<p>ಇವನ ನೋಟದಲ್ಲಿ ಎಂಥ ಪ್ರಖರತೆ<br /> ತನ್ಮಯ ಭಾವವೇ ತುಂಬಿಹುದು<br /> ಮುಂದೆ ಬರುತ್ತಿರುವ ಚೆಂಡನು ಬಿಟ್ಟು<br /> ಮಿಕ್ಕ ಎಲ್ಲವನೂ ತೊರೆದಿಹುದು!!<br /> (ದಿ ವಾಲ್... ರಾಹುಲ್ ದ್ರಾವಿಡ್ ಬಗ್ಗೆ...)<br /> ***<br /> ಸೂಜಿ ಬಿದ್ದರೂ ಕೆಳಗೆ, ಶಬ್ದವು ಕೇಳಿದೆಯಲ್ಲ<br /> ಸಾವಿರ ಸಾವಿರ ಮಂದಿ, ಏತಕೊ ಕಾದಿಹರಲ್ಲ<br /> ಆ ಚೆಂದದ ದೃಶ್ಯವನ್ನೊಮ್ಮೆ, ನೆನೆಯಲು ನಿಮಗೂ ಕಾತರ<br /> ಆ ದೃಶ್ಯದ ವಿವರಣೆಯನ್ನು ಹೇಳಲು ನನಗೂ ಆತುರ!!<br /> (ದಿ ಜಂಟಲ್ ಮ್ಯಾನ್ -ಜಿ.ಆರ್.ವಿಶ್ವನಾಥ್ ಬಗ್ಗೆ)<br /> ***<br /> ಹಿಡಿದ ಕೆಲಸವನು ನಾವು, ಕುಂಬ್ಳೆಯಂತೆ ಮಾಡಿದರೆ<br /> ಕೆಲಸಕ್ಕಿಲ್ಲ ತೊಡಕು<br /> ಬದುಕಿಗಿಲ್ಲ ಒಡಕು!!<br /> ನೋಡಿರಿವನ ಚಿತ್ತ<br /> ಅದುವೇ ಸಿದ್ಧತೆಯ ಹುತ್ತ<br /> ಆಡುವಾಗ ಇವನೊಲವು<br /> ಅದುವೇ ಬದ್ಧತೆಯ ಚೆಲುವು!!<br /> (ಜಂಬೋ ಖ್ಯಾತಿಯ ಅನಿಲ್ ಕುಂಬ್ಳೆ ಬಗ್ಗೆ)<br /> ***<br /> ಹೆಜ್ಜೆಯೊಂದೊಂದೆ ಇಟ್ಟು<br /> ಬಾನಲ್ಲಿ ತೇಲಿ ಬಂದ<br /> ಎಲ್ಲರೆದೆಯ ಬೆಳಗುತಾ<br /> ಬೆಳದಿಂಗಳನ್ನೇ ತಂದ ಈ ಚಂದ್ರ!!<br /> (ಬಿ.ಎಸ್.ಚಂದ್ರಶೇಖರ್ ಬಗ್ಗೆ...)<br /> ( * ಹಾಡಿನ ಕೆಲ ಸಾಲುಗಳನ್ನು ಮಾತ್ರ ಇಲ್ಲಿ ನೀಡಲಾಗಿದೆ)<br /> <br /> ಇದು ಕ್ರಿಕೆಟಿಗರೊಂದಿಗೆ ಅಭಿಮಾನಿಗಳ ಸಂಗೀತದ ಪಯಣ ಎಂದಿಟ್ಟುಕೊಳ್ಳಿ...!