ಬುಧವಾರ, ಜುಲೈ 15, 2020
22 °C

ಆಹಾರ ಹಣದುಬ್ಬರ ಇಳಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಆಹಾರ ಹಣದುಬ್ಬರ ಇಳಿಕೆ

ನವದೆಹಲಿ (ಪಿಟಿಐ): ಬೇಳೆಕಾಳು ಮತ್ತು ತರಕಾರಿ ಬೆಲೆಗಳು ಅಗ್ಗವಾಗಿರುವುದರಿಂದ ಜೂನ್ 4ಕ್ಕೆ ಕೊನೆಗೊಂಡ ವಾರಾಂತ್ಯದಲ್ಲಿ ಆಹಾರ ಹಣದುಬ್ಬರವು ಶೇ 8.96ಕ್ಕೆ ಇಳಿದಿದೆ.

ಸಗಟು ಬೆಲೆ ಸೂಚ್ಯಂಕ ಆಧರಿಸಿದ ಆಹಾರ ಹಣದುಬ್ಬರವು ಹಿಂದಿನ ವಾರ ಶೇ 9.01ರಷ್ಟಿದ್ದರೆ, ಹಿಂದಿನ ವರ್ಷದ ಜೂನ್ ಮೊದಲ ವಾರದಲ್ಲಿ ಶೇ 21ರಷ್ಟಿತ್ತು. ಈಗ ಕುಸಿತ ದಾಖಲಿಸಿರುವುದು ಅತ್ಯಂತ ಕಡಿಮೆ ಪ್ರಮಾಣದಲ್ಲಿದ್ದರೂ, ಕೆಲ ತಿಂಗಳುಗಳಿಂದ  ಎಲ್ಲ ವಲಯಗಳಲ್ಲಿ ಬೆಲೆ ಏರಿಕೆಯ ಬಿಸಿ ಎದುರಿಸುತ್ತಿರುವ  ಕೇಂದ್ರ ಸರ್ಕಾರವು ಈ ವಿದ್ಯಮಾನವನ್ನು `ಕತ್ತಲೆಯಲ್ಲಿನ ಬೆಳ್ಳಿ ರೇಖೆ~ ಎಂದೇ ಪರಿಗಣಿಸಿದೆ.

ಪರಾಮರ್ಶೆಯಲ್ಲಿ ಇರುವ ವಾರದಲ್ಲಿ ಬೇಳೆಕಾಳು ಬೆಲೆಗಳು ವರ್ಷದ ಆಧಾರದಲ್ಲಿ ಶೇ 10ರಷ್ಟು ಮತ್ತು ತರಕಾರಿಗಳು ಶೇ 1.39ರಷ್ಟು ಅಗ್ಗವಾಗಿವೆ. ಇತರ ಆಹಾರ ಪದಾರ್ಥಗಳ ಬೆಲೆಗಳು ಮಾತ್ರ ಏರುತ್ತಲ್ಲೇ ಇವೆ. ಹಣ್ಣುಗಳು ಶೇ 30ರಷ್ಟು ತುಟ್ಟಿಯಾಗಿದ್ದರೆ, ಹಾಲು ಶೇ 10.59, ಮೊಟ್ಟೆ- ಮಾಂಸ ಮತ್ತು ಮೀನು ಶೇ 7.31ರಷ್ಟು ದುಬಾರಿಯಾಗಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.