ಅಡುಗೆ ಮನೆ ಸುರಕ್ಷತೆಗೆ ಮಕ್ಕಳ ನೇತೃತ್ವ

ಸರ್ಕಾರಿ ಸ್ವಾಮ್ಯದ ಹಿಂದುಸ್ತಾನ್ ಪೆಟ್ರೋಲಿಯಂನ ಅಡುಗೆ ಅನಿಲ ಘಟಕ ಎಚ್ಪಿ ಗ್ಯಾಸ್, ಈಗ ವಿಭಿನ್ನ ಉದ್ದೇಶಕ್ಕಾಗಿ ಚಿತ್ರಕಲಾ ಪ್ರಕಾರಗಳನ್ನು ಬಳಸಿಕೊಳ್ಳುವ ಪ್ರಯೋಗಕ್ಕೆ ಕೈ ಹಾಕಿದೆ.

. ಬೆಂಗಳೂರು ಸೇರಿದಂತೆ ದೇಶದ 24 ನಗರಗಳಲ್ಲಿ ‘ಅರಿವಿಗಾಗಿ ಕಲೆ’ ಎಂಬ ಆಂದೋಲನ ಆರಂಭಿಸಿದೆ. ಇದು ಎಚ್ಪಿ ಸುರಕ್ಷಾ ಸಂಚೇತನಾ ಅಭಿಯಾನದ ಭಾಗ.

. ದೇಶಾದ್ಯಂತ 2,400 ವಿತರಕರ ಮೂಲಕ ಸುಮಾರು ಮೂರು ಕೋಟಿ ಮನೆಗಳನ್ನು ಎಚ್ಪಿ ಗ್ಯಾಸ್ ತಲುಪುತ್ತಿದೆ. ಆದ್ದರಿಂದಲೇ ಗ್ರಾಹಕರ ಹಿತರಕ್ಷಣೆಗಾಗಿ ಎಚ್ಪಿ ಗ್ಯಾಸ್ ಹೆಚ್ಚು ಆದ್ಯತೆ ನೀಡುತ್ತಿದೆ.

. ಅಡುಗೆ ಮನೆಯಲ್ಲಿ ಗ್ಯಾಸ್ ಬಳಸುವ ಮಧ್ಯಮ, ಮೇಲ್ಮಧ್ಯಮ ವರ್ಗದ 25 ರಿಂದ 40 ವರ್ಷ ವಯಸ್ಸಿನೊಳಗಿನ ಮಹಿಳೆಯರನ್ನು ಗುರಿಯಾಗಿಟ್ಟುಕೊಂಡು ಸಂಸ್ಥೆ ಈಗ ಇದರಡಿ ಅರಿವಿಗಾಗಿ ಕಲೆ ಎಂಬ ಆಂದೋಲನ ರೂಪಿಸಿದೆ.

. ಇದೊಂದು ಶಾಲಾ ಸಂಪರ್ಕ ಕಾರ್ಯಕ್ರಮ. ಈ ವರ್ಗದ ಮಹಿಳಾ ಗ್ರಾಹಕರ ತಮ್ಮ ಮಕ್ಕಳನ್ನು ಬಿಡಲು ಶಾಲೆಗೆ ಹೋಗಿ ಬರುತ್ತಾರೆ, ಮಕ್ಕಳ ಶಿಕ್ಷಣದಲ್ಲಿ ಸಕ್ರಿಯವಾಗಿ ನೆರವಾಗುತ್ತಾರೆ. ಅದಕ್ಕಾಗಿಯೇ ಡಿಸೆಂಬರ್ ಮತ್ತು ಜನವರಿ ತಿಂಗಳಲ್ಲಿ ಶಾಲೆಗಳಲ್ಲಿ ಅನಿಮೇಷನ್ ಮತ್ತು ಮನೋರಂಜನಾ ಮಾಹಿತಿಯ ಪರಿಕರಗಳನ್ನು ಬಳಸಿ ಅಡುಗೆ ಮನೆ ಸುರಕ್ಷತೆಯ ಮಾಹಿತಿ ನೀಡಲಾಗುತ್ತದೆ.

. ಇದರ ಅಂಗವಾಗಿ ಸೆಂಟ್ ಜರ್ಮೆನ್ಸ್ ಶಾಲೆಯಲ್ಲಿ ಕಾರ್ಯಕ್ರಮವೊಂದು ನಡೆಯಿತು. ನಗರದ 15 ವಿವಿಧ ಶಾಲೆಗಳಲ್ಲಿ ಓದುತ್ತಿರುವ 5 ರಿಂದ 10 ವರ್ಷದೊಳಿಗಿನ 900 ಮಕ್ಕಳನ್ನು ಈ ಸಂದರ್ಭದಲ್ಲಿ ಸುರಕ್ಷತಾ ಏಜೆಂಟರೆಂದು ಘೋಸಲಾಯಿತು. ಅಡುಗೆ ಮನೆ ಸುರಕ್ಷತೆಯ ಬಗ್ಗೆ ಅನಿಮೇಷನ್ ಚಿತ್ರ, ಚಿತ್ರ ರಚನೆ ಸ್ಪರ್ಧೆ ಇತ್ಯಾದಿಗಳ ಮೂಲಕ ಅರಿವು ಮೂಡಿಸುವ ಪ್ರಯತ್ನಗಳಿಗೆ ಒಟ್ಟು 6 ಸಾವಿರ ಮಕ್ಕಳು ಸಾಕ್ಷಿಯಾದರು. ‘ನನ್ನ ಅಮ್ಮನ ಸುರಕ್ಷತೆ ಮೊದಲು’ ಎಂಬ ಕಿರುಹೊತ್ತಿಗೆ ಒಳಗೊಂಡ ಸುರಕ್ಷತಾ ಕಿಟ್ಗಳನ್ನು ಮಕ್ಕಳಿಗೆ ವಿತರಿಸಲಾಯಿತು.

. ಈ ಸಂದರ್ಭದಲ್ಲಿ ಮಾತನಾಡಿದ ಎಚ್ಪಿ ಗ್ಯಾಸ್ನ ಅಡುಗೆ ಅನಿಲ ಮಾರಾಟ ಮತ್ತು ತರಬೇತಿ ವಿಭಾಗದ ಮುಖ್ಯಸ್ಥ ಸುಬೀರ್ ಸರ್ಕಾರ್ ಅವರು ‘ಗ್ರಾಹಕರ ರಕ್ಷಣೆಗೆ ಒತ್ತು ನೀಡುತ್ತಲೇ ಬಂದಿರುವ ಎಚ್ಪಿ ಗ್ಯಾಸ್, ಮಕ್ಕಳ ಮೂಲಕ ಕುಟುಂಬದ ಸದಸ್ಯರಿಗೂ ಮುನ್ನೆಚ್ಚರಿಕೆಯ ಮಾತುಗಳನ್ನು ತಲುಪಿಸಲು ಬಯಸುತ್ತದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಡುಗೆ ಮನೆ ಸುರಕ್ಷತೆಗೆ ಮಕ್ಕಳ ನೇತೃತ್ವ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು