ಅಕ್ಕಿ ವೈವಿದ್ಯ

ಅಕ್ಕಿಯ ಒತ್ತು ಶಾವಿಗೆ ಬೇಕಾಗುವ ಸಾಮಗ್ರಿಗಳು: 3 ಕಪ್ ಅಕ್ಕಿ, 1 ಕಪ್ ಅವಲಕ್ಕಿ, ರುಚಿಗೆ ತಕ್ಕಷ್ಟು ಉಪ್ಪು, 4 ಲೀಟರ್ ನೀರು.

ಮಾಡುವ ವಿಧಾನ: 4 ಲೀಟರ್ ನೀರಿನಲ್ಲಿ ಅಕ್ಕಿಯನ್ನು ಚೆನ್ನಾಗಿ ತೊಳೆದು ಹಿಂದಿನ ದಿವಸ ರಾತ್ರಿ ಅಕ್ಕಿ ನೆನಸಬೇಕು. ಮರು ದಿವಸ ಬೆಳಿಗ್ಗೆ 1 ಕಪ್ ಅವಲಕ್ಕಿ ಹಾಕಿ ಅಕ್ಕಿಯ ಜೊತೆ ನುಣ್ಣಗೆ ರುಬ್ಬಬೇಕು. ಆಮೇಲೆ ರುಬ್ಬಿದ ಹಿಟ್ಟನ್ನು ಒಂದು ಪಾತ್ರೆಗೆ ಹಾಕಬೇಕು. ಅರ್ಧ ಚಮಚ ಉಪ್ಪು ಹಾಕಿ ಒಲೆಯ ಮೇಲೆ ಇಟ್ಟು ಹಿಟ್ಟನ್ನು ಕಾಯಿಸಬೇಕು. ಕೈಗೆ ಹಿಡಿಯದಂತೆ ಚೆನ್ನಾಗಿ ತೊಳೆಸಬೇಕು. ಹಿಟ್ಟು ಮುದ್ದೆಯಾದ ನಂತರ ಇಳಿಸಬೇಕು. ಆ ಮೇಲೆ ಹಿಟ್ಟು ತಣಿದ ನಂತರ ಉಂಡೆ ಕಟ್ಟಬೇಕು. ಬೇಯಿಸಿದ ಒಂದೊಂದು ಉಂಡೆಯನ್ನು ಶಾವಿಗೆ ಒರಳಿಗೆ ಹಾಕಿ ಒತ್ತಬೇಕು. ಜನೀವಾರದ ತರಹ ಎಳೆ ಎೆಯಾಗಿ ಶಾವಿಗೆ ಬರುತ್ತದೆ. ಶಾವಿಗೆಗೆ ಕಾಯಿಹಾಲು ಹಾಕಿಕೊಂಡು ತಿನ್ನಬೇಕು.

ಕಾಯಿಹಾಲು ಮಾಡುವ ವಿಧಾನ: ತೆಂಗಿನಕಾಯಿ ತುರಿ 1 ಬಟ್ಟಲು, ಏಲಕ್ಕಿ 2, ಲವಂಗ 1, ಬೆಲ್ಲ 1 ಉಂಡೆ ಸಣ್ಣದು, 1 ಕಪ್ ಸಕ್ಕರೆ, ನೀರು 2 ಕಪ್. ತೆಂಗಿನಕಾಯಿ ತುರಿ ಜೊತೆಯಲ್ಲಿ ಏಲಕ್ಕಿ, ಲವಂಗ, ಸಕ್ಕರೆ, ನೀರು ಹಾಕಿ ನುಣ್ಣಗೆ ರುಬ್ಬಬೇಕು. ರುಬ್ಬಿದ ಹಾಲನ್ನು ಸೋಸಬೇಕು. ಸೋಸಿದ ಹಾಲಿಗೆ ಉಂಡೆ ಬೆಲ್ಲ ಹಾಕಿ ಕದಡಬೇಕು.

