<p><strong>ಬೆಂಗಳೂರು: </strong>ಅಗ್ಗದ ದರದ ವಿಮಾನಯಾನ ಸೇವೆ ಒದಗಿಸುತ್ತಿರುವ ಏರ್ ಏಷ್ಯಾ ಇಂಡಿಯಾ, ಬುಧವಾರ ಮತ್ತಷ್ಟು ಹೊಸ ಮಾರ್ಗಗಳ ವಿಸ್ತರಣೆಯ ಜತೆಗೆ ದರ ಕಡಿತ ಘೋಷಿಸಿದೆ.<br /> <br /> ಹೈದರಾಬಾದ್ನಿಂದ ಬೆಂಗಳೂರು ಮತ್ತು ಗೋವಾಕ್ಕೆ ಹಾಗೂ ಬೆಂಗಳೂರಿನಿಂದ ಗುವಾಹಟಿಗೆ ಪ್ರತಿ ನಿತ್ಯ ಅಗ್ಗದ ದರದಲ್ಲಿ ವಿಮಾನ ಸೇವೆ ಆರಂಭಿಸಿದೆ. <br /> <br /> ಸೆಪ್ಟೆಂಬರ್ 22 ರಿಂದ ಏರ್ ಏಷ್ಯಾ ಬಳಗಕ್ಕೆ 180 ಸೀಟುಗಳ ಸಾಮರ್ಥ್ಯದ ಎ320 ವಿಮಾನ ಹೊಸದಾಗಿ ಸೇರ್ಪಡೆಯಾಗಲಿದೆ. ಸಂಸ್ಥೆಯ ಏಳನೇ ವಿಮಾನ ಇದಾಗಿದೆ ಎಂದು ಏರ್ ಏಷ್ಯಾ ಇಂಡಿಯಾದ ಸಿಇಒ ಅಮರ್ ಅಬ್ರೋಲ್ ಬುಧವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.<br /> <br /> ‘ಎಲ್ಲವೂ ಎಣಿಕೆಯಂತೆ ನಡೆದಲ್ಲಿ ಮುಂದಿನ ಆರು ತಿಂಗಳಲ್ಲಿ ಏರ್ ಏಷ್ಯಾ ಬಳಗಕ್ಕೆ 20 ಹೊಸ ವಿಮಾನಗಳು ಸೇರ್ಪಡೆಯಾಗಲಿವೆ. ವಿಮಾನ ಖರೀದಿಸಲು ಏರ್ಏಷ್ಯಾ ಮತ್ತು ಟಾಟಾ ಸನ್ಸ್ ಆಡಳಿತ ಮಂಡಳಿ ಒಪ್ಪಿಗೆ ನೀಡಿದೆ’ ಎಂದು ಅವರು ತಿಳಿಸಿದರು.<br /> <br /> ‘ಎರಡು ವರ್ಷಗಳ ಹಿಂದೆ ಭಾರತದ ವಿಮಾನಯಾನ ಮಾರುಕಟ್ಟೆ ಪ್ರವೇಶಿಸಿದ ಏರ್ ಏಷ್ಯಾ ಶೇ 2.2 ರಷ್ಟು ಪಾಲು ಹೊಂದಿದೆ. ಪ್ರಯಾಣಿಕರ ಪ್ರಮಾಣ<br /> ಶೇ 54ರಷ್ಟಿದೆ’ ಎಂದು ಅಬ್ರೋಲ್ ತಿಳಿಸಿದರು.<br /> <br /> ‘ನುರಿತ ಪೈಲಟ್ಗಳ ಕೊರತೆ ಮತ್ತು ವಿಮಾನ ಸಂಖ್ಯೆ ಕಡಿಮೆ ಇರುವ ಕಾರಣ ಕರ್ನಾಟಕದ ಎರಡನೇ ಹಂತದ ನಗರಗಳಿಗೂ ವಿಮಾನ ಸಂಚಾರ ಆರಂಭಿಸುವ ಯೋಚನೆ ಸದ್ಯಕ್ಕಿಲ್ಲ. ಬೇಡಿಕೆ ಆಧರಿಸಿ ಕಾಲ ಕ್ರಮೇಣ ಈ ನಗರಗಳಿಗೂ ಸೇವೆ ಆರಂಭಿಸಬಹುದು. ಆ ಬಗ್ಗೆ ಈಗಲೇ ಸ್ಪಷ್ಟವಾಗಿ ಏನನ್ನೂ ಹೇಳಲು ಸಾಧ್ಯವಿಲ್ಲ’ ಎಂದರು.