<p>ಇಂಟರ್ನೆಟ್ ಬಳಕೆಯ ಜನಪ್ರಿಯತೆ ಮತ್ತು ಮನೆಯಲ್ಲಿ ಕುಳಿತುಕೊಂಡು ಯಾವುದೇ ಧಾವಂತ ಇಲ್ಲದೇ ಆರಾಮವಾಗಿ ಆನ್ಲೈನ್ ಮೂಲಕವೇ ಮನೆಪಾಠಗಳ (e-tutorial) ಪ್ರಯೋಜನ ಪಡೆದುಕೊಳ್ಳುವುದು ದೇಶದ ಪ್ರಮುಖ ನಗರಗಳಲ್ಲಿ ಸಾಕಷ್ಟು ಜನಪ್ರಿಯತೆ ಗಳಿಸುತ್ತಿದೆ.<br /> <br /> 2015ರಷ್ಟೊತ್ತಿಗೆ ಈ ಮನೆಪಾಠದ ವಹಿವಾಟಿನ ಮೊತ್ತ ರೂ 3,500 ಕೋಟಿಗಳಿಗೆ ತಲುಪಲಿದೆ ಎಂದು ಅಂದಾಜಿಸಲಾಗಿದೆ. <br /> <br /> ಈ ಆನ್ಲೈನ್ ಮನೆಪಾಠದ ಮಾರುಕಟ್ಟೆಯು ವಾರ್ಷಿಕ ಶೇ 40ರಷ್ಟು ವೃದ್ಧಿ ಕಾಣುತ್ತಿದೆ. ಸದ್ಯಕ್ಕೆ ಇದರ ಮಾರುಕಟ್ಟೆ ಮೌಲ್ಯ ರೂ1,200 ಕೋಟಿಗಳಷ್ಟಿದೆ. ಆನ್ಲೈನ್ ಮನೆ ಪಾಠಕ್ಕೆ ವಿದ್ಯಾರ್ಥಿಗಳನ್ನು ನೋಂದಾಯಿಸಿಕೊಳ್ಳುವ ಶಾಲಾ - ಕಾಲೇಜ್ಗಳ ಸಂಖ್ಯೆಯು ಗಣನೀಯವಾಗಿ ಹೆಚ್ಚುತ್ತಿದೆ. <br /> <br /> ವಿದ್ಯಾರ್ಥಿಗಳಿಗೆ ಸರಿ ಹೊಂದುವ ಸಮಯಕ್ಕೆ, ಅವರಿಗೆ ಪ್ರಾಯೋಗಿಕ ಒಳನೋಟ ನೀಡುತ್ತ ವೈಯಕ್ತಿಕ ಗಮನ ನೀಡಲು ಈ `ಇ-ಮನೆಪಾಠ~ದಲ್ಲಿ ಸಾಧ್ಯವಾಗಲಿದೆ ಎಂದು ಸಮೀಕ್ಷೆಯೊಂದು ತಿಳಿಸಿದೆ.ಇಂತಹ ಮನೆಪಾಠಕ್ಕೆ ಹೆಚ್ಚಿನ ವೆಚ್ಚ ತಗುಲಲಾರದು. <br /> <br /> ಆದರೆ ಕಂಪ್ಯೂಟರ್, ಇಂಟರ್ನೆಟ್ ಸೇರಿದಂತೆ ಕೆಲ ಮೂಲ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ಸೌಲಭ್ಯಗಳನ್ನು ಅಳವಡಿಸಿಕೊಳ್ಳುವುದು ಮುಖ್ಯವಾಗುತ್ತದೆ. ವಿದ್ಯಾರ್ಥಿ ಮತ್ತು ಕಲಿಕಾರ್ಥಿ ಮಧ್ಯೆ ನೇರ ಸಂವಾದಕ್ಕೆ ಇ-ಮೇಲ್, ವಿಡಿಯೊ ಸಂವಾದ ಮತ್ತಿತರ ಅನುಕೂಲತೆಗಳೂ ಇರಬೇಕಾಗುತ್ತದೆ.