ದಪ್ಪ ಅಕ್ಕಿಯ ಸಿಹಿ ಶಾವಿಗೆ ಬೇಕಾಗುವ ಸಾಮಗ್ರಿಗಳು: 2 ಕಪ್ ಅಕ್ಕಿ. ಅರ್ಧ ಕಪ್ ಅವಲಕ್ಕಿ, ಬಾಳೆಹಣ್ಣು 2, ಏಲಕ್ಕಿ 2, ಡಬ್ಬಿ ಬೆಲ್ಲ 2 ಕಪ್, 1 ಚಮಚ ಉಪ್ಪು, ನೀರು 3 ಲೀಟರ್.|

ಮಾಡುವ ವಿಧಾನ: ಅಕ್ಕಿಯನ್ನು ಚೆನ್ನಾಗಿ ತೊಳೆದು ಆಮೇಲೆ ಪುನಃ ನೀರು ಹಾಕಿ ಅಕ್ಕಿಯನ್ನು ಎಂಟು ತಾಸು ನೆನಸಬೇಕು. ನೆನೆಸಿಟ್ಟ ಅಕ್ಕಿಯ ಜೊತೆ ಏಲಕ್ಕಿ, ಬಾಳೆಹಣ್ಣು, ಉಪ್ಪು, ಬೆಲ್ಲ, ನೀರು ಹಾಕಿ ಮಿಕ್ಸಿಗೆ ಹಾಕಿ ಚೆನ್ನಾಗಿ ರುಬ್ಬಬೇಕು. ರುಬ್ಬಿಟ್ಟ ಹಿಟ್ಟನ್ನು ಒಂದು ಪಾತ್ರೆಗೆ ಹಾಕಿ ಒಲೆಯ ಮೇಲೆ ಇಟ್ಟು ತೊಳೆಸಬೇಕು. ಹಿಟ್ಟು ಗಟ್ಟಿಯಾದ ನಂತರ ಕೆಳಗೆ ಇಳಿಸಬೇಕು. ಹಿಟ್ಟು ತಣಿದ ನಂತರ ಉಂಡೆಕಟ್ಟಿ ಉಗಿಯಲ್ಲಿ 5 ನಿಮಿಷ ಬೇಯಿಸಬೇಕು. ಇದು ಎಳೆ ಎಳೆಯಾಗಿ ಬರುತ್ತದೆ. ಸಿಹಿ ಶಾವಿಗೆಗೆ ತುಪ್ಪ ಹಾಕಿಕೊಂಡು ತಿನ್ನಬೇಕು.

ಎಲೆ ಹೋಳಿಗೆ ಬೇಕಾಗುವ ಪದಾರ್ಥಗಳು: 1 ಕಪ್ ಗೋಧಿ ಹಿಟ್ಟು, ಶುಂಠಿ ತುರಿ ಸ್ವಲ್ಪ, ಹಸಿಮೆಣಸು 2, ಬೇವಿನಸೊಪ್ಪು 1 ಎಸಳು, ನೀರು 2 ಬಟ್ಟಲು, ಉಪ್ಪು 1 ಸ್ಪೂನ್, ಜೀರಿಗೆ ಪುಡಿ ಅರ್ಧ ಸ್ಪೂನ್.

ಮಾಡುವ ವಿಧಾನ: 2 ಬಟ್ಟಲು ನೀರಿಗೆ 1 ಕಪ್ ಗೋಧಿ ಹಿಟ್ಟು, ಶುಂಠಿ ತುರಿ, ಹಸಿಮೆಣಸು, ಬೇವಿನಸೊಪ್ಪು, ಜೀರಿಗೆ, ಉಪ್ಪು ಹಾಕಿ ಹಿಟ್ಟನ್ನು ಗಂಟು ಇಲ್ಲದಂತೆ ಚೆನ್ನಾಗಿ ಕಲಸಬೇಕು. ಇಡ್ಲಿ ಹಿಟ್ಟಿನಷ್ಟು ದಪ್ಪ ಇರಬೇಕು. ಆಮೇಲೆ ಒಂದು ಬಾಳೆ ಎಲೆಯ ಮೇಲೆ 1 ಚಮಚ ಎಣ್ಣೆ ಹಚ್ಚಿ. ಎಣ್ಣೆ ಹಚ್ಚಿದ ಬಾಳೆ ಎಲೆಗೆ 1 ಪುಟ್ಟ ಹಿಟ್ಟನ್ನು ಹಾಕಿ ತೆಳ್ಳಗೆ ಹಚ್ಚಿ. ಇನ್ನೊಂದು ಬಾಳೆ ಎಲೆಯನ್ನು ಇದರ ಮೇಲೆ ಮುಚ್ಚಿ ಕಾವಲಿಯ ಮೇಲೆ ಕೆಂಪು ಬಣ್ಣ ಬರುವವರೆಗೆ ಬೇಯಿಸಿ. ಎಲೆ ಹೋಳಿಗೆಗೆ ಬೆಣ್ಣೆ ಹಚ್ಚಿಕೊಂಡು ತಿಂದರೆ ಬಲು ರುಚಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಕ್ಕಿ ವೈವಿದ್ಯ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್