<p>ಗಲ್ಲುಶಿಕ್ಷೆಯ ನೇಣು<br /> ಕಣ್ಣೆದುರು ತೂಗುತ್ತಿರುವಾಗಲೂ <br /> ಮನಬಿಚ್ಚಿ ಅಳಲಾರದ<br /> ಈ ಅಜ್ಮಲ್ ಕಸಬ್ ಎಂಬ<br /> ಚಂಚಲ ಉಡಾಫೆ ಕಣ್ಣುಗಳ<br /> ಬೇಜವಾಬ್ದಾರಿ ಹುಡುಗ<br /> ಸತ್ತ ಮೇಲಿನ ಸ್ವರ್ಗದಾಸೆಗೆ<br /> ಸೊಂಟಕ್ಕೆ ಬಾಂಬು ಕಟ್ಟಿಕೊಂಡ<br /> ನಂಬರ್ ವನ್ ಭಯೋತ್ಪಾದಕ...</p>.<p>ಅದಕ್ಕೂ ಮುನ್ನ<br /> ಲಕ್ಷಗಳ ಕನವರಿಕೆಯಲ್ಲಿ<br /> ಅಮ್ಮಿಗೂ ತನ್ನ ಜೊತೆ<br /> ಸ್ವರ್ಗದಲ್ಲೊಂದು ಸೀಟು ಕಾದಿರಿಸಿ<br /> ಧರ್ಮಾರ್ಥ ಚಿಂತಿಸುತ್ತಿದ್ದ<br /> ಭಾವೀ ಭಯೋತ್ಪಾದಕ...</p>.<p>ಅದಕ್ಕೂ ಮುನ್ನ<br /> ಯಾರದೋ ದ್ವೇಷದ ಬೆಂಕಿಗೆ<br /> ಮತ್ಯಾರದೋ ಕೈಕಾಲು ಮುರಿದು<br /> ಹಲವು ಸಾವಿರ ಗಳಿಸಿದ್ದ<br /> ಕ್ರಿಮಿನಲ್...</p>.<p>ಅದಕ್ಕೂ ಮುನ್ನ<br /> ಪುಡಿಕಾಸಿಗೆ ಅವರಿವರ ಪರ್ಸು ಎಗರಿಸಿ<br /> ಸ್ಲೇಟು ಹಿಡಿದು ಪಟ ತೆಗೆಸಿಕೊಂಡ<br /> ಆರ್ಡಿನರಿ ಕಿಸೆಗಳ್ಳ...</p>.<p>ಅದಕ್ಕೂ ಮುನ್ನ<br /> ಕಾಸಿಲ್ಲದೇ ಕೆಲಸವಿಲ್ಲದೇ<br /> ಗುರಿಯಿಲ್ಲದೇ ನೆಲೆಯಿಲ್ಲದೇ<br /> ಬರಿಗೈಲಿ ಅಂಡಲೆದ<br /> ಹಸಿದ <br /> ಪುಂಡಪೋಕರಿ...</p>.<p>ಅದಕ್ಕೂ ಮುನ್ನ<br /> ಮದರಸಾದ ಮೂಲೆಯಲಿ<br /> ನೆಲಕಚ್ಚಿ ಕುಳಿತು<br /> ಅಲಿಫ್ ಬೆ ಪೆ ತಿದ್ದಿದ<br /> ಎಳೆಯ ಪೋರ...</p>.<p>ಅದಕ್ಕೂ ಮುನ್ನ <br /> ಅಮ್ಮಿಯ ದುಪಟ್ಟಾದ ಮರೆಯಲ್ಲವಿತು<br /> ಬಿಸಿಲ ಕೋಲಿನ ಜಾಡ ಹಿಡಿದು <br /> ಆಕಾಶ ದೀಪ ನೋಡಿದವ<br /> ಅವಳ ಮಡಿಲೊಳಾಡಿದ ಕೂಸು<br /> ಅವಳು ಸಹಿಸಿದ ಬೇನೆಯ ನೋವು<br /> ಅವಳ ಭವಿಷ್ಯದ ಕನಸು<br /> ಮೊಳೆಯಲು ಕಾದಿದ್ದ ಒಡಲ ಬೀಜ...</p>.<p>ಒಂದೇ ಆಸೆ<br /> ಈ ಕಸಾಬ್ನನ್ನೊಮ್ಮೆ ಹೆರಬೇಕು...<br /> ಬೆಚ್ಚಗಿನ ಮೊಲೆವಾಲು ಕುಡಿಸಿ<br /> ಮಗನೇ ಹಾಗಲ್ಲ ಹೀಗೆಂದು <br /> ಕಿವಿ ಹಿಂಡಿ ಹೇಳುವ<br /> ಅಮ್ಮನಾಗಬೇಕು...