ಕಬಹುದು<br />ಎಂಬ ಮುಖಭಾವದ<br />ಕೆಲವು ಅವ್ವಂದಿರು ಕೈಗೂಸುಗಳೊಂದಿಗೆ<br />ಅವರ ಹತ್ತಿರಕ್ಕೆ<br />ಹೋಗಿ.. ಬಂದು.. ಮಾಡುತ್ತಿದ್ದಾರೆ<br />ಮತ್ತವರ ಗಂಡಂದಿರು ಅಲ್ಲೇ<br />ಸಮೀಪದ ಶರಾಬಿನಂಗಡಿಯ<br />ಮುಂದೆ ಕುಕ್ಕರುಗಾಲಲ್ಲಿ ಕುಳಿತು<br />ಬೀಡಿ ಸೇದುತ್ತಿದ್ದಾರೆ</p>.<p>ಕಬ್ಬಿನಹಾಲು ಕುಡಿದರೆ ಖರ್ಚಾಗಿಬಿಡುವ<br />ಹತ್ತು ರೂಪಾಯಿ<br />ಸಪ್ಪೆ ಬನ್ನಿಗಾಗಿ ಇಟ್ಟ ಹದಿನೈದು ರೂಪಾಯಿ<br />ಸಣ್ಣ ಮೀನಿನ ಗುಪ್ಪೆಗೆ ಮಾತ್ರ ಸಾಕಾಗುವ<br />ಇಪ್ಪತ್ತು ರೂಪಾಯಿ<br />ಇವೆಲ್ಲವನ್ನು ಈ ದಿನದ ಹಣ್ಣುಗಳಿಗಾಗಿ<br />ಹೆಂಗಸರು ತ್ಯಾಗಮಾಡಲು ಸಿದ್ಧರಿದ್ದಾರೆ<br />ಇದಿಷ್ಟನ್ನೂ ಅವರು<br />ಚಪ್ಪಲಿ ಇಲ್ಲದೇ ಎರಡು ಮಾರ್ಗ ಸವೆದು<br />ಸೌದೆ ಮಾರಿ ಗಳಿಸಿದ್ದಾರೆ<br />ತಂದದ್ದು ಕೂಡ ಗಾವುದ ದೂರದ<br />ಬೆಟ್ಟದಿಂದ.....<br />ಅದರದ್ದು ಮಹಾ ಕಥೆ</p>.<p>ಇಷ್ಟಾಗಿ ಸಂಜೆಯಾಗಬೇಕು<br />ಆಯಿತು<br />ಅಲ್ಲಿ<br />ಮೊದಲು ಉಣ್ಣಲಿ ಮಕ್ಕಳು ಎಂದು<br />ಕಾದು ಕುಳಿತಿರುವ ಅವ್ವಂದಿರು<br />ರೊಟ್ಟಿ ಬಿಸಿಯಾಗಿದೆಯೇ ಎಂದು<br />ಮುಟ್ಟಿ ಮುಟ್ಟಿ ನೋಡಿದರು<br />ಇಲ್ಲಿ<br />ಇನ್ನು ಯಾಪಾರ ಅಷ್ಟಕ್ಕಷ್ಟೇ ಎನ್ನಿಸಿ<br />ಚೀಲ ಕೊಡವಿದ ಹುಡುಗರು<br />ಬಾಕಿ ಹಣ್ಣುಗಳನ್ನು<br />ಹೆಂಗಸರಿಗೆ ಮುಫತ್ತಾಗಿ ಕೊಟ್ಟು<br />ಗಾಡಿ ಹತ್ತಿದರು</p>.<p>ಹೆಕ್ಕುಳಿದ ಹಣ್ಣುಗಳು<br />ಮಂಡಿಯಲ್ಲೇ ಮಣ್ಣುಪಾಲಾಗಬೇಕಿದ್ದವು<br />ಆಗದೇ<br />ಹುಡುಗರ ಮನೆಯ ರೊಟ್ಟಿಗೆ ಹಿಟ್ಟಾದವು<br />ಮೀನಿಗೂ...ಬನ್ನಿಗೂ... ಕಬ್ಬಿನಹಾಲಿಗೂ...<br />ದುಡ್ಡು ಉಳಿಸಿ ಅವ್ವಂದಿರನ್ನು<br />ಬೀಳ್ಕೊಟ್ಟವು</p>.<p>* * *</p>.<p>ತೊಳೆದು<br />ಬಿಡಿಸಿ<br />ಕತ್ತರಿಸಿ<br />ತಿನ್ನಲು ಆಲಸ್ಯವಾಗಿ<br />ಬೀಟೆ ಮರದ ಮೇಜಿನ ಮೇಲಿಟ್ಟ<br />ಬಾರ್ಕೋಡ್ ಹಣ್ಣುಗಳು<br />ದಿನಕ್ಕೊಂದರಂತೆ ಕೊಳೆತು<br />ಎಸೆಯಲ್ಪಟ್ಟ ಸುದ್ದಿ ಕೇಳಿದಾಗ<br />ಈ ಮೇಲಿನ ಸಂಗತಿ ನೆನಪಾಯಿತು<br />ಅಷ್ಟೇ..!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹುಣ್ಣಿಮೆ ನಗೆಯ ಸಣ್ಣ ಹುಡುಗರು<br />ಸಂತೆಯಲ್ಲಿ<br />ಹಣ್ಣು ಮಾರುತ್ತಾರೆ</p>.<p>ಕೇಜಿಗೆ ಇಪ್ಪತ್ತರ ಕಿತ್ತಳೆ<br />ಮೂವತ್ತರ ದ್ರಾಕ್ಷಿ<br />ನಲವತ್ತರ ಸೇಬು<br />ತಾಸುಗಟ್ಟಲೆ ಕುಕ್ಕರುಗಾಲಿನಲ್ಲಿ ಕುಳಿತು<br />ಎಲ್ಲರೂ ಹೆಕ್ಕುಳಿದ ಮೇಲೆ<br />ಮಂಡಿಯಿಂದ<br />ಅಡ್ಡಾದುಡ್ಡಿಗೆ ತಂದಿದ್ದಾರೆ</p>.<p>ಒಟ್ರಾಶಿ ತುಂಬಿ ತಂದಿದ್ದರ ಗುರುತೆಂಬಂತೆ<br />ಅವು ಮಾಸಲಾಗಿವೆ<br />ಅಲ್ಲಲ್ಲಿ ಕಲೆಯಾಗಿವೆ<br />ಮತ್ತು ಎರಡು ದಿನ ಇಟ್ಟರೆ<br />ಗ್ಯಾರಂಟಿ ಹಾಳಾಗುತ್ತವೆ<br />ಎಂಬಂತಿವೆ</p>.<p>ಇನ್ನಷ್ಟು ಕಡಿಮೆಗೆ ಸಿಕ್ಕಬಹುದು<br />ಎಂಬ ಮುಖಭಾವದ<br />ಕೆಲವು ಅವ್ವಂದಿರು ಕೈಗೂಸುಗಳೊಂದಿಗೆ<br />ಅವರ ಹತ್ತಿರಕ್ಕೆ<br />ಹೋಗಿ.. ಬಂದು.. ಮಾಡುತ್ತಿದ್ದಾರೆ<br />ಮತ್ತವರ ಗಂಡಂದಿರು ಅಲ್ಲೇ<br />ಸಮೀಪದ ಶರಾಬಿನಂಗಡಿಯ<br />ಮುಂದೆ ಕುಕ್ಕರುಗಾಲಲ್ಲಿ ಕುಳಿತು<br />ಬೀಡಿ ಸೇದುತ್ತಿದ್ದಾರೆ</p>.