<br /> <br /> `ಇ-ಕಲಿಕೆ~ ಸೌಲಭ್ಯವನ್ನು ಹಲವಾರು ಅಂತರಜಾಲ ತಾಣಗಳು ಒದಗಿಸುತ್ತಿವೆ. ವಿದ್ಯಾರ್ಥಿಗಳು ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸಬಹುದು. <br /> <br /> ಬೆಂಗಳೂರು, ಚೆನ್ನೈ, ಮುಂಬೈ ಮತ್ತು ದೆಹಲಿಯಲ್ಲಿ ನಡೆಸಿದ ಸಮೀಕ್ಷೆಯಲ್ಲಿ ಭಾಗವಹಿಸಿದ್ದ ಪಾಲಕರು ಇಂತಹ ಸೌಲಭ್ಯ ಬಳಸಲು ಅಗತ್ಯ ಸಹಕಾರ ನೀಡಲು ಮುಂದೆ ಬಂದಿದ್ದಾರೆ.<br /> <br /> ಕೆಲವರು ಸಾಂಪ್ರದಾಯಿಕ ಮನೆಪಾಠಕ್ಕೆ ಆದ್ಯತೆ ನೀಡಿದ್ದರೂ, ಆನ್ಲೈನ್ ಪಾಠವು ಕೂಡ ಕಲಿಕೆಗೆ ಉತ್ತಮ ಮಾಧ್ಯಮವಾಗಿದೆ ಎಂದು ಭಾವಿಸಿದ್ದಾರೆ. ಪ್ರತಿಯೊಬ್ಬ ವಿದ್ಯಾರ್ಥಿಯ ವಿಶಿಷ್ಟವಾದ ಕಲಿಕಾ ಅಗತ್ಯಗಳನ್ನು `ಇ-ಮನೆಪಾಠ~ ಪೂರೈಸಲಿದೆ.<br /> <br /> ಈ ಸೌಲಭ್ಯವು ಸದ್ಯಕ್ಕೆ ಮಹಾನಗರಗಳಿಗೆ ಮಾತ್ರ ಸೀಮಿತಗೊಂಡಿದ್ದು, ಭವಿಷ್ಯದಲ್ಲಿ ಇನ್ನಷ್ಟು ನಗರಗಳಿಗೆ ವಿಸ್ತರಣೆಗೊಳ್ಳಲಿದೆ ಎಂದು ನಿರೀಕ್ಷಿಸಲಾಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇಂಟರ್ನೆಟ್ ಬಳಕೆಯ ಜನಪ್ರಿಯತೆ ಮತ್ತು ಮನೆಯಲ್ಲಿ ಕುಳಿತುಕೊಂಡು ಯಾವುದೇ ಧಾವಂತ ಇಲ್ಲದೇ ಆರಾಮವಾಗಿ ಆನ್ಲೈನ್ ಮೂಲಕವೇ ಮನೆಪಾಠಗಳ (e-tutorial) ಪ್ರಯೋಜನ ಪಡೆದುಕೊಳ್ಳುವುದು ದೇಶದ ಪ್ರಮುಖ ನಗರಗಳಲ್ಲಿ ಸಾಕಷ್ಟು ಜನಪ್ರಿಯತೆ ಗಳಿಸುತ್ತಿದೆ.<br /> <br /> 2015ರಷ್ಟೊತ್ತಿಗೆ ಈ ಮನೆಪಾಠದ ವಹಿವಾಟಿನ ಮೊತ್ತ ರೂ 3,500 ಕೋಟಿಗಳಿಗೆ ತಲುಪಲಿದೆ ಎಂದು ಅಂದಾಜಿಸಲಾಗಿದೆ. <br /> <br /> ಈ ಆನ್ಲೈನ್ ಮನೆಪಾಠದ ಮಾರುಕಟ್ಟೆಯು ವಾರ್ಷಿಕ ಶೇ 40ರಷ್ಟು ವೃದ್ಧಿ ಕಾಣುತ್ತಿದೆ. ಸದ್ಯಕ್ಕೆ ಇದರ ಮಾರುಕಟ್ಟೆ ಮೌಲ್ಯ ರೂ1,200 ಕೋಟಿಗಳಷ್ಟಿದೆ. ಆನ್ಲೈನ್ ಮನೆ ಪಾಠಕ್ಕೆ ವಿದ್ಯಾರ್ಥಿಗಳನ್ನು ನೋಂದಾಯಿಸಿಕೊಳ್ಳುವ ಶಾಲಾ - ಕಾಲೇಜ್ಗಳ ಸಂಖ್ಯೆಯು ಗಣನೀಯವಾಗಿ ಹೆಚ್ಚುತ್ತಿದೆ. <br /> <br /> ವಿದ್ಯಾರ್ಥಿಗಳಿಗೆ ಸರಿ ಹೊಂದುವ ಸಮಯಕ್ಕೆ, ಅವರಿಗೆ ಪ್ರಾಯೋಗಿಕ ಒಳನೋಟ ನೀಡುತ್ತ ವೈಯಕ್ತಿಕ ಗಮನ ನೀಡಲು ಈ `ಇ-ಮನೆಪಾಠ~ದಲ್ಲಿ ಸಾಧ್ಯವಾಗಲಿದೆ ಎಂದು ಸಮೀಕ್ಷೆಯೊಂದು ತಿಳಿಸಿದೆ.