ಕರಡಿ ಹಾವಳಿ: ಆತಂಕದಲ್ಲಿ ಗ್ರಾಮಸ್ಥರು

ಶುಕ್ರವಾರ, ಮೇ 24, 2019
23 °C

ಕರಡಿ ಹಾವಳಿ: ಆತಂಕದಲ್ಲಿ ಗ್ರಾಮಸ್ಥರು

Published:
Updated:

ನಾಗಮಂಗಲ: ತಾಲ್ಲೂಕಿನ ಬೆಳ್ಳೂರು ಹೋಬಳಿಯ ಹಲವು ಗ್ರಾಮಗಳಲ್ಲಿ ಕರಡಿ ಹಾವಳಿ ಹೆಚ್ಚಾಗಿದ್ದು, ಗ್ರಾಮ ಸ್ಥರು ಆತಂಕದಲ್ಲಿ ದಿನ ದೂಡುವ ಸ್ಥಿತಿ ನಿರ್ಮಾಣವಾಗಿದೆ.



ಐದು ದಿನಗಳಿಂದ ಬೆಳ್ಳೂರು ಹೋಬಳಿಯ ದಾಸನಕೆರೆ ಅಚ್ಚುಕಟ್ಟು ಪ್ರದೇಶ, ಕಂಚನಹಳ್ಳಿ, ನಾಯಕನ ಕೊಪ್ಪಲು, ನಾಗಲಾಪುರ ಮುಂತಾದ ಕಡೆಗಳಲ್ಲಿ ಕರಡಿಗಳ ಹಾವಳಿ ಹೆಚ್ಚಾಗಿರುವ ಬಗ್ಗೆ ಅಲ್ಲಿನ ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದ್ದಾರೆ.



ಕಂಚನಹಳ್ಳಿಯ ತಮ್ಮಣ್ಣಗೌಡ (55) ಎಂಬುವವರು ಕರಡಿ ದಾಳಿಗೆ ತುತ್ತಾಗಿದ್ದಾರೆ. ಸೆ.8 ರಂದು ಸಂಜೆ ಚುಂಚನಗಿರಿಯಿಂದ ಮಾಯಸಂದ್ರ ಹೋಗುವ ರಸ್ತೆ ಮದ್ಯೆ ಪೊದೆಯಲ್ಲಿ 3 ರಿಂದ 4 ಕರಡಿಗಳು ಗುಂಪಾಗಿ ಕುಳಿತಿರುವುದನ್ನು ಅಲ್ಲಿನ ಗ್ರಾಮಸ್ಥರು ಕಂಡಿರುವ ಬಗ್ಗೆ ಗ್ರಾಮದ ಮಂಜಪ್ಪ ತಿಳಿಸಿದ್ದಾರೆ.



ಗ್ರಾಮಸ್ಥರಿಂದ ಖಂಡನೆ: ವಿಷಯ ತಿಳಿಸಿದರೂ ಸೂಕ್ತ ಕ್ರಮ ಜರುಗಿಸದೇ ಉದಾಸೀನ ತೋರಿದ್ದಾರೆ. ಅರಣ್ಯ ಇಲಾಖೆಗೆ ದೂರು ನೀಡಿದರೂ ವನ್ಯಜೀವಿ ಸಂರಕ್ಷಣಾ ಇಲಾಖೆಗೆ ದೂರು ನೀಡಿ ಎಂದು ತಮ್ಮ ಕರ್ತವ್ಯದಿಂದ ನುಣುಚಿಕೊಳ್ಳಲು ಪ್ರಯತ್ನಿಸಿದರು ಎಂದು ಖಂಡಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry