<p><strong>ಬೆಂಗಳೂರು:</strong> ದೇಶದ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಪ್ರಮುಖ ಕಂಪೆನಿ ‘ಇನ್ಫೊಸಿಸ್’ ಪ್ರಸಕ್ತ ಹಣಕಾಸು ವರ್ಷದ ಮೂರನೇ ತ್ರೈಮಾಸಿಕದಲ್ಲಿ (ಅಕ್ಟೋಬರ್–ಡಿಸೆಂಬರ್) ಮಾರುಕಟ್ಟೆ ನಿರೀಕ್ಷೆಗಿಂತ ಉತ್ತಮ ಪ್ರಗತಿ ಸಾಧಿಸಿದೆ.<br /> <br /> ಬೆಂಗಳೂರು ಮೂಲದ ಕಂಪೆನಿಯ ನಿವ್ವಳ ಲಾಭ ಅಕ್ಟೋಬರ್–ಡಿಸೆಂಬರ್ ಅವಧಿಯಲ್ಲಿ ₹3,250 ಕೋಟಿಗಳಿಂದ ₹3,465 ಕೋಟಿಗಳಿಗೆ ಅಂದರೆ ಶೇ 6.6ರಷ್ಟು ಏರಿಕೆಯಾಗಿದೆ.<br /> <br /> ಆಡಳಿತದಲ್ಲಿ ಹೊಸತನ ಮತ್ತು ಹೊಸ ತಂತ್ರಜ್ಞಾನದ ಅಳವಡಿಕೆಯಿಂದ ಉತ್ತೇಜನಕಾರಿ ಫಲಿತಾಂಶ ಬಂದಿದೆ. ಸ್ಥಿರವಾದ ಲಾಭದಾಯಕ ಪ್ರಗತಿ ಸಾಧಿಸುವ ನಿಟ್ಟಿನಲ್ಲಿ ಕಾರ್ಯತಂತ್ರವನ್ನು ಇನ್ನಷ್ಟು ಬಲಪಡಿಸಲಾಗುವುದು ಎಂದು ಕಂಪೆನಿ ಸಿಇಒ ವಿಶಾಲ್ ಸಿಕ್ಕಾ ತಿಳಿಸಿದರು.<br /> <br /> <strong>ವರಮಾನ ವೃದ್ಧಿ: </strong>ಕಂಪೆನಿಯ ವರಮಾನವೂ ಈ ಅವಧಿಯಲ್ಲಿ ಶೇ 15ರಷ್ಟು ಹೆಚ್ಚಿದ್ದು, ₹13,796 ಕೋಟಿಗಳಿಂದ ₹15,902 ಕೋಟಿಗಳಿಗೆ ಏರಿಕೆಯಾಗಿದೆ.<br /> <br /> ಜುಲೈ–ಸೆಪ್ಟೆಂಬರ್ನಲ್ಲಿ ನಿವ್ವಳ ಲಾಭ ₹3,398 ಕೋಟಿಗಳಷ್ಟಿತ್ತು. ಎರಡನೇ ತ್ರೈಮಾಸಿಕದಲ್ಲಿ ವರಮಾನ ಶೇ 1.7ರಷ್ಟು ಪ್ರಗತಿ ಕಂಡು, ₹15,635 ಕೋಟಿಗಳಷ್ಟಾಗಿತ್ತು.<br /> <br /> ಕಂಪೆನಿಯ ಒಟ್ಟು ವರಮಾನದಲ್ಲಿ ಶೇ 63ರಷ್ಟು ಪಾಲು ಉತ್ತರ ಅಮೆರಿಕದಿಂದ ಬಂದಿದೆ. ಯೂರೋಪ್ ಶೇ 23.2 ಮತ್ತು ಭಾರತ ಶೇ 2.8ರಷ್ಟು ಕೊಡುಗೆ ನೀಡಿವೆ.<br /> <br /> ಕಂಪೆನಿಯ ಮಾರಾಟವು ಮಾರ್ಚ್ 31ರ ಅಂತ್ಯಕ್ಕೆ ಡಾಲರ್ ಮೌಲ್ಯದಲ್ಲಿ ಶೇ 8.9 ರಿಂದ ಶೇ 9.3ರಷ್ಟು ಪ್ರಗತಿ ಸಾಧಿಸುವ ಅಂದಾಜು ಮಾಡಲಾಗಿದೆ. ಕಳೆದ ವರ್ಷ ಶೇ 6.4 ರಿಂದ ಶೇ 8.4ರಷ್ಟಿತ್ತು.<br /> <br /> <strong>ಸಿಬ್ಬಂದಿ ನಿರ್ಗಮನ ಪ್ರಮಾಣ ಇಳಿಕೆ:</strong> ಕಂಪೆನಿ ಬಿಟ್ಟು ಹೋಗುವ ಸಿಬ್ಬಂದಿ ಪ್ರಮಾಣ ತಗ್ಗಿದೆ. 2014ರ ಡಿಸೆಂಬರ್ನಲ್ಲಿ ಶೇ 21ರಷ್ಟಿದ್ದ ಪ್ರಮಾಣವು 2015ರ ಸೆಪ್ಟೆಂಬರ್ನಲ್ಲಿ ಶೇ 19.9ಕ್ಕೆ ಮತ್ತು ಮೂರನೇ ತ್ರೈಮಾಸಿಕದಲ್ಲಿ ಶೇ 18ಕ್ಕೆ ಇಳಿಕೆಯಾಗಿದೆ.<br /> <br /> <strong>ಷೇರು ಮೌಲ್ಯ ಏರಿಕೆ:</strong> 3ನೇ ತ್ರೈಮಾಸಿಕದಲ್ಲಿ ಉತ್ತಮ ಫಲಿತಾಂಶ ದಿಂದ ಕಂಪೆನಿಯ ಷೇರುಗಳು ಶೇ 5ರಷ್ಟು ಏರಿಕೆ ಕಂಡು, ಪ್ರತಿ ಷೇರಿನ ಬೆಲೆ ₹ 1,135ರಂತೆ ವಹಿವಾಟು ನಡೆಸಿತು.<br /> <br /> <strong>‘ಇನ್ಫಿ’ಗೆ ಸಚಿವರ ಪತ್ನಿ: ಟೀಕೆ<br /> ನವದೆಹಲಿ (ಪಿಟಿಐ):</strong> ಕೇಂದ್ರ ಹಣಕಾಸು ಖಾತೆಯ ರಾಜ್ಯ ಸಚಿವ ಜಯಂತ್ ಸಿನ್ಹಾ ಪತ್ನಿ ಡಾ. ಪುನಿತಾ ಕುಮಾರ್ ಸಿನ್ಹಾ ಅವರನ್ನು ಇನ್ಫೊಸಿಸ್ ಆಡಳಿತ ಮಂಡಳಿಯ ಸ್ವತಂತ್ರ ನಿರ್ದೇಶಕರನ್ನಾಗಿ ಗುರುವಾರ ನೇಮಕ ಮಾಡಲಾಗಿದೆ.</p>.<p>ಇನ್ಫೊಸಿಸ್ನ ಈ ನಿರ್ಧಾರವನ್ನು ಪ್ರಕಟಿಸಿದ ಬೆನ್ನಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟೀಕೆಗಳು ಕೇಳಿಬಂದಿವೆ.<br /> <br /> ಹಲವಾರು ಹಣಕಾಸು ಸಂಸ್ಥೆಗಳಿಗೆ ಸಲಹೆಗಾರ ರಾಗಿರುವ ಅವರು ಸ್ವಂತ ಕಂಪೆನಿಯನ್ನೂ ಹೊಂದಿ ದ್ದಾರೆ. ಇನ್ಫೊಸಿಸ್ 2014–15ರ ವಾರ್ಷಿಕ ವರದಿಯ ಅನ್ವಯ ಸ್ವತಂತ್ರ ನಿರ್ದೇಶಕರಿಗೆ ಪ್ರತಿ ವರ್ಷ ಒಂದು ಕೋಟಿ ರೂಪಾಯಿ ಗೌರವಧನ ನೀಡಲಾಗುತ್ತಿದೆ.<br /> <br /> ಕೇಂದ್ರ ಸಚಿವರೊಬ್ಬರ ಪತ್ನಿಯನ್ನು ಲಾಭದಾಯಕ ಹುದ್ದೆಗೆ ನೇಮಕ ಮಾಡಿರುವುದು ಹಿತಾಸಕ್ತಿ ಸಂಘರ್ಷಕ್ಕೆ ದಾರಿ ಮಾಡಿಕೊಡುತ್ತದೆ ಎಂದು ಟ್ವೀಟ್ ಮಾಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ದೇಶದ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಪ್ರಮುಖ ಕಂಪೆನಿ ‘ಇನ್ಫೊಸಿಸ್’ ಪ್ರಸಕ್ತ ಹಣಕಾಸು ವರ್ಷದ ಮೂರನೇ ತ್ರೈಮಾಸಿಕದಲ್ಲಿ (ಅಕ್ಟೋಬರ್–ಡಿಸೆಂಬರ್) ಮಾರುಕಟ್ಟೆ ನಿರೀಕ್ಷೆಗಿಂತ ಉತ್ತಮ ಪ್ರಗತಿ ಸಾಧಿಸಿದೆ.<br /> <br /> ಬೆಂಗಳೂರು ಮೂಲದ ಕಂಪೆನಿಯ ನಿವ್ವಳ ಲಾಭ ಅಕ್ಟೋಬರ್–ಡಿಸೆಂಬರ್ ಅವಧಿಯಲ್ಲಿ ₹3,250 ಕೋಟಿಗಳಿಂದ ₹3,465 ಕೋಟಿಗಳಿಗೆ ಅಂದರೆ ಶೇ 6.6ರಷ್ಟು ಏರಿಕೆಯಾಗಿದೆ.<br /> <br /> ಆಡಳಿತದಲ್ಲಿ ಹೊಸತನ ಮತ್ತು ಹೊಸ ತಂತ್ರಜ್ಞಾನದ ಅಳವಡಿಕೆಯಿಂದ ಉತ್ತೇಜನಕಾರಿ ಫಲಿತಾಂಶ ಬಂದಿದೆ. ಸ್ಥಿರವಾದ ಲಾಭದಾಯಕ ಪ್ರಗತಿ ಸಾಧಿಸುವ ನಿಟ್ಟಿನಲ್ಲಿ ಕಾರ್ಯತಂತ್ರವನ್ನು ಇನ್ನಷ್ಟು ಬಲಪಡಿಸಲಾಗುವುದು ಎಂದು ಕಂಪೆನಿ ಸಿಇಒ ವಿಶಾಲ್ ಸಿಕ್ಕಾ ತಿಳಿಸಿದರು.<br /> <br /> <strong>ವರಮಾನ ವೃದ್ಧಿ: </strong>ಕಂಪೆನಿಯ ವರಮಾನವೂ ಈ ಅವಧಿಯಲ್ಲಿ ಶೇ 15ರಷ್ಟು ಹೆಚ್ಚಿದ್ದು, ₹13,796 ಕೋಟಿಗಳಿಂದ ₹15,902 ಕೋಟಿಗಳಿಗೆ ಏರಿಕೆಯಾಗಿದೆ.<br /> <br /> ಜುಲೈ–ಸೆಪ್ಟೆಂಬರ್ನಲ್ಲಿ ನಿವ್ವಳ ಲಾಭ ₹3,398 ಕೋಟಿಗಳಷ್ಟಿತ್ತು. ಎರಡನೇ ತ್ರೈಮಾಸಿಕದಲ್ಲಿ ವರಮಾನ ಶೇ 1.7ರಷ್ಟು ಪ್ರಗತಿ ಕಂಡು, ₹15,635 ಕೋಟಿಗಳಷ್ಟಾಗಿತ್ತು.<br /> <br /> ಕಂಪೆನಿಯ ಒಟ್ಟು ವರಮಾನದಲ್ಲಿ ಶೇ 63ರಷ್ಟು ಪಾಲು ಉತ್ತರ ಅಮೆರಿಕದಿಂದ ಬಂದಿದೆ. ಯೂರೋಪ್ ಶೇ 23.2 ಮತ್ತು ಭಾರತ ಶೇ 2.8ರಷ್ಟು ಕೊಡುಗೆ ನೀಡಿವೆ.<br /> <br /> ಕಂಪೆನಿಯ ಮಾರಾಟವು ಮಾರ್ಚ್ 31ರ ಅಂತ್ಯಕ್ಕೆ ಡಾಲರ್ ಮೌಲ್ಯದಲ್ಲಿ ಶೇ 8.9 ರಿಂದ ಶೇ 9.3ರಷ್ಟು ಪ್ರಗತಿ ಸಾಧಿಸುವ ಅಂದಾಜು ಮಾಡಲಾಗಿದೆ. ಕಳೆದ ವರ್ಷ ಶೇ 6.4 ರಿಂದ ಶೇ 8.4ರಷ್ಟಿತ್ತು.