ಮಂಗಳವಾರ, ಜುಲೈ 14, 2020
24 °C

ಎಂಡೆವರ್ ಯಾನ ಪೂರ್ಣ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಎಂಡೆವರ್ ಯಾನ ಪೂರ್ಣ

ಮಾಸ್ಕೊ (ಐಎಎನ್‌ಎಸ್/ ರಿಯಾ ನೊವೊಸ್ತಿ): ಅಮೆರಿಕದ `ಎಂಡೆವರ್~ ಬಾಹ್ಯಾಕಾಶ ನೌಕೆಯು ತನ್ನ 25ನೇ ಮತ್ತು ಅಂತಿಮ ಅಂತರಿಕ್ಷ ಯಾನವನ್ನು ಯಶಸ್ವಿಯಾಗಿ ಪೂರೈಸಿ 6 ಮಂದಿ ಗಗನಯಾನಿಗಳ ಸಮೇತ ಧರೆಗಿಳಿದಿದೆ.



 ಅಂತರ ರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ ಎರಡು ದಿನಗಳ ಹಿಂದೆ ಭೂ ಕಕ್ಷೆಯ ಕಡೆಗೆ ಕೊನೆಯ ಯಾನ ಆರಂಭಿಸಿದ್ದ `ಎಂಡೆವರ್~ ಫ್ಲಾರಿಡಾದಲ್ಲಿರುವ ನಾಸಾದ ಕೆನಡಿ ಬಾಹ್ಯಾಕಾಶ ಕೇಂದ್ರದಲ್ಲಿ ಸುರಕ್ಷಿತವಾಗಿ ಬಂದಿಳಿಯಿತು.



ನಾಸಾದ 30 ವರ್ಷಗಳ ಯೋಜನೆಯನ್ನು ಪೂರೈಸಿ ಬುಧವಾರದ ನಸುಕಿನ ಕತ್ತಲಲ್ಲಿ ಭೂ ಸ್ಪರ್ಶ ಮಾಡಿದ ಈ ನೌಕೆಯನ್ನು, ಕೇಂದ್ರದಲ್ಲಿ ನೆರೆದಿದ್ದ ಸಾವಿರಾರು ಜನ ಕಣ್ತುಂಬಿಕೊಂಡರು.



`ಎಂಡೆವರ್~ ನೆಲಕ್ಕೆ ಇಳಿಯುವವರೆಗಿನ ಎಲ್ಲ ಬೆಳವಣಿಗೆಗಳನ್ನೂ ನಾಸಾದ ವೆಬ್‌ಸೈಟಿನಲ್ಲಿ ನೇರ ಪ್ರಸಾರ ಮಾಡಲಾಯಿತು. `ಎಂಡೆವರ್~ ತನ್ನ ಇತಿಹಾಸದಲ್ಲಿ ಎಂಟು ತಾಸಿಗೂ ಹೆಚ್ಚು ಕಾಲದ ಬಾಹ್ಯಾಕಾಶ ನಡಿಗೆಯ ಹೆಗ್ಗಳಿಕೆ ಹೊಂದಿದೆ. ಇದು ಬಾಹ್ಯಾಕಾಶ ಇತಿಹಾಸದಲ್ಲೇ ಆರನೆಯ ಸುದೀರ್ಘ ನಡಿಗೆ ಎಂಬ ದಾಖಲೆ ಇದೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.