<br /> ಮನಗೆದ್ದ ಕನ್ನಡದ ಕ್ರಿಕೆಟಿಗರಿಗೆ ಎಂಜಿನಿಯರ್ಗಳ ತಂಡವೊಂದು ಹಾಡಿನ ಮೂಲಕ ಸಲ್ಲಿಸಿರುವ ಅಭಿನಂದನೆಯಿದು. ಕ್ರಿಕೆಟ್ ಮೇಲಿರುವ ಇವರ ಪ್ರೀತಿ ಅಕ್ಷರ ರೂಪದಲ್ಲಿ ಹರಿದಿದೆ. 40 ವರ್ಷಗಳಿಂದ ಪ್ರಮುಖವಾಗಿ ಕರ್ನಾಟಕದ ಕ್ರಿಕೆಟಿಗರ ಆಟ ನೋಡುತ್ತಾ, ಸಂಭ್ರಮಿಸುತ್ತಾ, ಮೆಚ್ಚುಗೆ ವ್ಯಕ್ತಪಡಿಸುತ್ತಾ ಬೆಳೆದ ಈ ಎಂಜಿನಿಯರ್ಗಳು ಆಟಗಾರರಿಗೆ ಅಭಿನಂದನೆ ಸಲ್ಲಿಸಲು ಈ ಪ್ರಯೋಗ ಮಾಡಿದ್ದಾರೆ. <br /> <br /> ರಾಜ್ಯದ ಒಂಬತ್ತು ಕ್ರಿಕೆಟ್ ಮುತ್ತುಗಳ ಬಗ್ಗೆ ಈ ತಂಡ ಕನ್ನಡದಲ್ಲೇ ಆಡಿಯೋ ಆಲ್ಬಂ (ಹೌಸ್ಯಾಟ್) ಹೊರತಂದಿದೆ. ವಿಶೇಷವೆಂದರೆ ಆ ಹಾಡಿನಲ್ಲಿಯೇ ಅವರ ಆಟದ ಶೈಲಿಯ ವರ್ಣನೆ ಇದೆ. ಹಾಗಾಗಿ ಆಟದೊಂದಿಗೆ ಸಂಗೀತ ಬೆರೆತಿದೆ ಎನ್ನಬಹುದು. ಹಾಡಿನ ಸಿ.ಡಿ. ಜೊತೆಗೆ ಸಾಹಿತ್ಯದ ಪುಸ್ತಕವೂ ಇದೆ. ಅದರಲ್ಲಿ ಆ ಒಂಬತ್ತು ಆಟಗಾರರ ಬಗ್ಗೆ ಮಾಹಿತಿ ಹಾಗೂ ಅವರಾಟದ ಅಂಕಿಅಂಶವಿದೆ.<br /> <br /> ‘ಈ ಪ್ರಯತ್ನ ಈ ಆಟಗಾರರ ಮೇಲಿನ ಪ್ರೀತಿಗಾಗಿ, ಅವರು ರಾಜ್ಯ ಹಾಗೂ ರಾಷ್ಟ್ರದ ಕ್ರಿಕೆಟ್ಗೆ ನೀಡಿದ ಕೊಡುಗೆಗಾಗಿ. ಬರೀ ಆಟೊಗ್ರಾಫ್ ಪಡೆಯುವುದು, ಅವರೊಂದಿಗೆ ಫೋಟೊ ತೆಗೆಸಿಕೊಳ್ಳುವುದಕ್ಕಷ್ಟೇ ನಾವು ಸೀಮಿತವಾಗಿರುತ್ತೇವೆ. ಅವರ ಸಾಧನೆಗಳನ್ನೇ ಮರೆತುಬಿಡುತ್ತೇವೆ’ ಎನ್ನುತ್ತಾರೆ ಈ ಯೋಜನೆಯ ನಿರ್ಮಾಪಕ ಹಾಗೂ ಎಂಜಿನಿಯರ್ ಎ.ಸುರೇಶ್.<br /> <br /> ಖ್ಯಾತ ಕ್ರಿಕೆಟಿಗರಾದ ಇ.ಎ.ಎಸ್. ಪ್ರಸನ್ನ, ಬಿ.ಎಸ್.ಚಂದ್ರಶೇಖರ್, ಜಿ.ಆರ್.