ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ನಾ ದಿವಾಕರ ಅವರ ಕವಿತೆ: ಶಾಯಿ ಖಾಲಿಯಾಗಿಲ್ಲ

Last Updated 11 ಫೆಬ್ರುವರಿ 2023, 19:30 IST
ಅಕ್ಷರ ಗಾತ್ರ

ನಾನು ಬರೆಯುತ್ತಲೇ ಇರುತ್ತೇನೆ
ನನ್ನೊಳಗಿನ
ಹುಟ್ಟು ಕಲ್ಮಷ ತೊಳೆಯಲು
ಮಲಿನ ಧಾತುಗಳನಳಿಸಲು
ಅನಿಷ್ಟ ನೆರಳುಗಳ ಸರಿಸಲು ;

ನಾನು ಬರೆಯುತ್ತಲೇ ಇರುತ್ತೇನೆ
ಪರಿಕಲ್ಪಿತ
ಶುದ್ಧಾಶುದ್ಧತೆಯಳಿಸಲು
ಜಾತಿ ಸೋಂಕು ತೊಳೆಯಲು
ಬಣ್ಣದ ಹಂಗು ತೊರೆಯಲು ;

ನಾನು ಬರೆಯುತ್ತಲೇ ಇರುತ್ತೇನೆ
ಸುತ್ತಲಾವರಿಸಿಹ
ಕಾರ್ಗತ್ತಲನಳಿಸಲು
ಶ್ರೇಷ್ಠತೆಯಹಮಿಕೆ ಅಳಿಸಲು
ನಂದಿದ ಹಣತೆಗಳನುರಿಸಲು ;

ನಾನು ಬರೆಯುತ್ತಲೇ ಇರುತ್ತೇನೆ
ಅಳಿಸಿಹೋದ
ಸಹನೆಯ ಬೀಜ ಬಿತ್ತಲು
ವಿಶ್ವಪಥವನು ಕಟ್ಟಲು
ಮನುಜಮತವನು ಬೆಳೆಸಲು ;

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT