ಯುಎಇ ವಿರುದ್ಧ ದ.ಆಫ್ರಿಕಾಗೆ ಸುಲಭ ಗೆಲುವು; ಸೂಪರ್–8ರಲ್ಲಿ ಭಾರತ ಎದುರಾಳಿ

ನವದೆಹಲಿ : ದಕ್ಷಿಣ ಆಫ್ರಿಕಾ ತಂಡ, ಟಿ20 ವಿಶ್ವಕಪ್ನ ತನ್ನ ಕೊನೆಯ ಲೀಗ್ ಪಂದ್ಯದಲ್ಲಿ ಬುಧವಾರ ಯುಎಇ ತಂಡದ ವಿರುದ್ಧ ಆರು ವಿಕೆಟ್ಗಳ ನಿರಾಯಾಸ ಗೆಲುವು ಸಾಧಿಸಿತು. ಡಿ ಗುಂಪಿನಲ್ಲಿ ಆಡಿದ ನಾಲ್ಕೂ ಪಂದ್ಯಗಳನ್ನು ಗೆದ್ದ ಹರಿಣಗಳ ಪಡೆ ಅಜೇಯ ಸಾಧನೆ ದಾಖಲಿಸಿತು.

. ಫಿರೋಜ್ ಶಾ ಕೋಟ್ಲಾದಲ್ಲಿ ಮೊದಲು ಆಡಿದ ಯುಎಇ 20 ಓವರುಗಳಲ್ಲಿ 6 ವಿಕೆಟ್ಗೆ 122 ರನ್ ಗಳಿಸಿತು. ಈ ಮೊದಲೇ ಸೂಪರ್ ಎಂಟರಲ್ಲಿ ಸ್ಥಾನ ಖಚಿತಪಡಿಸಿಕೊಂಡಿದ್ದ ದಕ್ಷಿಣ ಆಫ್ರಿಕಾ, ಹೆಚ್ಚು ಸಮಯ ವ್ಯರ್ಥಮಾಡದೇ 13.1 ಓವರುಗಳಲ್ಲಿ 4 ವಿಕೆಟ್ಗೆ 123 ರನ್ ಹೊಡೆದು ಸಂಭ್ರಮಿಸಿತು.

. ನಾಯಕ ಏಡನ್ ಮರ್ಕರಂ ರಟ್ಟೆಯರಳಿಸಿ 11 ಎಸೆತಗಳಲ್ಲಿ 28 ರನ್ ಗಳಿಸಿದರು. ಬ್ರೆವಿಸ್ 25 ಎಸೆತಗಳಲ್ಲಿ ಒಂದು ಬೌಂಡರಿ, ಮೂರು ಸಿಕ್ಸರ್ಗಳಿದ್ದ ಅಜೇಯ 36 ರನ್ ಗಳಿಸಿದರು. ರಿಯಾನ್ ರಿಕೆಲ್ಟನ್ (30,16 ಎಸೆತ) ಕೂಡ ಹಿಂದೆ ಬೀಳಲಿಲ್ಲ.

. ಭಾರತ ವಿರುದ್ಧ ಭಾನುವಾರ ನಡೆಯಲಿರುವ ಸೂಪರ್ ಎಂಟರ ಮಹತ್ವದ ಪಂದ್ಯಕ್ಕೆ ಸಜ್ಜಾಗಲು ಬ್ರೆವಿಸ್ಗೆ ಈ ಪಂದ್ಯ ನೆರವಾಯಿತು. ಎಡಗೈ ವೇಗದ ಬೌಲರ್ ಮುಹಮ್ಮದ್ ಜವಾದುಲ್ಲಾ ಎಸೆದ ಬೌನ್ಸರ್ನಲ್ಲಿ ಪುಲ್ ಮಾಡಿ ಹೊಡೆದ ಸಿಕ್ಸರ್ ಆಕರ್ಷಕವಾಗಿತ್ತು. ಎಡಗೈ ಸ್ಪಿನ್ನರ್ ಹೈದರ್ ಅಲಿ ಎಸೆತದಲ್ಲಿ ಎಕ್ಸ್ಟ್ರಾ ಕವರ್ ಮೇಲೆ ಎತ್ತಿದ ಸಿಕ್ಸರ್ ಸ್ಟ್ಯಾಂಡ್ನಲ್ಲಿ ಲ್ಯಾಂಡ್ ಆಯಿತು.

. ಇದಕ್ಕೆ ಮೊದಲು, ಕಾರ್ಬಿನ್ ಬಾಷ್ (4–0–12–3) ಅವರ ನೇತೃತ್ವದಲ್ಲಿ ದಕ್ಷಿಣ ಆಫ್ರಿಕಾ ಬೌಲರ್ಗಳು ಯುಎಇ ತಂಡವನ್ನು 6 ವಿಕೆಟ್ಗೆ 122 ರನ್ಗಳಿಗೆ ಸೀಮಿತಗೊಳಿಸಿದರು. ಆ್ಯನ್ರಿಚ್ ನಾಕಿಯಾ (28ಕ್ಕೆ2) ಮತ್ತು ಜಾರ್ಜ್ ಲಿಂಡೆ (17ಕ್ಕೆ1) ಅವರೂ ಪರಿಣಾಮಕಾರಿ ಎನಿಸಿದರು.

. ಎರಡು ಜೀವದಾನ ಪಡೆದ ಯುವ ಅಟಗಾರ ಅಲಿಶಾನ್ ಶರಾಫು 38 ಎಸೆತಗಳಲ್ಲಿ 45 ರನ್ (4x5, 6x1) ಗಳಿಸಿದ್ದರಿಂದ ಯುಎಇ ಮೊತ್ತ 100 ದಾಟಿತು.

. ಕಾರ್ಬಿನ್ ಬಾಷ್ ಪಂದ್ಯದ ಆಟಗಾರನಾದರು.

. ದಕ್ಷಿಣ ಆಫ್ರಿಕಾ ಈ ಪಂದ್ಯಕ್ಕೆ ಪ್ರಮುಖ ಆಟಗಾರರಾದ ಮಾರ್ಕೊ ಯಾನ್ಸೆನ್, ಲುಂಗಿ ಎನ್ಗಿಡಿ ಮತ್ತು ಸ್ಪಿನ್ನರ್ ಕೇಶವ ಮಹಾರಾಜ್ ಅವರಿಗೆ ವಿಶ್ರಾಂತಿ ನೀಡಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯುಎಇ ವಿರುದ್ಧ ದ.ಆಫ್ರಿಕಾಗೆ ಸುಲಭ ಗೆಲುವು; ಸೂಪರ್–8ರಲ್ಲಿ ಭಾರತ ಎದುರಾಳಿ

ಚಿನಕುರುಳಿ: ಬುಧವಾರ, 18 ಫೆಬ್ರುವರಿ 2026

ಚುರುಮುರಿ | ಔಷಧರಹಿತ ಚಿಕಿತ್ಸೆ

ಗುಂಡಣ್ಣ: ಬುಧವಾರ, 18 ಫೆಬ್ರುವರಿ 2026

ದಿನ ಭವಿಷ್ಯ: ಈ ರಾಶಿಯವರು ನಂಬಿಕಸ್ಥರಿಂದ ಮೋಸ ಹೋಗುವ ಸಾಧ್ಯತೆ ಇದೆ