<p><strong>ನವದೆಹಲಿ (ಪಿಟಿಐ): </strong>ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಐಪಿಎಲ್ ಟೂರ್ನಿಯಲ್ಲಿ ಮತ್ತೊಂದು ಗೆಲುವು ಪಡೆದು ಅಗ್ರಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಫಿರೋಜ್ ಷಾ ಕೋಟ್ಲಾ ಕ್ರೀಡಾಂ ಗಣದಲ್ಲಿ ಸೋಮವಾರ ನಡೆದ ಪಂದ್ಯ ದಲ್ಲಿ ಜಾರ್ಜ್ ಬೇಲಿ ಬಳಗ ನಾಲ್ಕು ವಿಕೆಟ್ಗಳಿಂದ ಡೆಲ್ಲಿ ಡೇರ್ಡೆವಿಲ್ಸ್ ತಂಡವನ್ನು ಮಣಿಸಿತು.<br /> <br /> ಕೆವಿನ್ ಪೀಟರ್ಸನ್ ಬಳಗಕ್ಕೆ ಎದುರಾದ ಸತತ ಏಳನೇ ಸೋಲು ಇದು. ಮೊದಲು ಬ್ಯಾಟ್ ಮಾಡಿದ ಡೇರ್ ಡೆವಿಲ್ಸ್ 20 ಓವರ್ಗಳಲ್ಲಿ 7 ವಿಕೆ ಟ್ಗೆ 164 ರನ್ ಗಳಿಸಿತು. ಕಿಂಗ್ಸ್ ಇಲೆ ವೆನ್ 19.4 ಓವರ್ಗಳಲ್ಲಿ 6 ವಿಕೆಟ್ಗೆ 165 ರನ್ ಗಳಿಸಿ ಜಯ ಸಾಧಿಸಿತು.<br /> <br /> <strong>ಕಾರ್ತಿಕ್ ಆಸರೆ: </strong>ಡೇರ್ಡೆವಿಲ್ಸ್ ತಂಡ ಮುರಳಿ ವಿಜಯ್ (5) ಅವರನ್ನು ಬೇಗನೇ ಕಳೆದುಕೊಂಡಿತು. ದಿನೇಶ್ ಕಾರ್ತಿಕ್ ಮತ್ತು ಕೆವಿನ್ ಪೀಟರ್ಸನ್ ತಂಡಕ್ಕೆ ಆಸರೆಯಾದರು. ಕಾರ್ತಿಕ್ 44 ಎಸೆತಗಳಲ್ಲಿ 7 ಬೌಂಡರಿ ಮತ್ತು ಮೂರು ಸಿಕ್ಸರ್ ಸೇರಿದಂತೆ 69 ರನ್ ಸಿಡಿಸಿದರು. ಪೀಟರ್ಸನ್ (49, 32ಎಸೆತ, 6 ಬೌಂಡರಿ, 1 ಸಿಕ್ಸರ್) ಮತ್ತು ಕಾರ್ತಿಕ್ ಜೋಡಿ ಎರಡನೇ ವಿಕೆಟ್ಗೆ 71 ರನ್ ಕಲೆ ಹಾಕಿತು.<br /> <br /> ಅಕ್ಷರ್ ಪಟೇಲ್ ಓವರ್ನಲ್ಲಿ ಪೀಟರ್ಸನ್ ಔಟಾದ ನಂತರ ಕಾರ್ತಿಕ್ ಜೊತೆ ಸೇರಿದ ಜೀನ್ ಪಾಲ್ ಡುಮಿನಿ ಉತ್ತಮ ಬೆಂಬಲ ನೀಡಿದರು. ಮೂರನೇ ವಿಕೆಟ್ಗೆ 56 ರನ್ ಪೇರಿಸಿದ ಈ ಜೋಡಿ ತಂಡ ಉತ್ತಮ ಮೊತ್ತ ಗಳಿಸಲು ನೆರವಾದರು.<br /> ಕೊನೆಯಲ್ಲಿ ಪಂಜಾಬ್ ಬೌಲರ್ಗಳ ಎದುರು ಡೆವಿಲ್ಸ್ ಬ್ಯಾಟ್ಸ್ಮನ್ಗಳು ಜಿದ್ದಿಗೆ ಬಿದ್ದವರಂತೆ ವಿಕೆಟ್ ಒಪ್ಪಿಸಿದ ಕಾರಣ ರನ್ ವೇಗ ಕುಸಿಯಿತು.