ಕಾಶ್ಮೀರದಲ್ಲಿ ಮುಂದುವರಿದ ಹಿಮಪಾತ: 12 ಬಲಿ

ಶ್ರೀನಗರ(ಐಎಎನ್ಎಸ್‌/ಪಿಟಿಐ): ಕಾಶ್ಮೀರ ಕಣಿವೆಯಲ್ಲಿ ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಅಕಾಲಿಕ ಹಿಮಪಾತದಿಂದ ಉಂಟಾದ ಹಿಮಕುಸಿ­ತ­ದಿಂದಾಗಿ ಇಬ್ಬರು ಯೋಧರು ಸೇರಿ 12 ಜನರು ಮೃತಪಟ್ಟಿದ್ದಾರೆ.



ಅಲ್ಲದೇ, ಜಮ್ಮು ಮತ್ತು ಕಾಶ್ಮೀರದ ಹಲವು ಪ್ರದೇಶ­­ಗಳಲ್ಲಿ ಮನೆಗಳು  ಕುಸಿದಿರುವ ಕುರಿತು ವರದಿಯಾಗಿದೆ.



ಅಕಾಲಿಕ ಹಿಮಪಾತದಿಂದ ಕಾಶ್ಮೀರದ ವಿವಿಧೆಡೆ ಸಿಲುಕಿ­ಕೊಂಡಿದ್ದ 100 ಜನ­ರನ್ನು ಸುರಕ್ಷಿತ ಸ್ಥಳಗಳಿಗೆ ಕಳುಹಿಸ­ಲಾಗಿದೆ. ಇಷ್ಟೇ ಅಲ್ಲದೇ ಹಿಮಪಾತದ ತೀವ್ರತೆಗೆ ಸುಮಾರು 150 ಮನೆಗಳು ಜಖಂಗೊಂಡಿವೆ.



ಕಾರ್ಗಿಲ್‌ನ ಲಡಾಖ್‌ ಪ್ರಾಂತ್ಯ­­­ದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ 82 ಫೀಲ್ಡ್‌ ರೆಜಿ­­ಮೆಂಟ್‌ನ ಯೋಧ­ರಾದ ನಾಯಕ್‌ ವಿಜಯ್ ಪ್ರಸಾದ್‌, ಧರ್ಮೇಂದ್ರ ಸಿಂಗ್‌ ಅವರು ಹಿಮಕುಸಿತ­ದಲ್ಲಿ ಮೃತ­ಪಟ್ಟ­ವರು.



ಇವ­ರಿಬ್ಬರ ಶವಗಳನ್ನು ಹೊರಕ್ಕೆ ತೆಗೆಯಲಾಗಿದೆ. ರಾಜ್ಯದ ವಿವಿಧೆಡೆ ಹಿಮಕುಸಿತ­ವಾಗುವ ಸಾಧ್ಯತೆ ಇದೆ. ಜನರು ಸುರಕ್ಷಿತ ಪ್ರದೇಶಗಳಿಗೆ ತೆರಳುವಂತೆ ಎಚ್ಚರಿಕೆ ನೀಲಾಗಿದೆ.