<p><strong>ಮೇಲುಕೋಟೆ:</strong> ಕೋತಿಗಳ ಕಾಟದಿಂದಾಗಿ ಮೇಲುಕೋಟೆಯ ಜನರ ನೆಮ್ಮದಿ ಕಾಣೆಯಾಗಿದೆ. ನೂರಾರು ಸಂಖ್ಯೆಯಲ್ಲಿರುವ ಕೋತಿಗಳು ನಿತ್ಯ ಸಾರ್ವಜನಿಕರನ್ನು ಕಾಡುತ್ತಿವೆ.<br /> <br /> ಮನೆಯ ಮೇಲೆ ದಾಳಿಯಿಡುವ ಕೋತಿಗಳ ಹಿಂಡು ಕೈಗೆ ಸಿಕ್ಕ ವಸ್ತುಗಳನ್ನು ಹೊತ್ತೊಯ್ಯುತ್ತವೆ. ಒಣಗಲು ಹಾಕಿದ ಬಟ್ಟೆಗಳನ್ನು ಹರಿದುಹಾಕುತ್ತವೆ. ವಿದ್ಯುತ್, ದೂರವಾಣಿ ತಂತಿ, ಡಿಷ್ ಆಂಟೆನಾ, ಸೋಲಾರ್ ಉಪಕರಣಗಳ ಮೇಲೆ ಕುಣಿದಾಡುವ ಕೋತಿಗಳು ಎಲ್ಲವನ್ನೂ ಹಾಳುಮಾಡುತ್ತಿವೆ.<br /> <br /> ಮನೆಯ ಕಿಟಕಿಗಳ ಸಂದಿಯಿಂದ ಒಳನುಗ್ಗುವ ಕೋತಿಗಳು ಸಾಮಾನುಗಳನ್ನು ತೆಗೆದುಕೊಂಡು ಕ್ಷಣಮಾತ್ರದಲ್ಲಿ ಪರಾರಿಯಾಗುತ್ತವೆ. ಹಂಚಿನ ಮನೆಗಳದ್ದವರ ಪರಿಸ್ಥಿತಿ ಇನ್ನೂ ಗಂಭೀರವಾಗಿದೆ. ಹಂಚಿನ ಮೇಲೆ ಕುಣಿದಾಡುವುದರಿಂದ ಹಂಚುಗಳು ಒಡೆದು ಹೋಗುತ್ತವೆ. ಒಂದೆರಡು ಹಂಚುಗಳನ್ನು ಬದಲಾಯಿಸಬೇಕಾದ ಪಡಬೇಕಾದ ಪಾಡು ಅಷ್ಟಿಷ್ಟಲ್ಲ.<br /> <br /> ಬೆಳೆ ನಾಶ: ಮೇಲುಕೋಟೆ ಹೊರವಲಯದ ತೋಟಗಳ ಮೇಲೆಯೂ ದಾಳಿಯಿಡುವ ಕೋತಿಗಳು ಬೆಳೆಯನ್ನೆಲ್ಲಾ ಹಾಳು ಮಾಡುತ್ತವೆ.<br /> ತೆಂಗಿನ ತೋಟಗಳಲ್ಲಿ ಮರದಲ್ಲಿ ಒಂದೂ ಕಾಯಿಯನ್ನೂ ಉಳಿಸುವುದಿಲ್ಲ. ಇದರಿಂದ ರೈತರು ಕಂಗಾಲಾಗಿದ್ದಾರೆ.<br /> ಮೇಲುಕೋಟೆಯ ದೇವಸ್ಥಾನಕ್ಕೆ ಆಗಮಿಸುವ ಭಕ್ತರ ಕೈಯಲ್ಲಿರುವ ಚೀಲ, ಪ್ರಸಾದವನ್ನೂ ಕಿತ್ತು ಕೊಂಡು ಹೋಗುತ್ತವೆ. ಇದರಿಂದ ಭಕ್ತರೂ ಭಯದ ನೆರಳಿನಲ್ಲಿಯೇ ತಿರುಗಾಡಬೇಕಾದ ಸ್ಥಿತಿ ಇದೆ.<br /> <br /> ಮೇಲುಕೋಟೆಯಲ್ಲಿ ಕೋತಿಗಳ ಹಾವಳಿ ಹೆಚ್ಚಾಗಿದ್ದರೂ, ಅರಣ್ಯಾಧಿಕಾರಿಗಳು, ಜನಪ್ರತಿನಿಧಿಗಳು ಯಾವುದೇ ಕ್ರಮಕ್ಕೆ ಮುಂದಾಗಿಲ್ಲ. ಅವುಗಳ ನಿಯಂತ್ರಣಕ್ಕೆ ತುರ್ತಾಗಿ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸುತ್ತಾರೆ ಜಿ.ರಮೇಶ್.<br /> <br /> ಕೋತಿಗಳ ಕಾಟದಿಂದ ಮುಕ್ತಿಗೊಳಿಸಲು ಯಾವುದೇ ಕ್ರಮವನ್ನು ಸಂಬಂಧಿಸಿದವರು ಕೈಗೊಳ್ಳದಿದ್ದರೆ, ಮೇಲುಕೋಟೆ ಬಂದ್ ಮಾಡಬೇಕಾಗುತ್ತದೆ ಎಂದು ಎಚ್ಚರಿಸುತ್ತಾರೆ ಚಲುವೇಗೌಡ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೇಲುಕೋಟೆ:</strong> ಕೋತಿಗಳ ಕಾಟದಿಂದಾಗಿ ಮೇಲುಕೋಟೆಯ ಜನರ ನೆಮ್ಮದಿ ಕಾಣೆಯಾಗಿದೆ. ನೂರಾರು ಸಂಖ್ಯೆಯಲ್ಲಿರುವ ಕೋತಿಗಳು ನಿತ್ಯ ಸಾರ್ವಜನಿಕರನ್ನು ಕಾಡುತ್ತಿವೆ.