<br /> <br /> ಕೊನೆಯ 18 ರನ್ ಗಳಿಸುವಷ್ಟರಲ್ಲಿ ಐದು ವಿಕೆಟ್ ಕಳೆದುಕೊಂಡಿದ್ದೇ ಇದಕ್ಕೆ ಸಾಕ್ಷಿ. ಸಂದೀಪ್ ಶರ್ಮ ಮತ್ತು ಬ್ಯೂರನ್ ಹೆಂಡ್ರಿಕ್ಸ್ ತಲಾ ಮೂರು ವಿಕೆಟ್ ಉರುಳಿಸಿ ಕುಸಿತಕ್ಕೆ ಕಾರಣರಾದರು. ವೋಹ್ರಾ, ಅಕ್ಷರ್ ಪಟೇಲ್ ನೆರವು: ಸಾಧಾರಣ ಗುರಿ ಬೆನ್ನಟ್ಟಿದ ಕಿಂಗ್ಸ್ ಇಲೆವೆನ್ಗೆ ವೀರೇಂದ್ರ ಸೆಹ್ವಾಗ್ (23, 22 ಎಸೆತ) ಮತ್ತು ಮನನ್ ವೋಹ್ರಾ (42, 19 ಎಸೆತ, 4 ಬೌಂ, 3 ಸಿಕ್ಸರ್) ಉತ್ತಮ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ಗೆ 67 ರನ್ ಸೇರಿಸಿತು.<br /> <br /> ಪ್ರಮುಖ ಆಟಗಾರರಾದ ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಡೇವಿಡ್ ಮಿಲ್ಲರ್ ಬೇಗನೇ ಔಟಾದ ಕಾರಣ ತಂಡ ಅಲ್ಪ ಒತ್ತಡಕ್ಕೆ ಒಳಗಾಯಿತು. ಆದರೆ ಅಕ್ಷರ್ ಪಟೇಲ್ (42, 35 ಎಸೆತ, 5 ಬೌಂ, 1 ಸಿಕ್ಸರ್) ಅಜೇಯ ಆಟದ ಮೂಲಕ ತಂಡವನ್ನು ಗೆಲುವಿನೆಡೆಗೆ ಮುನ್ನಡೆಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಐಪಿಎಲ್ ಟೂರ್ನಿಯಲ್ಲಿ ಮತ್ತೊಂದು ಗೆಲುವು ಪಡೆದು ಅಗ್ರಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಫಿರೋಜ್ ಷಾ ಕೋಟ್ಲಾ ಕ್ರೀಡಾಂ ಗಣದಲ್ಲಿ ಸೋಮವಾರ ನಡೆದ ಪಂದ್ಯ ದಲ್ಲಿ ಜಾರ್ಜ್ ಬೇಲಿ ಬಳಗ ನಾಲ್ಕು ವಿಕೆಟ್ಗಳಿಂದ ಡೆಲ್ಲಿ ಡೇರ್ಡೆವಿಲ್ಸ್ ತಂಡವನ್ನು ಮಣಿಸಿತು.<br /> <br /> ಕೆವಿನ್ ಪೀಟರ್ಸನ್ ಬಳಗಕ್ಕೆ ಎದುರಾದ ಸತತ ಏಳನೇ ಸೋಲು ಇದು. ಮೊದಲು ಬ್ಯಾಟ್ ಮಾಡಿದ ಡೇರ್ ಡೆವಿಲ್ಸ್ 20 ಓವರ್ಗಳಲ್ಲಿ 7 ವಿಕೆ ಟ್ಗೆ 164 ರನ್ ಗಳಿಸಿತು. ಕಿಂಗ್ಸ್ ಇಲೆ ವೆನ್ 19.4 ಓವರ್ಗಳಲ್ಲಿ 6 ವಿಕೆಟ್ಗೆ 165 ರನ್ ಗಳಿಸಿ ಜಯ ಸಾಧಿಸಿತು.