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗಲ್ಲುಶಿಕ್ಷೆಯ ನೇಣು<br /> ಕಣ್ಣೆದುರು ತೂಗುತ್ತಿರುವಾಗಲೂ <br /> ಮನಬಿಚ್ಚಿ ಅಳಲಾರದ<br /> ಈ ಅಜ್ಮಲ್ ಕಸಬ್ ಎಂಬ<br /> ಚಂಚಲ ಉಡಾಫೆ ಕಣ್ಣುಗಳ<br /> ಬೇಜವಾಬ್ದಾರಿ ಹುಡುಗ<br /> ಸತ್ತ ಮೇಲಿನ ಸ್ವರ್ಗದಾಸೆಗೆ<br /> ಸೊಂಟಕ್ಕೆ ಬಾಂಬು ಕಟ್ಟಿಕೊಂಡ<br /> ನಂಬರ್ ವನ್ ಭಯೋತ್ಪಾದಕ...</p>.<p>ಅದಕ್ಕೂ ಮುನ್ನ<br /> ಲಕ್ಷಗಳ ಕನವರಿಕೆಯಲ್ಲಿ<br /> ಅಮ್ಮಿಗೂ ತನ್ನ ಜೊತೆ<br /> ಸ್ವರ್ಗದಲ್ಲೊಂದು ಸೀಟು ಕಾದಿರಿಸಿ<br /> ಧರ್ಮಾರ್ಥ ಚಿಂತಿಸುತ್ತಿದ್ದ<br /> ಭಾವೀ ಭಯೋತ್ಪಾದಕ...</p>.<p>ಅದಕ್ಕೂ ಮುನ್ನ<br /> ಯಾರದೋ ದ್ವೇಷದ ಬೆಂಕಿಗೆ<br /> ಮತ್ಯಾರದೋ ಕೈಕಾಲು ಮುರಿದು<br /> ಹಲವು ಸಾವಿರ ಗಳಿಸಿದ್ದ<br /> ಕ್ರಿಮಿನಲ್...</p>.<p>ಅದಕ್ಕೂ ಮುನ್ನ<br /> ಪುಡಿಕಾಸಿಗೆ ಅವರಿವರ ಪರ್ಸು ಎಗರಿಸಿ<br /> ಸ್ಲೇಟು ಹಿಡಿದು ಪಟ ತೆಗೆಸಿಕೊಂಡ<br /> ಆರ್ಡಿನರಿ ಕಿಸೆಗಳ್ಳ...</p>.<p>ಅದಕ್ಕೂ ಮುನ್ನ<br /> ಕಾಸಿಲ್ಲದೇ ಕೆಲಸವಿಲ್ಲದೇ<br /> ಗುರಿಯಿಲ್ಲದೇ ನೆಲೆಯಿಲ್ಲದೇ<br /> ಬರಿಗೈಲಿ ಅಂಡಲೆದ<br /> ಹಸಿದ <br /> ಪುಂಡಪೋಕರಿ...</p>.<p>ಅದಕ್ಕೂ ಮುನ್ನ<br /> ಮದರಸಾದ ಮೂಲೆಯಲಿ<br /> ನೆಲಕಚ್ಚಿ ಕುಳಿತು<br /> ಅಲಿಫ್ ಬೆ ಪೆ ತಿದ್ದಿದ<br /> ಎಳೆಯ ಪೋರ...</p>.<p>ಅದಕ್ಕೂ ಮುನ್ನ <br /> ಅಮ್ಮಿಯ ದುಪಟ್ಟಾದ ಮರೆಯಲ್ಲವಿತು<br /> ಬಿಸಿಲ ಕೋಲಿನ ಜಾಡ ಹಿಡಿದು <br /> ಆಕಾಶ ದೀಪ ನೋಡಿದವ<br /> ಅವಳ ಮಡಿಲೊಳಾಡಿದ ಕೂಸು<br /> ಅವಳು ಸಹಿಸಿದ ಬೇನೆಯ ನೋವು<br /> ಅವಳ ಭವಿಷ್ಯದ ಕನಸು<br /> ಮೊಳೆಯಲು ಕಾದಿದ್ದ ಒಡಲ ಬೀಜ...</p>.<p>ಒಂದೇ ಆಸೆ<br /> ಈ ಕಸಾಬ್ನನ್ನೊಮ್ಮೆ ಹೆರಬೇಕು...<br /> ಬೆಚ್ಚಗಿನ ಮೊಲೆವಾಲು ಕುಡಿಸಿ<br /> ಮಗನೇ ಹಾಗಲ್ಲ ಹೀಗೆಂದು <br /> ಕಿವಿ ಹಿಂಡಿ ಹೇಳುವ<br /> ಅಮ್ಮನಾಗಬೇಕು...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
