ಭಾನುವಾರ, ಏಪ್ರಿಲ್ 11, 2021
22 °C

ಕಿಂಗ್‌ಫಿಷರ್ ಪೈಲಟ್‌ಗಳ ಮುಷ್ಕರ: 4 ವಿಮಾನ ಸಂಚಾರ ರದ್ದು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ (ಪಿಟಿಐ): ಕಿಂಗ್‌ಫಿಷರ್ ವಿಮಾನಯಾನ ಕಂಪೆನಿಯ ಪೈಲಟ್‌ಗಳ ಒಂದು ಗುಂಪು ಮುಷ್ಕರ ಆರಂಭಿಸಿದ್ದರಿಂದ ಸೋಮವಾರ ನಾಲ್ಕು ವಿಮಾನಗಳ ಸಂಚಾರವನ್ನು ರದ್ದುಪಡಿಸಲಾಗಿದೆ.



ಮುಷ್ಕರದಿಂದಾಗಿ ಬೆಳಿಗ್ಗೆಯಿಂದಲೇ ವಿಮಾನ ಸಂಚಾರ ಸ್ಥಗಿತಗೊಳಿಸಲಾಯಿತು ಎಂದು ವಿಮಾನ ನಿಲ್ದಾಣದ ಮೂಲಗಳು ತಿಳಿಸಿವೆ. ಮುಂಬೈ-ಚೆನ್ನೈ, ಮುಂಬೈ-ಮಂಗಳೂರು ಮತ್ತು ಮುಂಬೈ ಖಜುರಾಹೊ ಮಾರ್ಗಗಳ ನಡುವಿನ ವಿಮಾನ ಸಂಚಾರ ರದ್ದುಪಡಿಸಲಾಗಿದೆ.



ನಷ್ಟದಲ್ಲಿರುವ ಕಂಪೆನಿಯು ಕಳೆದ ಐದು ತಿಂಗಳಿಂದ ವೇತನ ಪಾವತಿಸಿಲ್ಲ ಎಂದು ಅಸಮಾಧಾನಗೊಂಡಿರುವ ಪೈಲಟ್‌ಗಳು ಮುಷ್ಕರ ಆರಂಭಿಸಿದ್ದು, ವಿಮಾನದ ಕ್ಯಾಪ್ಟನ್ ಸೇರಿದಂತೆ 200 ಪೈಲಟ್‌ಗಳು ಭಾನುವಾರದಿಂದ ಮುಷ್ಕರ ಆರಂಭಿಸಿದ್ದಾರೆ.



`ಕಂಪೆನಿ ಸಿಬ್ಬಂದಿ ವರ್ಗದವರಿಗೆ ಮತ್ತೆ ಸಂಬಳ ನೀಡಲು ವಿಫಲವಾಗಿದೆ. ಈ ಬಗ್ಗೆ ಕಂಪೆನಿ ಅಧ್ಯಕ್ಷ ವಿಜಯ ಮಲ್ಯ ಅವರೊಂದಿಗೆ ಸಿಬ್ಬಂದಿ ವರ್ಗದವರು ಮಾತುಕತೆ ನಡೆಸಿದರಾದರೂ ಅದು ಫಲಪ್ರದವಾಗಲಿಲ್ಲ. ವೇತನ ಪಾವತಿಸುವ ಬಗ್ಗೆ ಅವರು ಬದ್ಧತೆ ತೋರಲಿಲ್ಲ. ಆದ್ದರಿಂದ ಪೈಲಟ್‌ಗಳು ಮುಷ್ಕರ ನಡೆಸಲು ನಿರ್ಧರಿಸಿದರು~ ಎಂದು ಮೂಲಗಳು ತಿಳಿಸಿವೆ.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.