<br /> <br /> <strong>ಕಾರ್ತಿಕ್ ಆಸರೆ: </strong>ಡೇರ್ಡೆವಿಲ್ಸ್ ತಂಡ ಮುರಳಿ ವಿಜಯ್ (5) ಅವರನ್ನು ಬೇಗನೇ ಕಳೆದುಕೊಂಡಿತು. ದಿನೇಶ್ ಕಾರ್ತಿಕ್ ಮತ್ತು ಕೆವಿನ್ ಪೀಟರ್ಸನ್ ತಂಡಕ್ಕೆ ಆಸರೆಯಾದರು. ಕಾರ್ತಿಕ್ 44 ಎಸೆತಗಳಲ್ಲಿ 7 ಬೌಂಡರಿ ಮತ್ತು ಮೂರು ಸಿಕ್ಸರ್ ಸೇರಿದಂತೆ 69 ರನ್ ಸಿಡಿಸಿದರು. ಪೀಟರ್ಸನ್ (49, 32ಎಸೆತ, 6 ಬೌಂಡರಿ, 1 ಸಿಕ್ಸರ್) ಮತ್ತು ಕಾರ್ತಿಕ್ ಜೋಡಿ ಎರಡನೇ ವಿಕೆಟ್ಗೆ 71 ರನ್ ಕಲೆ ಹಾಕಿತು.<br /> <br /> ಅಕ್ಷರ್ ಪಟೇಲ್ ಓವರ್ನಲ್ಲಿ ಪೀಟರ್ಸನ್ ಔಟಾದ ನಂತರ ಕಾರ್ತಿಕ್ ಜೊತೆ ಸೇರಿದ ಜೀನ್ ಪಾಲ್ ಡುಮಿನಿ ಉತ್ತಮ ಬೆಂಬಲ ನೀಡಿದರು. ಮೂರನೇ ವಿಕೆಟ್ಗೆ 56 ರನ್ ಪೇರಿಸಿದ ಈ ಜೋಡಿ ತಂಡ ಉತ್ತಮ ಮೊತ್ತ ಗಳಿಸಲು ನೆರವಾದರು.<br /> ಕೊನೆಯಲ್ಲಿ ಪಂಜಾಬ್ ಬೌಲರ್ಗಳ ಎದುರು ಡೆವಿಲ್ಸ್ ಬ್ಯಾಟ್ಸ್ಮನ್ಗಳು ಜಿದ್ದಿಗೆ ಬಿದ್ದವರಂತೆ ವಿಕೆಟ್ ಒಪ್ಪಿಸಿದ ಕಾರಣ ರನ್ ವೇಗ ಕುಸಿಯಿತು.<br /> <br /> ಕೊನೆಯ 18 ರನ್ ಗಳಿಸುವಷ್ಟರಲ್ಲಿ ಐದು ವಿಕೆಟ್ ಕಳೆದುಕೊಂಡಿದ್ದೇ ಇದಕ್ಕೆ ಸಾಕ್ಷಿ. ಸಂದೀಪ್ ಶರ್ಮ ಮತ್ತು ಬ್ಯೂರನ್ ಹೆಂಡ್ರಿಕ್ಸ್ ತಲಾ ಮೂರು ವಿಕೆಟ್ ಉರುಳಿಸಿ ಕುಸಿತಕ್ಕೆ ಕಾರಣರಾದರು. ವೋಹ್ರಾ, ಅಕ್ಷರ್ ಪಟೇಲ್ ನೆರವು: ಸಾಧಾರಣ ಗುರಿ ಬೆನ್ನಟ್ಟಿದ ಕಿಂಗ್ಸ್ ಇಲೆವೆನ್ಗೆ ವೀರೇಂದ್ರ ಸೆಹ್ವಾಗ್ (23, 22 ಎಸೆತ) ಮತ್ತು ಮನನ್ ವೋಹ್ರಾ (42, 19 ಎಸೆತ, 4 ಬೌಂ, 3 ಸಿಕ್ಸರ್) ಉತ್ತಮ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್ಗೆ 67 ರನ್ ಸೇರಿಸಿತು.<br /> <br /> ಪ್ರಮುಖ ಆಟಗಾರರಾದ ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಡೇವಿಡ್ ಮಿಲ್ಲರ್ ಬೇಗನೇ ಔಟಾದ ಕಾರಣ ತಂಡ ಅಲ್ಪ ಒತ್ತಡಕ್ಕೆ ಒಳಗಾಯಿತು. ಆದರೆ ಅಕ್ಷರ್ ಪಟೇಲ್ (42, 35 ಎಸೆತ, 5 ಬೌಂ, 1 ಸಿಕ್ಸರ್) ಅಜೇಯ ಆಟದ ಮೂಲಕ ತಂಡವನ್ನು ಗೆಲುವಿನೆಡೆಗೆ ಮುನ್ನಡೆಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
