ಕಲಾ ಜುಗಲ್‌ಬಂದಿ

7

ಕಲಾ ಜುಗಲ್‌ಬಂದಿ

Published:
Updated:
ಕಲಾ ಜುಗಲ್‌ಬಂದಿ

ಕೆ. ನಲ್ಲತಂಬಿ ಪ್ರಖ್ಯಾತ ಛಾಯ್ರಾಗ್ರಾಹಕರು. ಇವರ ಕ್ಯಾಮೆರಾ ಕಣ್ಣಿಗೆ ಸೆರೆಸಿಕ್ಕ ವಸ್ತುವಿಷಯವೆಲ್ಲವೂ ಒಂದು ಸುಂದರ ಛಾಯಾಚಿತ್ರವಾಗಿ ಹೊರಹೊಮ್ಮುತ್ತದೆ. ಅವರ ನೋಟದಲ್ಲಿ ನಾವೀನ್ಯತೆ, ವಿಭಿನ್ನತೆ ಇದೆ ಎಂಬುದನ್ನು ಅವರು ಕ್ಲಿಕ್ಕಿಸಿದ ಫೋಟೋಗಳು ಸ್ಪಷ್ಟವಾಗಿ ಸೂಚಿಸುತ್ತವೆ. ಕಳೆದ 25 ವರ್ಷಗಳಲ್ಲಿ ಇವರು ತೆಗೆದ ಫೋಟೋಗಳ ಸಂಖ್ಯೆ ಸಾವಿರದ ಗಡಿ ದಾಟಿದೆ.



ಬ್ರಿಟನ್‌ನ ಟಿಲ್ಲಿ ಗಿಫೋರ್ಡ್ ಸಮಕಾಲೀನ ವಿಷಯಗಳನ್ನು ತಮ್ಮ ಕುಂಚದಲ್ಲಿ ಕುಶತೆಯಿಂದ ಬಳಸುವ ಮೇಧಾವಿ. ಸಾಮಾಜಿಕ ಹಾಗೂ ಆರ್ಥಿಕ ವಿಷಯಗಳನ್ನು ಆಯ್ದುಕೊಂಡು ಅದಕ್ಕೆ ಬಣ್ಣ ಲೇಪಿಸಿದ್ದಾರೆ.

ಜತೆಗೆ ಖ್ಯಾತಿಯನ್ನು ಗಳಿಸಿದ್ದಾರೆ. ಭಾವಚಿತ್ರ ರಚನೆಯಲ್ಲಿ ಇವರದು ಎತ್ತಿದ ಕೈ. ಇವು ಆ ವ್ಯಕ್ತಿಯೇ ನಮ್ಮ ಕಣ್ಣಮುಂದೆ ಇರುವ ಭಾವವನ್ನು ಮನಸ್ಸಿನಲ್ಲಿ ಹುಟ್ಟುಹಾಕುತ್ತವೆ.



ಸೋಮಾಂಷ್ ಅವರ ಕಲೆ ಸೌಂದರ್ಯಶಾಸ್ತ್ರಕ್ಕೆ ಸಂಬಂಧಿಸಿದ್ದು. ಈ ಕಲಾಕೃತಿಗಳನ್ನು ನೋಡಿದಾಕ್ಷಣ ಮನಸ್ಸಿನಲ್ಲಿ ರಸಾಭಿಜ್ಞತೆಯ ಭಾವ ತನ್ನಷ್ಟಕ್ಕೆ ತಾನೇ ಉಕ್ಕುತ್ತದೆ. ಮನಸ್ಸನ್ನು ಉಲ್ಲಸಿತವಾಗಿಡುವ ಈ ಕಲಾಕೃತಿಗಳನ್ನು ಇಷ್ಟಪಡದೇ ಇರುವವರು ವಿರಳ. ಈ ಕಲಾಕೃತಿಗಳಿಗೆ ಜೀವನೋತ್ಸಾಹವನ್ನು ಇಮ್ಮಡಿಗೊಳಿಸುವ ಶಕ್ತಿಯಿದೆ. ಇದೇ ಇವರ ಹೆಗ್ಗಳಿಕೆ.



ನಲ್ಲ ತಂಬಿ ಅವರ ಅಪರೂಪದ ಛಾಯಾಚಿತ್ರಗಳು, ಟಿಲ್ಲಿ ಅವರ ಸಮಕಾಲೀನ ಚಿತ್ರಕಲಾಕೃತಿಗಳು, ಸುಂದರ ಸೋಮಾಂಷ್ ಕಲೆಯ ದೊಡ್ಡ ಸಂಗ್ರಹಗಳ ಜುಗಲ್‌ಬಂದಿ ಅ.30ರ ವರೆಗೆ ರಿನೈಸೆನ್ಸ್ ಗ್ಯಾಲರಿಯಲ್ಲಿ ಪ್ರದರ್ಶನಗೊಳ್ಳಲಿವೆ.

ಸ್ಥಳ: 104 ವೆಸ್ಟ್‌ಮಿನಿಸ್ಟರ್, 13 ಕನ್ನಿಂಗ್‌ಹ್ಯಾಮ್ ರಸ್ತೆ. ಮಾಹಿತಿಗೆ: 2220 2232. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry