<p><strong>ನವದೆಹಲಿ (ಪಿಟಿಐ): </strong>ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರಿಗೆ ಮಹತ್ವದ ಪಾತ್ರ ವಹಿಸುವುದನ್ನು ಪಕ್ಷದ ಹಿರಿಯ ಮುಖಂಡ ಎಲ್.ಕೆ.ಅಡ್ವಾಣಿ ವಿರೋಧಿಸುತ್ತಿದ್ದಾರೆ ಎಂದು ಆರೋಪಿಸಿ ಮೋದಿ ಬೆಂಬಲಿಗರು ಅಡ್ವಾಣಿ ಅವರ ಇಲ್ಲಿನ ಮನೆಯ ಎದುರು ಶನಿವಾರ ಪ್ರತಿಭಟನೆ ನಡೆಸಿದರು.<br /> <br /> `ನರೇಂದ್ರ ಮೋದಿ ಸೇನೆ' ಎಂಬ ಬ್ಯಾನರ್ನೊಂದಿಗೆ ಪೃಥ್ವಿರಾಜ್ ರಸ್ತೆಯಲ್ಲಿನ ಅಡ್ವಾಣಿ ನಿವಾಸದ ಎದುರು ಹಾಜರಾದ ಕಾರ್ಯಕರ್ತರು, ಮೋದಿ ಪರ ಘೋಷಣೆ ಹಾಕಿ ಅರ್ಧ ಗಂಟೆ ಕಾಲ ಧರಣಿ ನಡೆಸಿದರು.<br /> <br /> `ನರೇಂದ್ರ ಮೋದಿ ಜಿಂದಾಬಾದ್', `ಮೋದಿ ಅವರನ್ನು ಪ್ರಧಾನಿಯನ್ನಾಗಿ ಮಾಡಿ' ಎಂಬ ಫಲಕಗಳನ್ನು ಹಿಡಿದಿದ್ದ ಕಾರ್ಯಕರ್ತರು, ಮಹತ್ವದ ಪಾತ್ರ ವಹಿಸಲು ಮೋದಿ ಅವರಿಗೆ ಅಡ್ವಾಣಿಯವರು ಅವಕಾಶ ಕಲ್ಪಿಸಿ ಕೊಡಬೇಕು ಎಂದು ಒತ್ತಾಯಿಸಿದರು. `ಅಡ್ವಾಣಿ ಕೆಳಗೆ ಇಳಿಯಲಿ; ನರೇಂದ್ರ ಮೋದಿ ಅವರು ಮುಂದೆ ಬರಲು ಅವಕಾಶ ಮಾಡಿಕೊಡಲಿ' ಎಂದು ಆಗ್ರಹಿಸಿದರು.<br /> <br /> ರೌಡಿ ಸಂಸ್ಕೃತಿ: ಬಿಜೆಪಿ ಹಿರಿಯ ನಾಯಕ ಎಲ್.ಕೆ.ಅಡ್ವಾಣಿ ಅವರ ನಿವಾಸದ ಎದುರು ನರೇಂದ್ರ ಮೋದಿ ಅವರು ನಡೆಸಿದ ಪ್ರತಿಭಟನೆಯನ್ನು `ರೌಡಿ ಸಂಸ್ಕೃತಿ' ಎಂದು ಟೀಕಿಸಿರುವ ಕಾಂಗ್ರೆಸ್, ಆ ಪಕ್ಷದವರು ತಮ್ಮ ನಾಯಕರನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎಂಬುದಕ್ಕೆ ಇದು ಉದಾಹರಣೆ ಎಂದು ಕುಟುಕಿದ್ದಾರೆ.<br /> <br /> ಅಡ್ವಾಣಿಯವರ ನಿವಾಸದ ಎದುರು ನಡೆದ ಪ್ರತಿಭಟನೆ ಎಲ್ಲರೂ ಆತಂಕಪಡಬೇಕಾದ ವಿಚಾರ. ನಾಯಕರೊಬ್ಬರು ಅವರ ಕಾರ್ಯಕರ್ತರಿಂದಲೇ ಇಂತಹ ಗೂಂಡಾ ವರ್ತನೆ ಎದುರಿಸಬೇಕಾಗಿ ಬಂದಿರುವುದನ್ನು ಇಡೀ ರಾಷ್ಟ್ರದ ಜನತೆ ನೋಡಿದೆ ಎಂದು ಕಾಂಗ್ರೆಸ್ ವಕ್ತಾರೆ ರೇಣುಕಾ ಚೌಧರಿ ಟೀಕಿಸಿದ್ದಾರೆ.<br /> <br /> <strong>`ಪಕ್ಷಕ್ಕೆ ಸೇರಿದವರಲ್ಲ'<br /> ಪಣಜಿ: </strong>ಅಡ್ವಾಣಿ ಅವರ ನಿವಾಸದ ಎದುರು ಪ್ರತಿಭಟನೆ ನಡೆಸಿರುವುದನ್ನು ಬಿಜೆಪಿ ತೀವ್ರವಾಗಿ ಖಂಡಿಸಿದೆ. ಇದೇ ವೇಳೆ, ಈ ಪ್ರತಿಭಟನೆ ನಡೆಸಿರುವವರು ತಮ್ಮ ಪಕ್ಷಕ್ಕೆ ಸೇರಿದವರಲ್ಲ ಎಂದೂ ಸಮರ್ಥಿಸಿಕೊಂಡಿದೆ.<br /> <br /> `ಅಡ್ವಾಣಿ ಅವರು ಪಕ್ಷದ ಹಿರಿಯ ನಾಯಕರು. ಅವರ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವವರು ಬಿಜೆಪಿಗೆ ಸೇರಿದವರಲ್ಲ' ಎಂದು ಪಕ್ಷದ ವಕ್ತಾರ ಶಹನವಾಜ್ ಹುಸೇನ್ ಸ್ಪಷ್ಟನೆ ನೀಡಿದರು.</p>.<p>ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಬಿಜೆಪಿ ವಕ್ತಾರೆ ನಿರ್ಮಲಾ ಸೀತಾರಾಮನ್, `ಅಡ್ವಾಣಿಯವರ ನಿವಾಸದ ಎದುರು ನಡೆಯುತ್ತಿರುವ ಪ್ರತಿಭಟನೆಯನ್ನು ಪಕ್ಷ ಖಂಡಿಸುತ್ತದೆ' ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಅವರಿಗೆ ಮಹತ್ವದ ಪಾತ್ರ ವಹಿಸುವುದನ್ನು ಪಕ್ಷದ ಹಿರಿಯ ಮುಖಂಡ ಎಲ್.ಕೆ.ಅಡ್ವಾಣಿ ವಿರೋಧಿಸುತ್ತಿದ್ದಾರೆ ಎಂದು ಆರೋಪಿಸಿ ಮೋದಿ ಬೆಂಬಲಿಗರು ಅಡ್ವಾಣಿ ಅವರ ಇಲ್ಲಿನ ಮನೆಯ ಎದುರು ಶನಿವಾರ ಪ್ರತಿಭಟನೆ ನಡೆಸಿದರು.<br /> <br /> `ನರೇಂದ್ರ ಮೋದಿ ಸೇನೆ' ಎಂಬ ಬ್ಯಾನರ್ನೊಂದಿಗೆ ಪೃಥ್ವಿರಾಜ್ ರಸ್ತೆಯಲ್ಲಿನ ಅಡ್ವಾಣಿ ನಿವಾಸದ ಎದುರು ಹಾಜರಾದ ಕಾರ್ಯಕರ್ತರು, ಮೋದಿ ಪರ ಘೋಷಣೆ ಹಾಕಿ ಅರ್ಧ ಗಂಟೆ ಕಾಲ ಧರಣಿ ನಡೆಸಿದರು.<br /> <br /> `ನರೇಂದ್ರ ಮೋದಿ ಜಿಂದಾಬಾದ್', `ಮೋದಿ ಅವರನ್ನು ಪ್ರಧಾನಿಯನ್ನಾಗಿ ಮಾಡಿ' ಎಂಬ ಫಲಕಗಳನ್ನು ಹಿಡಿದಿದ್ದ ಕಾರ್ಯಕರ್ತರು, ಮಹತ್ವದ ಪಾತ್ರ ವಹಿಸಲು ಮೋದಿ ಅವರಿಗೆ ಅಡ್ವಾಣಿಯವರು ಅವಕಾಶ ಕಲ್ಪಿಸಿ ಕೊಡಬೇಕು ಎಂದು ಒತ್ತಾಯಿಸಿದರು. `ಅಡ್ವಾಣಿ ಕೆಳಗೆ ಇಳಿಯಲಿ; ನರೇಂದ್ರ ಮೋದಿ ಅವರು ಮುಂದೆ ಬರಲು ಅವಕಾಶ ಮಾಡಿಕೊಡಲಿ' ಎಂದು ಆಗ್ರಹಿಸಿದರು.<br /> <br /> ರೌಡಿ ಸಂಸ್ಕೃತಿ: ಬಿಜೆಪಿ ಹಿರಿಯ ನಾಯಕ ಎಲ್.ಕೆ.ಅಡ್ವಾಣಿ ಅವರ ನಿವಾಸದ ಎದುರು ನರೇಂದ್ರ ಮೋದಿ ಅವರು ನಡೆಸಿದ ಪ್ರತಿಭಟನೆಯನ್ನು `ರೌಡಿ ಸಂಸ್ಕೃತಿ' ಎಂದು ಟೀಕಿಸಿರುವ ಕಾಂಗ್ರೆಸ್, ಆ ಪಕ್ಷದವರು ತಮ್ಮ ನಾಯಕರನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎಂಬುದಕ್ಕೆ ಇದು ಉದಾಹರಣೆ ಎಂದು ಕುಟುಕಿದ್ದಾರೆ.<br /> <br /> ಅಡ್ವಾಣಿಯವರ ನಿವಾಸದ ಎದುರು ನಡೆದ ಪ್ರತಿಭಟನೆ ಎಲ್ಲರೂ ಆತಂಕಪಡಬೇಕಾದ ವಿಚಾರ. ನಾಯಕರೊಬ್ಬರು ಅವರ ಕಾರ್ಯಕರ್ತರಿಂದಲೇ ಇಂತಹ ಗೂಂಡಾ ವರ್ತನೆ ಎದುರಿಸಬೇಕಾಗಿ ಬಂದಿರುವುದನ್ನು ಇಡೀ ರಾಷ್ಟ್ರದ ಜನತೆ ನೋಡಿದೆ ಎಂದು ಕಾಂಗ್ರೆಸ್ ವಕ್ತಾರೆ ರೇಣುಕಾ ಚೌಧರಿ ಟೀಕಿಸಿದ್ದಾರೆ.<br /> <br /> <strong>`ಪಕ್ಷಕ್ಕೆ ಸೇರಿದವರಲ್ಲ'<br /> ಪಣಜಿ: </strong>ಅಡ್ವಾಣಿ ಅವರ ನಿವಾಸದ ಎದುರು ಪ್ರತಿಭಟನೆ ನಡೆಸಿರುವುದನ್ನು ಬಿಜೆಪಿ ತೀವ್ರವಾಗಿ ಖಂಡಿಸಿದೆ. ಇದೇ ವೇಳೆ, ಈ ಪ್ರತಿಭಟನೆ ನಡೆಸಿರುವವರು ತಮ್ಮ ಪಕ್ಷಕ್ಕೆ ಸೇರಿದವರಲ್ಲ ಎಂದೂ ಸಮರ್ಥಿಸಿಕೊಂಡಿದೆ.<br /> <br /> `ಅಡ್ವಾಣಿ ಅವರು ಪಕ್ಷದ ಹಿರಿಯ ನಾಯಕರು. ಅವರ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವವರು ಬಿಜೆಪಿಗೆ ಸೇರಿದವರಲ್ಲ' ಎಂದು ಪಕ್ಷದ ವಕ್ತಾರ ಶಹನವಾಜ್ ಹುಸೇನ್ ಸ್ಪಷ್ಟನೆ ನೀಡಿದರು.</p>.<p>ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಬಿಜೆಪಿ ವಕ್ತಾರೆ ನಿರ್ಮಲಾ ಸೀತಾರಾಮನ್, `ಅಡ್ವಾಣಿಯವರ ನಿವಾಸದ ಎದುರು ನಡೆಯುತ್ತಿರುವ ಪ್ರತಿಭಟನೆಯನ್ನು ಪಕ್ಷ ಖಂಡಿಸುತ್ತದೆ' ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
