<p>`ಪಿಕ್ಚರ್ ಅಭಿ ಬಾಕಿ ಹೈ~ (ಸಿನಿಮಾ ಇನ್ನೂ ಬಾಕಿ ಇದೆ)- ಎಡ ಹುಬ್ಬನ್ನು ತುಸು ಮೇಲೇರಿಸಿ ಮುಖದಲ್ಲಿ ಗಂಡು ಕಳೆ ತುಂಬಿಕೊಂಡು, ಲಯತಪ್ಪಿದಂತಾಗಿದ್ದ ಸೊಕ್ಕನ್ನು ಬಲವಂತವಾಗಿ ಆವಾಹಿಸಿಕೊಂಡು ಹೇಳಿದ್ದರು ವಿವೇಕ್ ಒಬೆರಾಯ್. ಅವರ ಈ ಗತ್ತಿನ ಮಾತನ್ನು ಕೇಳಲು ಸಿನಿಮಾದ ಇಂಗ್ಲಿಷ್ ನಿಯತಕಾಲಿಕೆಯ ಸುದ್ದಿಮಿತ್ರ ಭರ್ತಿ ಮೂರು ತಾಸು ಕಾದಿದ್ದರು. <br /> <br /> ಆ ಒಂದು ಮಾತು ಹೇಳಿ, `ಸಂದರ್ಶನ ಮುಗಿಯಿತು~ ಎಂದು ವ್ಯಂಗ್ಯವಾಗಿ ನಕ್ಕಿದ್ದ ವಿವೇಕ್ ಕೆಲವೇ ಗಂಟೆಗಳಲ್ಲಿ ಮತ್ತೆ ಅದೇ ಸುದ್ದಿಮಿತ್ರರನ್ನು ಕಾರು ಕಳುಹಿಸಿ ತಾವಿದ್ದಲ್ಲಿಗೇ ಕರೆಸಿಕೊಂಡರು.<br /> <br /> `ಪಿಕ್ಚರ್ ಅಭಿ ಬಾಕಿ ಹೈ~ ಎಂಬ ತಮ್ಮ ಮಾತಿನಿಂದ ಅವರು ಫ್ಲ್ಯಾಷ್ಬ್ಯಾಕ್ಗೆ ಜಿಗಿದರು. ಅದಕ್ಕೂ ಮೊದಲು ಶಾಸ್ತ್ರಕ್ಕೆಂಬಂತೆ ಆಗಲೆ ಮಾತು ಮುಗಿಯಿತು ಎಂದು ಹೇಳಿದ್ದಕ್ಕೆ ಕ್ಷಮಾಪಣೆಯನ್ನೂ ಕೋರಿದರು. <br /> <br /> ವಿವೇಕ್ ಬಾಲ್ಯ ಹಸನಾಗಿತ್ತು. ನಟರಾಗಿದ್ದ ಅಪ್ಪ ಸುರೇಶ್ ಒಬೆರಾಯ್ ಶುಕ್ರವಾರ ಸಂಜೆಯ ನಂತರ ಮಕ್ಕಳಿಗಾಗಿ ಎರಡು ದಿನ ಬಿಡುವು ಮಾಡಿಕೊಳ್ಳುತ್ತಿದ್ದರು. ವಿವೇಕ್ ಹಾಗೂ ಅವರ ಸಹೋದರಿ ಮೇಘನಾ ಆಗಿನ್ನೂ ಶಾಲೆಯಲ್ಲಿ ಓದುತ್ತಿದ್ದ ಕಾಲ. <br /> <br /> ಶುಕ್ರವಾರ ಸಂಜೆ ಅಪ್ಪನ ನೀಲಿ ಮರ್ಸಿಡೀಸ್ ಬೆಂಜ್ ಕಾರು ಬರುವುದನ್ನೇ ಅವರು ಕಾಯುತ್ತಿದ್ದರು. ಫಳಫಳ ಹೊಳೆಯುತ್ತಿದ್ದ ಕಾರಿನಿಂದ ವೋಲ್ಟುಗಟ್ಟಲೆ ನಗು ತುಂಬಿಕೊಂಡ ಅಪ್ಪ ಇಳಿದರೆ ಮಕ್ಕಳಿಗದೇ ಸ್ವರ್ಗ. ಆ ಮರ್ಸಿಡೀಸ್ ಕೆಲವೇ ಗಂಟೆಗಳಲ್ಲಿ ಮತ್ತೆ ಹೊರಡುತ್ತಿತ್ತು. <br /> <br /> ಮುಂದೆ ಅಪ್ಪ-ಅಮ್ಮ. ಹಿಂದೆ ಮಕ್ಕಳು. ಮಕ್ಕಳು ಇಷ್ಟಪಡುತ್ತಿದ್ದ ಜಾಗಗಳಿಗೆಲ್ಲಾ ಸುರೇಶ್ ಒಬೆರಾಯ್ ಕರೆದೊಯ್ಯುತ್ತಿದ್ದರು. ಮಗ ತಾನು ಕುದುರೆ ಸವಾರಿ ಮಾಡಬೇಕು ಎಂದು ಕೇಳಿದರೆ, ಕೆಲವೇ ಕ್ಷಣಗಳಲ್ಲಿ ಆ ಬಯಕೆ ಈಡೇರುತ್ತಿತ್ತು. <br /> <br /> ಬೋಟಿನಲ್ಲಿ ತುಂಬಾ ದೂರ ಹೋಗಬೇಕೆಂದರೂ ಅಪ್ಪ ಬೇಡ ಎನ್ನುತ್ತಿರಲಿಲ್ಲ. ಆಯತಪ್ಪಿ ಒಮ್ಮೆ ನೀರಿನಲ್ಲಿ ಬಿದ್ದು ಉಸಿರುಗಟ್ಟಿದ ನಂತರವೂ ಮಗನ ಎಲ್ಲಾ ಪ್ರೀತಿಯ ಹಟಗಳಿಗೆ ಅಪ್ಪ ಮಣಿಯುವುದು ತಪ್ಪಲಿಲ್ಲ. <br /> <br /> ಅಮ್ಮನ ಹೆಸರು ಯಶೋದರಾ. ತುತ್ತಿನ ಜೊತೆಗೆ ಮಮತೆಯನ್ನೂ ಬೆರೆಸಿ ಉಣ್ಣಿಸಿದವರು. ವಿವೇಕ್ ಪ್ರೀತಿಯ ಆಲದಮರದ ನೆರಳಲ್ಲೇ ಬೆಳೆದರು. ಆದರೆ, ಸಿನಿಮಾ ಅಭಿನಯವನ್ನು ಆಯ್ಕೆ ಮಾಡಿಕೊಂಡಾಗ ಅಪ್ಪನ ಹಣ ಖರ್ಚು ಮಾಡಿಸುವ ದಾರಿ ಹಿಡಿಯಲಿಲ್ಲ. <br /> <br /> `ಕಂಪೆನಿ~ ಚಿತ್ರದಲ್ಲಿ ಸಿಕ್ಕ ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡು, ತಮ್ಮಳಗಿನ ನಟನನ್ನು ಪ್ರಕಟಪಡಿಸಿದರು. `ಸಾಥಿಯಾ~ ಚಿತ್ರದ ಮೂಲಕ ತಾವು ರೊಮ್ಯಾಂಟಿಕ್ ಹೀರೋ ಕೂಡ ಹೌದೆಂಬುದನ್ನು ಸಾಬೀತು ಪಡಿಸಿದರು.<br /> <br /> ಆಮೇಲೆ ಸಲ್ಮಾನ್ ರಾತ್ರಿಯಿಡೀ ಕಾಟ ಕೊಟ್ಟರೆಂದು ಒಂದು ಪತ್ರಿಕಾಗೋಷ್ಠಿಯನ್ನೇ ಮಾಡಿಬಿಟ್ಟರು. ಅಲ್ಲಿಂದ ಅವರ ಸಿನಿಮಾ ಬದುಕಿನ ಗ್ರಾಫು ದಿಢೀರನೆ ಕುಸಿಯತೊಡಗಿತು. <br /> <br /> ಬೆಂಗಳೂರಿನ ಜೀವರಾಜ್ ಆಳ್ವ- ನಂದಿನಿ ಆಳ್ವ ಪುತ್ರಿ ಪ್ರಿಯಾಂಕಾ ಅವರನ್ನು ಮದುವೆಯಾದರು. ಮೂರು ತಿಂಗಳು ಕೈಲಿ ಮಾಡಲು ಏನೂ ಕೆಲಸವಿರಲಿಲ್ಲ. `ಬಂದೇ ಬರತಾವ ಕಾಲ~ ಎಂದು ಪ್ರಿಯಾಂಕಾ ಗಂಡನ ಕೈ ಅದುಮಿ ಸಮಾಧಾನ ಪಡಿಸಿದ ದಿನಗಳಿಗೆ ಲೆಕ್ಕವಿಲ್ಲ. <br /> <br /> ಈಗ ಪ್ರಿಯಾಂಕಾ ಮಾತು ನಿಜವಾಗಿದೆ. ಟಿಪ್ಸ್ ಕಂಪೆನಿಯ ಇನ್ನೂ ಹೆಸರಿಡದ ಚಿತ್ರಕ್ಕೆ ಅದಾಗಲೇ ವಿವೇಕ್ ಬಣ್ಣಹಚ್ಚುತ್ತಿದ್ದಾರೆ. `ಜಿಲ್ಲಾ ಘಜಿಯಾಬಾದ್~ ಚಿತ್ರದಲ್ಲಿ ಸಂಜಯ್ ದತ್ ಜೊತೆ ನಟಿಸುವ ಅವಕಾಶ.<br /> <br /> `ಕ್ರಿಷ್ 3~ ಚಿತ್ರದಲ್ಲಿ ತಮಗೆಂದೇ ಪಾತ್ರ ಸೃಷ್ಟಿಸಿ, ರಾಕೇಶ್ ರೋಷನ್ ಹಾಗೂ ಹೃತಿಕ್ ರೋಷನ್ ಕೊಡುತ್ತಿರುವ ಬ್ರೇಕ್ ಎಲ್ಲವೂ ವಿವೇಕ್ ಆತ್ಮವಿಶ್ವಾಸವನ್ನು ಮರಳಿಸಿವೆ. ಸಂಜಯ್ ದತ್ ಅಂತೂ ವಾರಕ್ಕೊಂದು ಸ್ಕ್ರಿಪ್ಟ್ ಕಳುಹಿಸಿ, `ಈ ಪಾತ್ರ ಚೆನ್ನಾಗಿರುತ್ತದೆ, ನೋಡು~ ಎಂದು ಸಲಹೆ ಕೊಡುತ್ತಿದ್ದಾರಂತೆ. <br /> <br /> ಕೈಯಲ್ಲಿ ಕೆಲಸ ಇಲ್ಲದ ಸಂದರ್ಭದಲ್ಲೂ `ಶೂಟೌಟ್ ಅಟ್ ವಾಡಾಲಾ~ ಚಿತ್ರದ ಆಹ್ವಾನವನ್ನು ತಿರಸ್ಕರಿಸಿದ ವಿವೇಕ್ಗೆ ಮತ್ತೆ ಪುಟಿಯುವ ಹುಮ್ಮಸ್ಸಿದೆ. `ನನ್ನ ಸಿನಿಮಾ ಇನ್ನೂ ಬಾಕಿ ಇದೆ... ನೋಡುತ್ತಾ ಇರಿ...~ ಎಂಬ ಹಟ ಬೆರೆತ ಅವರ ಮಾತೇ ಇದಕ್ಕೆ ಸಾಕ್ಷಿ. ಅಂದಹಾಗೆ, ಮಕ್ಕಳೆಂದರೆ ವಿವೇಕ್ಗೆ ಪಂಚಪ್ರಾಣ. <br /> <br /> ಪತ್ನಿ ಒಪ್ಪಿದರೆ ಮನೆಯಲ್ಲಿ ಕ್ರಿಕೆಟ್ ಟೀಮನ್ನೇ ಸೃಷ್ಟಿಸುವ ಮಹಾನ್ ತಂದೆ ತಾವಾಗಲು ಸಿದ್ಧ ಎಂದು ಅವರು ಪದೇಪದೇ ಕಿಚಾಯಿಸುತ್ತಿರುತ್ತಾರೆ. ಅಪ್ಪ ಸುರೇಶ್ ಒಬೆರಾಯ್ ಈಗ ಕಾರಿನ ಹಿಂಬದಿಯ ಸೀಟಿನಲ್ಲಿ ಹೆಂಡತಿ ಪಕ್ಕ ಕೂತರೆ, ಮುಂದಿನ ಸೀಟಲ್ಲಿ ಮಗ-ಸೊಸೆ ಕೂರುತ್ತಾರೆ. ಬಾಲ್ಯದಲ್ಲಿ ಮೊಗೆದುಕೊಳ್ಳುತ್ತಿದ್ದ ಪ್ರಯಾಣದ ಸುಖ ಈಗಲೂ ಮುಂದುವರಿದಿದೆ. ಪಿಕ್ಚರ್ ಅಭಿ ಬಾಕಿ ಹೈ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಪಿಕ್ಚರ್ ಅಭಿ ಬಾಕಿ ಹೈ~ (ಸಿನಿಮಾ ಇನ್ನೂ ಬಾಕಿ ಇದೆ)- ಎಡ ಹುಬ್ಬನ್ನು ತುಸು ಮೇಲೇರಿಸಿ ಮುಖದಲ್ಲಿ ಗಂಡು ಕಳೆ ತುಂಬಿಕೊಂಡು, ಲಯತಪ್ಪಿದಂತಾಗಿದ್ದ ಸೊಕ್ಕನ್ನು ಬಲವಂತವಾಗಿ ಆವಾಹಿಸಿಕೊಂಡು ಹೇಳಿದ್ದರು ವಿವೇಕ್ ಒಬೆರಾಯ್. ಅವರ ಈ ಗತ್ತಿನ ಮಾತನ್ನು ಕೇಳಲು ಸಿನಿಮಾದ ಇಂಗ್ಲಿಷ್ ನಿಯತಕಾಲಿಕೆಯ ಸುದ್ದಿಮಿತ್ರ ಭರ್ತಿ ಮೂರು ತಾಸು ಕಾದಿದ್ದರು. <br /> <br /> ಆ ಒಂದು ಮಾತು ಹೇಳಿ, `ಸಂದರ್ಶನ ಮುಗಿಯಿತು~ ಎಂದು ವ್ಯಂಗ್ಯವಾಗಿ ನಕ್ಕಿದ್ದ ವಿವೇಕ್ ಕೆಲವೇ ಗಂಟೆಗಳಲ್ಲಿ ಮತ್ತೆ ಅದೇ ಸುದ್ದಿಮಿತ್ರರನ್ನು ಕಾರು ಕಳುಹಿಸಿ ತಾವಿದ್ದಲ್ಲಿಗೇ ಕರೆಸಿಕೊಂಡರು.<br /> <br /> `ಪಿಕ್ಚರ್ ಅಭಿ ಬಾಕಿ ಹೈ~ ಎಂಬ ತಮ್ಮ ಮಾತಿನಿಂದ ಅವರು ಫ್ಲ್ಯಾಷ್ಬ್ಯಾಕ್ಗೆ ಜಿಗಿದರು. ಅದಕ್ಕೂ ಮೊದಲು ಶಾಸ್ತ್ರಕ್ಕೆಂಬಂತೆ ಆಗಲೆ ಮಾತು ಮುಗಿಯಿತು ಎಂದು ಹೇಳಿದ್ದಕ್ಕೆ ಕ್ಷಮಾಪಣೆಯನ್ನೂ ಕೋರಿದರು. <br /> <br /> ವಿವೇಕ್ ಬಾಲ್ಯ ಹಸನಾಗಿತ್ತು. ನಟರಾಗಿದ್ದ ಅಪ್ಪ ಸುರೇಶ್ ಒಬೆರಾಯ್ ಶುಕ್ರವಾರ ಸಂಜೆಯ ನಂತರ ಮಕ್ಕಳಿಗಾಗಿ ಎರಡು ದಿನ ಬಿಡುವು ಮಾಡಿಕೊಳ್ಳುತ್ತಿದ್ದರು. ವಿವೇಕ್ ಹಾಗೂ ಅವರ ಸಹೋದರಿ ಮೇಘನಾ ಆಗಿನ್ನೂ ಶಾಲೆಯಲ್ಲಿ ಓದುತ್ತಿದ್ದ ಕಾಲ. <br /> <br /> ಶುಕ್ರವಾರ ಸಂಜೆ ಅಪ್ಪನ ನೀಲಿ ಮರ್ಸಿಡೀಸ್ ಬೆಂಜ್ ಕಾರು ಬರುವುದನ್ನೇ ಅವರು ಕಾಯುತ್ತಿದ್ದರು. ಫಳಫಳ ಹೊಳೆಯುತ್ತಿದ್ದ ಕಾರಿನಿಂದ ವೋಲ್ಟುಗಟ್ಟಲೆ ನಗು ತುಂಬಿಕೊಂಡ ಅಪ್ಪ ಇಳಿದರೆ ಮಕ್ಕಳಿಗದೇ ಸ್ವರ್ಗ. ಆ ಮರ್ಸಿಡೀಸ್ ಕೆಲವೇ ಗಂಟೆಗಳಲ್ಲಿ ಮತ್ತೆ ಹೊರಡುತ್ತಿತ್ತು. <br /> <br /> ಮುಂದೆ ಅಪ್ಪ-ಅಮ್ಮ. ಹಿಂದೆ ಮಕ್ಕಳು. ಮಕ್ಕಳು ಇಷ್ಟಪಡುತ್ತಿದ್ದ ಜಾಗಗಳಿಗೆಲ್ಲಾ ಸುರೇಶ್ ಒಬೆರಾಯ್ ಕರೆದೊಯ್ಯುತ್ತಿದ್ದರು. ಮಗ ತಾನು ಕುದುರೆ ಸವಾರಿ ಮಾಡಬೇಕು ಎಂದು ಕೇಳಿದರೆ, ಕೆಲವೇ ಕ್ಷಣಗಳಲ್ಲಿ ಆ ಬಯಕೆ ಈಡೇರುತ್ತಿತ್ತು. <br /> <br /> ಬೋಟಿನಲ್ಲಿ ತುಂಬಾ ದೂರ ಹೋಗಬೇಕೆಂದರೂ ಅಪ್ಪ ಬೇಡ ಎನ್ನುತ್ತಿರಲಿಲ್ಲ. ಆಯತಪ್ಪಿ ಒಮ್ಮೆ ನೀರಿನಲ್ಲಿ ಬಿದ್ದು ಉಸಿರುಗಟ್ಟಿದ ನಂತರವೂ ಮಗನ ಎಲ್ಲಾ ಪ್ರೀತಿಯ ಹಟಗಳಿಗೆ ಅಪ್ಪ ಮಣಿಯುವುದು ತಪ್ಪಲಿಲ್ಲ. <br /> <br /> ಅಮ್ಮನ ಹೆಸರು ಯಶೋದರಾ. ತುತ್ತಿನ ಜೊತೆಗೆ ಮಮತೆಯನ್ನೂ ಬೆರೆಸಿ ಉಣ್ಣಿಸಿದವರು. ವಿವೇಕ್ ಪ್ರೀತಿಯ ಆಲದಮರದ ನೆರಳಲ್ಲೇ ಬೆಳೆದರು. ಆದರೆ, ಸಿನಿಮಾ ಅಭಿನಯವನ್ನು ಆಯ್ಕೆ ಮಾಡಿಕೊಂಡಾಗ ಅಪ್ಪನ ಹಣ ಖರ್ಚು ಮಾಡಿಸುವ ದಾರಿ ಹಿಡಿಯಲಿಲ್ಲ. <br /> <br /> `ಕಂಪೆನಿ~ ಚಿತ್ರದಲ್ಲಿ ಸಿಕ್ಕ ಅವಕಾಶವನ್ನು ಸದುಪಯೋಗ ಪಡಿಸಿಕೊಂಡು, ತಮ್ಮಳಗಿನ ನಟನನ್ನು ಪ್ರಕಟಪಡಿಸಿದರು. `ಸಾಥಿಯಾ~ ಚಿತ್ರದ ಮೂಲಕ ತಾವು ರೊಮ್ಯಾಂಟಿಕ್ ಹೀರೋ ಕೂಡ ಹೌದೆಂಬುದನ್ನು ಸಾಬೀತು ಪಡಿಸಿದರು.<br /> <br /> ಆಮೇಲೆ ಸಲ್ಮಾನ್ ರಾತ್ರಿಯಿಡೀ ಕಾಟ ಕೊಟ್ಟರೆಂದು ಒಂದು ಪತ್ರಿಕಾಗೋಷ್ಠಿಯನ್ನೇ ಮಾಡಿಬಿಟ್ಟರು. ಅಲ್ಲಿಂದ ಅವರ ಸಿನಿಮಾ ಬದುಕಿನ ಗ್ರಾಫು ದಿಢೀರನೆ ಕುಸಿಯತೊಡಗಿತು. <br /> <br /> ಬೆಂಗಳೂರಿನ ಜೀವರಾಜ್ ಆಳ್ವ- ನಂದಿನಿ ಆಳ್ವ ಪುತ್ರಿ ಪ್ರಿಯಾಂಕಾ ಅವರನ್ನು ಮದುವೆಯಾದರು. ಮೂರು ತಿಂಗಳು ಕೈಲಿ ಮಾಡಲು ಏನೂ ಕೆಲಸವಿರಲಿಲ್ಲ. `ಬಂದೇ ಬರತಾವ ಕಾಲ~ ಎಂದು ಪ್ರಿಯಾಂಕಾ ಗಂಡನ ಕೈ ಅದುಮಿ ಸಮಾಧಾನ ಪಡಿಸಿದ ದಿನಗಳಿಗೆ ಲೆಕ್ಕವಿಲ್ಲ. <br /> <br /> ಈಗ ಪ್ರಿಯಾಂಕಾ ಮಾತು ನಿಜವಾಗಿದೆ. ಟಿಪ್ಸ್ ಕಂಪೆನಿಯ ಇನ್ನೂ ಹೆಸರಿಡದ ಚಿತ್ರಕ್ಕೆ ಅದಾಗಲೇ ವಿವೇಕ್ ಬಣ್ಣಹಚ್ಚುತ್ತಿದ್ದಾರೆ. `ಜಿಲ್ಲಾ ಘಜಿಯಾಬಾದ್~ ಚಿತ್ರದಲ್ಲಿ ಸಂಜಯ್ ದತ್ ಜೊತೆ ನಟಿಸುವ ಅವಕಾಶ.<br /> <br /> `ಕ್ರಿಷ್ 3~ ಚಿತ್ರದಲ್ಲಿ ತಮಗೆಂದೇ ಪಾತ್ರ ಸೃಷ್ಟಿಸಿ, ರಾಕೇಶ್ ರೋಷನ್ ಹಾಗೂ ಹೃತಿಕ್ ರೋಷನ್ ಕೊಡುತ್ತಿರುವ ಬ್ರೇಕ್ ಎಲ್ಲವೂ ವಿವೇಕ್ ಆತ್ಮವಿಶ್ವಾಸವನ್ನು ಮರಳಿಸಿವೆ. ಸಂಜಯ್ ದತ್ ಅಂತೂ ವಾರಕ್ಕೊಂದು ಸ್ಕ್ರಿಪ್ಟ್ ಕಳುಹಿಸಿ, `ಈ ಪಾತ್ರ ಚೆನ್ನಾಗಿರುತ್ತದೆ, ನೋಡು~ ಎಂದು ಸಲಹೆ ಕೊಡುತ್ತಿದ್ದಾರಂತೆ. <br /> <br /> ಕೈಯಲ್ಲಿ ಕೆಲಸ ಇಲ್ಲದ ಸಂದರ್ಭದಲ್ಲೂ `ಶೂಟೌಟ್ ಅಟ್ ವಾಡಾಲಾ~ ಚಿತ್ರದ ಆಹ್ವಾನವನ್ನು ತಿರಸ್ಕರಿಸಿದ ವಿವೇಕ್ಗೆ ಮತ್ತೆ ಪುಟಿಯುವ ಹುಮ್ಮಸ್ಸಿದೆ. `ನನ್ನ ಸಿನಿಮಾ ಇನ್ನೂ ಬಾಕಿ ಇದೆ... ನೋಡುತ್ತಾ ಇರಿ...~ ಎಂಬ ಹಟ ಬೆರೆತ ಅವರ ಮಾತೇ ಇದಕ್ಕೆ ಸಾಕ್ಷಿ. ಅಂದಹಾಗೆ, ಮಕ್ಕಳೆಂದರೆ ವಿವೇಕ್ಗೆ ಪಂಚಪ್ರಾಣ. <br /> <br /> ಪತ್ನಿ ಒಪ್ಪಿದರೆ ಮನೆಯಲ್ಲಿ ಕ್ರಿಕೆಟ್ ಟೀಮನ್ನೇ ಸೃಷ್ಟಿಸುವ ಮಹಾನ್ ತಂದೆ ತಾವಾಗಲು ಸಿದ್ಧ ಎಂದು ಅವರು ಪದೇಪದೇ ಕಿಚಾಯಿಸುತ್ತಿರುತ್ತಾರೆ. ಅಪ್ಪ ಸುರೇಶ್ ಒಬೆರಾಯ್ ಈಗ ಕಾರಿನ ಹಿಂಬದಿಯ ಸೀಟಿನಲ್ಲಿ ಹೆಂಡತಿ ಪಕ್ಕ ಕೂತರೆ, ಮುಂದಿನ ಸೀಟಲ್ಲಿ ಮಗ-ಸೊಸೆ ಕೂರುತ್ತಾರೆ. ಬಾಲ್ಯದಲ್ಲಿ ಮೊಗೆದುಕೊಳ್ಳುತ್ತಿದ್ದ ಪ್ರಯಾಣದ ಸುಖ ಈಗಲೂ ಮುಂದುವರಿದಿದೆ. ಪಿಕ್ಚರ್ ಅಭಿ ಬಾಕಿ ಹೈ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