<p>ಕಬ್ಬಿನಹಾಲು ಕುಡಿದರೆ ಖರ್ಚಾಗಿಬಿಡುವ<br />ಹತ್ತು ರೂಪಾಯಿ<br />ಸಪ್ಪೆ ಬನ್ನಿಗಾಗಿ ಇಟ್ಟ ಹದಿನೈದು ರೂಪಾಯಿ<br />ಸಣ್ಣ ಮೀನಿನ ಗುಪ್ಪೆಗೆ ಮಾತ್ರ ಸಾಕಾಗುವ<br />ಇಪ್ಪತ್ತು ರೂಪಾಯಿ<br />ಇವೆಲ್ಲವನ್ನು ಈ ದಿನದ ಹಣ್ಣುಗಳಿಗಾಗಿ<br />ಹೆಂಗಸರು ತ್ಯಾಗಮಾಡಲು ಸಿದ್ಧರಿದ್ದಾರೆ<br />ಇದಿಷ್ಟನ್ನೂ ಅವರು<br />ಚಪ್ಪಲಿ ಇಲ್ಲದೇ ಎರಡು ಮಾರ್ಗ ಸವೆದು<br />ಸೌದೆ ಮಾರಿ ಗಳಿಸಿದ್ದಾರೆ<br />ತಂದದ್ದು ಕೂಡ ಗಾವುದ ದೂರದ<br />ಬೆಟ್ಟದಿಂದ.....<br />ಅದರದ್ದು ಮಹಾ ಕಥೆ</p>.<p>ಇಷ್ಟಾಗಿ ಸಂಜೆಯಾಗಬೇಕು<br />ಆಯಿತು<br />ಅಲ್ಲಿ<br />ಮೊದಲು ಉಣ್ಣಲಿ ಮಕ್ಕಳು ಎಂದು<br />ಕಾದು ಕುಳಿತಿರುವ ಅವ್ವಂದಿರು<br />ರೊಟ್ಟಿ ಬಿಸಿಯಾಗಿದೆಯೇ ಎಂದು<br />ಮುಟ್ಟಿ ಮುಟ್ಟಿ ನೋಡಿದರು<br />ಇಲ್ಲಿ<br />ಇನ್ನು ಯಾಪಾರ ಅಷ್ಟಕ್ಕಷ್ಟೇ ಎನ್ನಿಸಿ<br />ಚೀಲ ಕೊಡವಿದ ಹುಡುಗರು<br />ಬಾಕಿ ಹಣ್ಣುಗಳನ್ನು<br />ಹೆಂಗಸರಿಗೆ ಮುಫತ್ತಾಗಿ ಕೊಟ್ಟು<br />ಗಾಡಿ ಹತ್ತಿದರು</p>.<p>ಹೆಕ್ಕುಳಿದ ಹಣ್ಣುಗಳು<br />ಮಂಡಿಯಲ್ಲೇ ಮಣ್ಣುಪಾಲಾಗಬೇಕಿದ್ದವು<br />ಆಗದೇ<br />ಹುಡುಗರ ಮನೆಯ ರೊಟ್ಟಿಗೆ ಹಿಟ್ಟಾದವು<br />ಮೀನಿಗೂ...ಬನ್ನಿಗೂ... ಕಬ್ಬಿನಹಾಲಿಗೂ...<br />ದುಡ್ಡು ಉಳಿಸಿ ಅವ್ವಂದಿರನ್ನು<br />ಬೀಳ್ಕೊಟ್ಟವು</p>.<p>* * *</p>.<p>ತೊಳೆದು<br />ಬಿಡಿಸಿ<br />ಕತ್ತರಿಸಿ<br />ತಿನ್ನಲು ಆಲಸ್ಯವಾಗಿ<br />ಬೀಟೆ ಮರದ ಮೇಜಿನ ಮೇಲಿಟ್ಟ<br />ಬಾರ್ಕೋಡ್ ಹಣ್ಣುಗಳು<br />ದಿನಕ್ಕೊಂದರಂತೆ ಕೊಳೆತು<br />ಎಸೆಯಲ್ಪಟ್ಟ ಸುದ್ದಿ ಕೇಳಿದಾಗ<br />ಈ ಮೇಲಿನ ಸಂಗತಿ ನೆನಪಾಯಿತು<br />ಅಷ್ಟೇ..!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