<br /> <br /> ಮನೆಯ ಮೇಲೆ ದಾಳಿಯಿಡುವ ಕೋತಿಗಳ ಹಿಂಡು ಕೈಗೆ ಸಿಕ್ಕ ವಸ್ತುಗಳನ್ನು ಹೊತ್ತೊಯ್ಯುತ್ತವೆ. ಒಣಗಲು ಹಾಕಿದ ಬಟ್ಟೆಗಳನ್ನು ಹರಿದುಹಾಕುತ್ತವೆ. ವಿದ್ಯುತ್, ದೂರವಾಣಿ ತಂತಿ, ಡಿಷ್ ಆಂಟೆನಾ, ಸೋಲಾರ್ ಉಪಕರಣಗಳ ಮೇಲೆ ಕುಣಿದಾಡುವ ಕೋತಿಗಳು ಎಲ್ಲವನ್ನೂ ಹಾಳುಮಾಡುತ್ತಿವೆ.<br /> <br /> ಮನೆಯ ಕಿಟಕಿಗಳ ಸಂದಿಯಿಂದ ಒಳನುಗ್ಗುವ ಕೋತಿಗಳು ಸಾಮಾನುಗಳನ್ನು ತೆಗೆದುಕೊಂಡು ಕ್ಷಣಮಾತ್ರದಲ್ಲಿ ಪರಾರಿಯಾಗುತ್ತವೆ. ಹಂಚಿನ ಮನೆಗಳದ್ದವರ ಪರಿಸ್ಥಿತಿ ಇನ್ನೂ ಗಂಭೀರವಾಗಿದೆ. ಹಂಚಿನ ಮೇಲೆ ಕುಣಿದಾಡುವುದರಿಂದ ಹಂಚುಗಳು ಒಡೆದು ಹೋಗುತ್ತವೆ. ಒಂದೆರಡು ಹಂಚುಗಳನ್ನು ಬದಲಾಯಿಸಬೇಕಾದ ಪಡಬೇಕಾದ ಪಾಡು ಅಷ್ಟಿಷ್ಟಲ್ಲ.<br /> <br /> ಬೆಳೆ ನಾಶ: ಮೇಲುಕೋಟೆ ಹೊರವಲಯದ ತೋಟಗಳ ಮೇಲೆಯೂ ದಾಳಿಯಿಡುವ ಕೋತಿಗಳು ಬೆಳೆಯನ್ನೆಲ್ಲಾ ಹಾಳು ಮಾಡುತ್ತವೆ.<br /> ತೆಂಗಿನ ತೋಟಗಳಲ್ಲಿ ಮರದಲ್ಲಿ ಒಂದೂ ಕಾಯಿಯನ್ನೂ ಉಳಿಸುವುದಿಲ್ಲ. ಇದರಿಂದ ರೈತರು ಕಂಗಾಲಾಗಿದ್ದಾರೆ.<br /> ಮೇಲುಕೋಟೆಯ ದೇವಸ್ಥಾನಕ್ಕೆ ಆಗಮಿಸುವ ಭಕ್ತರ ಕೈಯಲ್ಲಿರುವ ಚೀಲ, ಪ್ರಸಾದವನ್ನೂ ಕಿತ್ತು ಕೊಂಡು ಹೋಗುತ್ತವೆ. ಇದರಿಂದ ಭಕ್ತರೂ ಭಯದ ನೆರಳಿನಲ್ಲಿಯೇ ತಿರುಗಾಡಬೇಕಾದ ಸ್ಥಿತಿ ಇದೆ.<br /> <br /> ಮೇಲುಕೋಟೆಯಲ್ಲಿ ಕೋತಿಗಳ ಹಾವಳಿ ಹೆಚ್ಚಾಗಿದ್ದರೂ, ಅರಣ್ಯಾಧಿಕಾರಿಗಳು, ಜನಪ್ರತಿನಿಧಿಗಳು ಯಾವುದೇ ಕ್ರಮಕ್ಕೆ ಮುಂದಾಗಿಲ್ಲ. ಅವುಗಳ ನಿಯಂತ್ರಣಕ್ಕೆ ತುರ್ತಾಗಿ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸುತ್ತಾರೆ ಜಿ.ರಮೇಶ್.<br /> <br /> ಕೋತಿಗಳ ಕಾಟದಿಂದ ಮುಕ್ತಿಗೊಳಿಸಲು ಯಾವುದೇ ಕ್ರಮವನ್ನು ಸಂಬಂಧಿಸಿದವರು ಕೈಗೊಳ್ಳದಿದ್ದರೆ, ಮೇಲುಕೋಟೆ ಬಂದ್ ಮಾಡಬೇಕಾಗುತ್ತದೆ ಎಂದು ಎಚ್ಚರಿಸುತ್ತಾರೆ ಚಲುವೇಗೌಡ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