ಇಂತಹ ಮನೆಪಾಠಕ್ಕೆ ಹೆಚ್ಚಿನ ವೆಚ್ಚ ತಗುಲಲಾರದು. <br /> <br /> ಆದರೆ ಕಂಪ್ಯೂಟರ್, ಇಂಟರ್ನೆಟ್ ಸೇರಿದಂತೆ ಕೆಲ ಮೂಲ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ಸೌಲಭ್ಯಗಳನ್ನು ಅಳವಡಿಸಿಕೊಳ್ಳುವುದು ಮುಖ್ಯವಾಗುತ್ತದೆ. ವಿದ್ಯಾರ್ಥಿ ಮತ್ತು ಕಲಿಕಾರ್ಥಿ ಮಧ್ಯೆ ನೇರ ಸಂವಾದಕ್ಕೆ ಇ-ಮೇಲ್, ವಿಡಿಯೊ ಸಂವಾದ ಮತ್ತಿತರ ಅನುಕೂಲತೆಗಳೂ ಇರಬೇಕಾಗುತ್ತದೆ.<br /> <br /> `ಇ-ಕಲಿಕೆ~ ಸೌಲಭ್ಯವನ್ನು ಹಲವಾರು ಅಂತರಜಾಲ ತಾಣಗಳು ಒದಗಿಸುತ್ತಿವೆ. ವಿದ್ಯಾರ್ಥಿಗಳು ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸಬಹುದು. <br /> <br /> ಬೆಂಗಳೂರು, ಚೆನ್ನೈ, ಮುಂಬೈ ಮತ್ತು ದೆಹಲಿಯಲ್ಲಿ ನಡೆಸಿದ ಸಮೀಕ್ಷೆಯಲ್ಲಿ ಭಾಗವಹಿಸಿದ್ದ ಪಾಲಕರು ಇಂತಹ ಸೌಲಭ್ಯ ಬಳಸಲು ಅಗತ್ಯ ಸಹಕಾರ ನೀಡಲು ಮುಂದೆ ಬಂದಿದ್ದಾರೆ.<br /> <br /> ಕೆಲವರು ಸಾಂಪ್ರದಾಯಿಕ ಮನೆಪಾಠಕ್ಕೆ ಆದ್ಯತೆ ನೀಡಿದ್ದರೂ, ಆನ್ಲೈನ್ ಪಾಠವು ಕೂಡ ಕಲಿಕೆಗೆ ಉತ್ತಮ ಮಾಧ್ಯಮವಾಗಿದೆ ಎಂದು ಭಾವಿಸಿದ್ದಾರೆ. ಪ್ರತಿಯೊಬ್ಬ ವಿದ್ಯಾರ್ಥಿಯ ವಿಶಿಷ್ಟವಾದ ಕಲಿಕಾ ಅಗತ್ಯಗಳನ್ನು `ಇ-ಮನೆಪಾಠ~ ಪೂರೈಸಲಿದೆ.<br /> <br /> ಈ ಸೌಲಭ್ಯವು ಸದ್ಯಕ್ಕೆ ಮಹಾನಗರಗಳಿಗೆ ಮಾತ್ರ ಸೀಮಿತಗೊಂಡಿದ್ದು, ಭವಿಷ್ಯದಲ್ಲಿ ಇನ್ನಷ್ಟು ನಗರಗಳಿಗೆ ವಿಸ್ತರಣೆಗೊಳ್ಳಲಿದೆ ಎಂದು ನಿರೀಕ್ಷಿಸಲಾಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
