ಶುಕ್ರವಾರ, ಫೆಬ್ರವರಿ 26, 2021
28 °C

ಇಬ್ಭಾಗವಾದ ನೆಲದಲ್ಲೇ ಬಿಜೆಪಿ ಒಗ್ಗಟ್ಟಿನ ಮಂತ್ರ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಇಬ್ಭಾಗವಾದ ನೆಲದಲ್ಲೇ ಬಿಜೆಪಿ ಒಗ್ಗಟ್ಟಿನ ಮಂತ್ರ!

ಹಾವೇರಿ:  ವರ್ಷದ ಹಿಂದೆಯಷ್ಟೇ ಒಡೆದು ಇಬ್ಭಾಗವಾಗಿದ್ದ ಹಾವೇರಿ­­ಯ­ಲ್ಲಿಯೇ ಗುರುವಾರ ಬಿಜೆಪಿ ಮುಖಂಡ­ರು ಒಗ್ಗಟ್ಟಿನ ಮಂತ್ರ ಜಪಿಸುವ ಮೂಲಕ ಮುಂಬರುವ ಲೋಕಸಭೆ ಚುನಾವಣೆಗೆ ರಣ ಕಹಳೆ ಮೊಳಗಿಸಿದರು.



‘ನಮ್ಮ ಒಡಕಿನಿಂದ ಪಕ್ಷ ಇಬ್ಭಾಗ­ವಾ­ಯಿತು. ಆ ತಪ್ಪಿಗೆ ನಮ್ಮನ್ನು ಅಧಿ­ಕಾರ­ದಿಂದ ದೂರ ಇಟ್ಟು ಸರಿಯಾದ ಶಿಕ್ಷೆ ಕೊಟ್ಟಿದ್ದೀರಿ. ನೀವು ಕೊಟ್ಟ ಶಿಕ್ಷೆ ಶಿಕ್ಷೆ­ಯಲ್ಲ. ನಮಗೆ ತಿದ್ದಿಕೊಳ್ಳಲು ನೀಡಿದ ಅವಕಾಶ ಎಂದು ತಿಳಿದು­ಕೊಳ್ಳುತ್ತೇವೆ’ ಎಂದು ಇಲ್ಲಿನ ಮುನ್ಸಿಪಲ್‌ ಹೈಸ್ಕೂಲ್‌ ಮೈದಾನದಲ್ಲಿ ಗುರುವಾರ ಆಯೋಜಿ­ಸಿದ ‘ಭಾರತ ಗೆಲ್ಲಿಸಿ’ ಜಿಲ್ಲಾ ಮಟ್ಟದ ಸಮಾವೇಶ­ದಲ್ಲಿ ಮಾತನಾಡಿದ  ಬಿಜೆಪಿ ಮುಖಂಡರು ಹೇಳಿದರು.



‘ನಾವು ಮಾಡಿದ ತಪ್ಪಿಗೆ ಈಗ ಪಶ್ಚಾತ್ತಾಪವಾಗಿದೆ. ಅದಕ್ಕಾಗಿ ಕಾರ್ಯ­ಕರ್ತರ ಹಾಗೂ ರಾಜ್ಯದ ಜನರ ಕ್ಷಮೆ ಕೇಳುತ್ತೇವೆ. ಮುಂಬರುವ ದಿನಗಳಲ್ಲಿ ನಾವು ಒಗ್ಗಟ್ಟಾಗಿ ಮುಂದುವರಿಯುವ ಪ್ರಮಾಣ ಮಾಡುತ್ತೇವೆ’ ಎಂದು ಮಾಜಿ ಮುಖ್ಯ­ಮಂತ್ರಿಗಳಾದ ಬಿ.ಎಸ್‌.­ಯಡಿಯೂರಪ್ಪ, ಜಗದೀಶ ಶೆಟ್ಟರ್‌, ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಪ್ರಹ್ಲಾದ ಜೋಶಿ, ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಅನಂತಕುಮಾರ್ ಸೇರಿದಂತೆ ಬಹುತೇಕ ನಾಯಕರು ಹೇಳಿದರು.



ಅವನತಿ ಆರಂಭ: ‘ಇದೇ ಹಾವೇರಿಯಲ್ಲಿ ಪಕ್ಷ ಒಡೆದು ಎರಡು ಹೋಳಾಗಿ, ರಾಜ್ಯದಲ್ಲಿ ಕಾಂಗ್ರೆಸ್‌ ಅಧಿಕಾರಕ್ಕೆ ಬರಲು ಕಾರಣವಾಯಿತು. ಅದೇ ಹಾವೇರಿ­ಯಲ್ಲಿ ಹಿಂದಿನ ತಪ್ಪನ್ನು ತಿದ್ದಿಕೊಂಡು ನಾವೆಲ್ಲರೂ ಒಗ್ಗಟ್ಟಿನಿಂದ ಕಾಂಗ್ರೆಸ್‌ ಅವನತಿಗೆ ನಾಂದಿ ಹಾಡಲಿದ್ದೇವೆ’ ಎಂದು ಯಡಿಯೂರಪ್ಪ ಹೇಳಿದರು.



‘ಕೇಂದ್ರದಲ್ಲಿ ಸರ್ಕಾರ ಬದುಕಿದೆ ಎನಿಸುತ್ತಿಲ್ಲ. ಯುದ್ಧದ ನೇತೃತ್ವ ವಹಿಸಿದ್ದ ಸೇನಾಧಿಪತಿ ಯುದ್ಧಭೂಮಿಯಿಂದ ಓಡಿ ಹೋದ ಸ್ಥಿತಿಯಲ್ಲಿ ಕಾಂಗ್ರೆಸ್‌ ರಾಷ್ಟ್ರೀಯ ನಾಯಕರಿದ್ದಾರೆ. ನರೇಂದ್ರ ಮೋದಿ ಬಿಜೆಪಿ ಪ್ರಧಾನಿ ಅಭ್ಯರ್ಥಿ­ಯಾದ ಮೇಲೆ ಅವರಿಗೆ ಏನು ಮಾಡಬೇಕು ಎಂಬುದೇ ಗೊತ್ತಾಗು­ತ್ತಿಲ್ಲ’ ಎಂದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.