ಸೋಮವಾರ, ಮಾರ್ಚ್ 1, 2021
31 °C
ಪಾಕ್‌ ಎಸ್‌ಐಟಿ ಭೇಟಿಗೆ ಭಾರತ ಅನುಮತಿ

ಕಾರ್ಯದರ್ಶಿಗಳ ಮಾತುಕತೆ ಮುಂದಕ್ಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಾರ್ಯದರ್ಶಿಗಳ ಮಾತುಕತೆ ಮುಂದಕ್ಕೆ

ನವದೆಹಲಿ (ಪಿಟಿಐ): ಶುಕ್ರವಾರಕ್ಕೆ ನಿಗದಿಯಾಗಿದ್ದ ವಿದೇಶಾಂಗ ಕಾರ್ಯದರ್ಶಿಗಳ ಮಾತುಕತೆಯನ್ನು ಭಾರತ ಮತ್ತು ಪಾಕಿಸ್ತಾನ ಮುಂದೂಡಿವೆ. ಅತಿ ಶೀಘ್ರದಲ್ಲಿಯೇ ಮಾತುಕತೆ ನಡೆಯಲಿದೆ ಎಂದು ಎರಡೂ ದೇಶಗಳು ಹೇಳಿವೆ.



ಪಠಾಣ್‌ಕೋಟ್‌ ದಾಳಿಯ ಸಂಚು ನಡೆಸಿರುವ ಜೈಷ್‌–ಎ–ಮೊಹಮ್ಮದ್‌ ಉಗ್ರಗಾಮಿ ಸಂಘಟನೆಯ ವಿರುದ್ಧ ಪಾಕಿಸ್ತಾನ ಕೈಗೊಂಡಿರುವ ಕ್ರಮಗಳನ್ನು ಭಾರತ ಸ್ವಾಗತಿಸಿದೆ. ವಾಯುನೆಲೆ ಮೇಲಿನ ದಾಳಿ ತನಿಖೆಗಾಗಿ ಪಾಕಿಸ್ತಾನದ ವಿಶೇಷ ತನಿಖಾ ತಂಡವನ್ನು ಸ್ವಾಗತಿಸಲಾಗುವುದು ಎಂದು ಭಾರತ ಹೇಳಿದೆ.



ಹಲವು ಜೈಷೆ ಉಗ್ರರನ್ನು ವಶಕ್ಕೆ ಪಡೆದಿರುವ ಪಾಕ್‌ನ ಕ್ರಮ ‘ಮಹತ್ವಪೂರ್ಣ ಮತ್ತು ಮೊದಲ ಮಹತ್ವದ ಹೆಜ್ಜೆ’ ಎಂದು ಭಾರತ ಬಣ್ಣಿಸಿದೆ. ಆದರೆ ಮಸೂದ್‌ ಅಜರ್‌ನನ್ನು ವಶಕ್ಕೆ ಪಡೆದಿರುವುದನ್ನು ಪಾಕ್‌ ಇನ್ನೂ ದೃಢಪಡಿಸಿಲ್ಲ.



ದಾಳಿಯಲ್ಲಿ ಪಾಕ್‌ ಉಗ್ರರು ಭಾಗಿಯಾಗಿರುವ ಬಗೆಗಿನ ತನಿಖೆ ‘ಗಮನಾರ್ಹ ಪ್ರಗತಿ’ ಸಾಧಿಸಿದೆ ಎಂಬುದನ್ನು ಬುಧವಾರ ಪಾಕ್‌ ಬಿಡುಗಡೆ ಮಾಡಿರುವ ಹೇಳಿಕೆ ಸ್ಪಷ್ಟಪಡಿಸಿದೆ ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ವಿಕಾಸ್‌ ಸ್ವರೂಪ್‌ ಹೇಳಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.