</p>.<p><strong>ಬುಕ್ಕಿಂಗ್ ಆರಂಭ</strong><br /> ಹೊಸ ಮಾರ್ಗಗಳ ಬುಕ್ಕಿಂಗ್ ಆಗಸ್ಟ್ 17ರಿಂದ ಆರಂಭವಾಗಿದ್ದು, ಬೆಂಗಳೂರು–ಹೈದರಾಬಾದ್ (₹1,499), ಬೆಂಗಳೂರು– ಗುವಾಹಟಿ (₹5,499), ಹೈದರಾಬಾದ್–ಗೋವಾ (₹2,499) ನಡುವೆ ಸಂಚರಿಸುವ ವಿಮಾನಗಳಿಗೆ ಸಂಸ್ಥೆಯ ವೆಬ್ಸೈಟ್ನಲ್ಲಿ www.airasia.com ಮುಂಗಡವಾಗಿ ಟಿಕೆಟ್ ಕಾಯ್ದಿರಿಸಬಹುದು.<br /> <br /> ಏರ್ ಏಷ್ಯಾ ವಿಮಾನಗಳು ಬೆಂಗಳೂರು ಮತ್ತು ದೆಹಲಿಯನ್ನು ಕೇಂದ್ರವಾಗಿರಿಸಿಕೊಂಡು ಚಂಡೀಗಡ, ಜೈಪುರ, ಇಂಫಾಲ್, ಗೋವಾ, ಪುಣೆ, ಹೈದರಾಬಾದ್, ಕೊಚ್ಚಿ, ವಿಶಾಖಪಟ್ಟಣ ಸೇರಿ 11 ನಗರಗಳಿಗೆ ಸಂಚರಿಸುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಅಗ್ಗದ ದರದ ವಿಮಾನಯಾನ ಸೇವೆ ಒದಗಿಸುತ್ತಿರುವ ಏರ್ ಏಷ್ಯಾ ಇಂಡಿಯಾ, ಬುಧವಾರ ಮತ್ತಷ್ಟು ಹೊಸ ಮಾರ್ಗಗಳ ವಿಸ್ತರಣೆಯ ಜತೆಗೆ ದರ ಕಡಿತ ಘೋಷಿಸಿದೆ.<br /> <br /> ಹೈದರಾಬಾದ್ನಿಂದ ಬೆಂಗಳೂರು ಮತ್ತು ಗೋವಾಕ್ಕೆ ಹಾಗೂ ಬೆಂಗಳೂರಿನಿಂದ ಗುವಾಹಟಿಗೆ ಪ್ರತಿ ನಿತ್ಯ ಅಗ್ಗದ ದರದಲ್ಲಿ ವಿಮಾನ ಸೇವೆ ಆರಂಭಿಸಿದೆ. <br /> <br /> ಸೆಪ್ಟೆಂಬರ್ 22 ರಿಂದ ಏರ್ ಏಷ್ಯಾ ಬಳಗಕ್ಕೆ 180 ಸೀಟುಗಳ ಸಾಮರ್ಥ್ಯದ ಎ320 ವಿಮಾನ ಹೊಸದಾಗಿ ಸೇರ್ಪಡೆಯಾಗಲಿದೆ. ಸಂಸ್ಥೆಯ ಏಳನೇ ವಿಮಾನ ಇದಾಗಿದೆ ಎಂದು ಏರ್ ಏಷ್ಯಾ ಇಂಡಿಯಾದ ಸಿಇಒ ಅಮರ್ ಅಬ್ರೋಲ್ ಬುಧವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.<br /> <br /> ‘ಎಲ್ಲವೂ ಎಣಿಕೆಯಂತೆ ನಡೆದಲ್ಲಿ ಮುಂದಿನ ಆರು ತಿಂಗಳಲ್ಲಿ ಏರ್ ಏಷ್ಯಾ ಬಳಗಕ್ಕೆ 20 ಹೊಸ ವಿಮಾನಗಳು ಸೇರ್ಪಡೆಯಾಗಲಿವೆ. ವಿಮಾನ ಖರೀದಿಸಲು ಏರ್ಏಷ್ಯಾ ಮತ್ತು ಟಾಟಾ ಸನ್ಸ್ ಆಡಳಿತ ಮಂಡಳಿ ಒಪ್ಪಿಗೆ ನೀಡಿದೆ’ ಎಂದು ಅವರು ತಿಳಿಸಿದರು.<br /> <br /> ‘ಎರಡು ವರ್ಷಗಳ ಹಿಂದೆ ಭಾರತದ ವಿಮಾನಯಾನ ಮಾರುಕಟ್ಟೆ ಪ್ರವೇಶಿಸಿದ ಏರ್ ಏಷ್ಯಾ ಶೇ 2.2 ರಷ್ಟು ಪಾಲು ಹೊಂದಿದೆ. ಪ್ರಯಾಣಿಕರ ಪ್ರಮಾಣ<br /> ಶೇ 54ರಷ್ಟಿದೆ’ ಎಂದು ಅಬ್ರೋಲ್ ತಿಳಿಸಿದರು.<br /> <br /> ‘ನುರಿತ ಪೈಲಟ್ಗಳ ಕೊರತೆ ಮತ್ತು ವಿಮಾನ ಸಂಖ್ಯೆ ಕಡಿಮೆ ಇರುವ ಕಾರಣ ಕರ್ನಾಟಕದ ಎರಡನೇ ಹಂತದ ನಗರಗಳಿಗೂ ವಿಮಾನ ಸಂಚಾರ ಆರಂಭಿಸುವ ಯೋಚನೆ ಸದ್ಯಕ್ಕಿಲ್ಲ. ಬೇಡಿಕೆ ಆಧರಿಸಿ ಕಾಲ ಕ್ರಮೇಣ ಈ ನಗರಗಳಿಗೂ ಸೇವೆ ಆರಂಭಿಸಬಹುದು. ಆ ಬಗ್ಗೆ ಈಗಲೇ ಸ್ಪಷ್ಟವಾಗಿ ಏನನ್ನೂ ಹೇಳಲು ಸಾಧ್ಯವಿಲ್ಲ’ ಎಂದರು.</p>.<p><strong>ಬುಕ್ಕಿಂಗ್ ಆರಂಭ</strong><br /> ಹೊಸ ಮಾರ್ಗಗಳ ಬುಕ್ಕಿಂಗ್ ಆಗಸ್ಟ್ 17ರಿಂದ ಆರಂಭವಾಗಿದ್ದು, ಬೆಂಗಳೂರು–ಹೈದರಾಬಾದ್ (₹1,499), ಬೆಂಗಳೂರು– ಗುವಾಹಟಿ (₹5,499), ಹೈದರಾಬಾದ್–ಗೋವಾ (₹2,499) ನಡುವೆ ಸಂಚರಿಸುವ ವಿಮಾನಗಳಿಗೆ ಸಂಸ್ಥೆಯ ವೆಬ್ಸೈಟ್ನಲ್ಲಿ www.airasia.com ಮುಂಗಡವಾಗಿ ಟಿಕೆಟ್ ಕಾಯ್ದಿರಿಸಬಹುದು.<br /> <br /> ಏರ್ ಏಷ್ಯಾ ವಿಮಾನಗಳು ಬೆಂಗಳೂರು ಮತ್ತು ದೆಹಲಿಯನ್ನು ಕೇಂದ್ರವಾಗಿರಿಸಿಕೊಂಡು ಚಂಡೀಗಡ, ಜೈಪುರ, ಇಂಫಾಲ್, ಗೋವಾ, ಪುಣೆ, ಹೈದರಾಬಾದ್, ಕೊಚ್ಚಿ, ವಿಶಾಖಪಟ್ಟಣ ಸೇರಿ 11 ನಗರಗಳಿಗೆ ಸಂಚರಿಸುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