<br /> <br /> <strong>ಸಿಬ್ಬಂದಿ ನಿರ್ಗಮನ ಪ್ರಮಾಣ ಇಳಿಕೆ:</strong> ಕಂಪೆನಿ ಬಿಟ್ಟು ಹೋಗುವ ಸಿಬ್ಬಂದಿ ಪ್ರಮಾಣ ತಗ್ಗಿದೆ. 2014ರ ಡಿಸೆಂಬರ್ನಲ್ಲಿ ಶೇ 21ರಷ್ಟಿದ್ದ ಪ್ರಮಾಣವು 2015ರ ಸೆಪ್ಟೆಂಬರ್ನಲ್ಲಿ ಶೇ 19.9ಕ್ಕೆ ಮತ್ತು ಮೂರನೇ ತ್ರೈಮಾಸಿಕದಲ್ಲಿ ಶೇ 18ಕ್ಕೆ ಇಳಿಕೆಯಾಗಿದೆ.<br /> <br /> <strong>ಷೇರು ಮೌಲ್ಯ ಏರಿಕೆ:</strong> 3ನೇ ತ್ರೈಮಾಸಿಕದಲ್ಲಿ ಉತ್ತಮ ಫಲಿತಾಂಶ ದಿಂದ ಕಂಪೆನಿಯ ಷೇರುಗಳು ಶೇ 5ರಷ್ಟು ಏರಿಕೆ ಕಂಡು, ಪ್ರತಿ ಷೇರಿನ ಬೆಲೆ ₹ 1,135ರಂತೆ ವಹಿವಾಟು ನಡೆಸಿತು.<br /> <br /> <strong>‘ಇನ್ಫಿ’ಗೆ ಸಚಿವರ ಪತ್ನಿ: ಟೀಕೆ<br /> ನವದೆಹಲಿ (ಪಿಟಿಐ):</strong> ಕೇಂದ್ರ ಹಣಕಾಸು ಖಾತೆಯ ರಾಜ್ಯ ಸಚಿವ ಜಯಂತ್ ಸಿನ್ಹಾ ಪತ್ನಿ ಡಾ. ಪುನಿತಾ ಕುಮಾರ್ ಸಿನ್ಹಾ ಅವರನ್ನು ಇನ್ಫೊಸಿಸ್ ಆಡಳಿತ ಮಂಡಳಿಯ ಸ್ವತಂತ್ರ ನಿರ್ದೇಶಕರನ್ನಾಗಿ ಗುರುವಾರ ನೇಮಕ ಮಾಡಲಾಗಿದೆ.</p>.<p>ಇನ್ಫೊಸಿಸ್ನ ಈ ನಿರ್ಧಾರವನ್ನು ಪ್ರಕಟಿಸಿದ ಬೆನ್ನಲ್ಲೇ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟೀಕೆಗಳು ಕೇಳಿಬಂದಿವೆ.<br /> <br /> ಹಲವಾರು ಹಣಕಾಸು ಸಂಸ್ಥೆಗಳಿಗೆ ಸಲಹೆಗಾರ ರಾಗಿರುವ ಅವರು ಸ್ವಂತ ಕಂಪೆನಿಯನ್ನೂ ಹೊಂದಿ ದ್ದಾರೆ. ಇನ್ಫೊಸಿಸ್ 2014–15ರ ವಾರ್ಷಿಕ ವರದಿಯ ಅನ್ವಯ ಸ್ವತಂತ್ರ ನಿರ್ದೇಶಕರಿಗೆ ಪ್ರತಿ ವರ್ಷ ಒಂದು ಕೋಟಿ ರೂಪಾಯಿ ಗೌರವಧನ ನೀಡಲಾಗುತ್ತಿದೆ.<br /> <br /> ಕೇಂದ್ರ ಸಚಿವರೊಬ್ಬರ ಪತ್ನಿಯನ್ನು ಲಾಭದಾಯಕ ಹುದ್ದೆಗೆ ನೇಮಕ ಮಾಡಿರುವುದು ಹಿತಾಸಕ್ತಿ ಸಂಘರ್ಷಕ್ಕೆ ದಾರಿ ಮಾಡಿಕೊಡುತ್ತದೆ ಎಂದು ಟ್ವೀಟ್ ಮಾಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
