ಎಫ್‌ಡಿಐ: ಪಾಕ್‌ಗೆ ಅನುಮತಿ

ನವದೆಹಲಿ (ಪಿಟಿಐ): ದ್ವಿಪಕ್ಷೀಯ ವಾಣಿಜ್ಯ ವಹಿವಾಟು ಉತ್ತೇಜಿಸುವ ನಿಟ್ಟಿನಲ್ಲಿ ಭಾರತ ಪಾಕಿಸ್ತಾನಕ್ಕೆ ವಿದೇಶಿ ನೇರ ಬಂಡವಾಳ ಹೂಡಿಕೆಗೆ (ಎಫ್‌ಡಿಐ) ಬುಧವಾರ ಅನುಮತಿ ನೀಡಿದೆ.



ದೇಶದ ರಕ್ಷಣೆ, ಬಾಹ್ಯಾಕಾಶ, ಅಣು ಶಕ್ತಿ ಕ್ಷೇತ್ರ ಹೊರತುಪಡಿಸಿ ಇತರೆ ವಲಯಗಳಲ್ಲಿ ಪಾಕ್ ಮೂಲಕ ಉದ್ಯಮಿಗಳೂ ಮತ್ತು ಕಾರ್ಪೊರೇಟ್ ಸಂಸ್ಥೆಗಳು `ಎಫ್‌ಡಿಐ~ ಮೂಲಕ  ಹೂಡಿಕೆ ಮಾಡಬಹುದು. ವಿದೇಶಿ ಹೂಡಿಕೆ ಉತ್ತೇಜನ ಮಂಡಳಿ (ಎಫ್‌ಐಪಿಬಿ) ಇಂತಹ ಪ್ರಸ್ತಾವಗಳನ್ನು ಪರಿಶೀಲಿಸಲಿದೆ ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ. ಎಫ್‌ಐಪಿಬಿ~ ಮೂಲಕ ಈಗಾಗಲೇ ಬಾಂಗ್ಲಾದೇಶಕ್ಕೆ `ಎಫ್‌ಡಿಐ~ಗೆ ಅವಕಾಶ ನೀಡಲಾಗಿದೆ.