ವಿಶ್ವನಾಥ್, ರೋಜರ್ ಬಿನ್ನಿ, ಬ್ರಿಜೇಶ್ ಪಟೇಲ್, ಸೈಯದ್ ಕಿರ್ಮಾನಿ, ಅನಿಲ್ ಕುಂಬ್ಳೆ, ಜಾವಗಲ್ ಶ್ರೀನಾಥ್ ಹಾಗೂ ರಾಹುಲ್ ದ್ರಾವಿಡ್ ಅವರಾಟ ಹಾಗೂ ವ್ಯಕ್ತಿತ್ವವನ್ನು ಹಾಡಿನ ಮೂಲಕ ಇಲ್ಲಿ ಮತ್ತೊಮ್ಮೆ ಸ್ಮರಿಸಲಾಗಿದೆ.<br /> ‘ನಾವು ಈ ಕ್ರಿಕೆಟಿಗರ ಆಟ ವೀಕ್ಷಿಸಿ ಸಂಭ್ರಮಿಸಿರುವುದು ಮಾತ್ರವಲ್ಲ, ಅವರಿಂದ ಸ್ಫೂರ್ತಿಗೊಂಡಿದ್ದೇವೆ. ನಮ್ಮ ಅದೆಷ್ಟೊ ನೋವುಗಳು ಇಲ್ಲದಂತಾಗಿವೆ. ಅವರಾಟ ನಮ್ಮ ಕೆಲಸದ ಒತ್ತಡವನ್ನೂ ಕಡಿಮೆ ಮಾಡಿದೆ’ ಎಂದು ಸುರೇಶ್ ಹೇಳುತ್ತಾರೆ. <br /> <br /> ಸಾಹಿತ್ಯ ಹಾಗೂ ನಿರೂಪಣೆ ಮಾಡಿರುವುದು ಸತ್ಯೇಶ್ ಎನ್.ಬೆಳ್ಳೂರ್. ಡಿ.ಎಸ್.ರೇಷ್ಮಾಶ್ರೀ, ನಮ್ರತಾ, ಭವ್ಯಾ ಹೆಬ್ಬಾಳೆ, ಅರ್ಚಿತ್ ನರಸಿಂಹನ್ ಹಾಡಿದ್ದಾರೆ. ಬಿ.ವಿ.ಪ್ರದೀಪ್ ಹಾಗೂ ಬಿ.ವಿ.ಪ್ರವೀಣ್ ಸಂಗೀತ ಸಂಯೋಜಿಸಿದ್ದಾರೆ. ಸೊಲೊಮನ್ ಅವರ ಸಂಗೀತ ವಾದ್ಯ ಸಂಯೋಜನೆ ಇದೆ.<br /> ‘ಚಿಕ್ಕವನಿದ್ದಾಗ ನನ್ನನ್ನು ತಂದೆ ಸೆಂಟ್ರಲ್ ಕಾಲೇಜಿನ ಮೈದಾನಕ್ಕೆ ಕರೆದುಕೊಂಡು ಹೋಗುತ್ತಿದ್ದರು. ಆಗ ಪ್ರಸನ್ನ, ಚಂದ್ರ, ವಿಶಿ ಆಟ ಸವಿಯಲು ನನಗೆ ಸಾಧ್ಯವಾಯಿತು. ಆ ಸಂದರ್ಭದಲ್ಲಿ ನನಗಾದ ಅನುಭವವನ್ನು ಇಟ್ಟುಕೊಂಡು ಹಾಡು ಬರೆದಿದ್ದೇನೆ. ಈ ಆಟಗಾರರೆಲ್ಲಾ ಕನ್ನಡವನ್ನು ಮೆರೆಸಿದ ರಾಯಭಾರಿಗಳು’ ಎನ್ನುತ್ತಾರೆ ಸತ್ಯೇಶ್.<br /> <br /> ಸಾಹಿತ್ಯದ ಪುಸ್ತಕಕ್ಕೆ ಖ್ಯಾತ ಸಂಗೀತ ನಿರ್ದೇಶಕ ಮನೋಮೂರ್ತಿ ಮುನ್ನುಡಿ ಬರೆದಿದ್ದಾರೆ. ಖ್ಯಾತ ಅಂಕಿಅಂಶ ತಜ್ಞ ಎಚ್.ಆರ್.ಗೋಪಾಲಕೃಷ್ಣ ಅಂಕಿಅಂಶ ಒದಗಿಸಿದ್ದಾರೆ. ಕ್ರಿಕೆಟಿಗರ ಕುರಿತಾದ ಇಂಥ ಸಂಗೀತದ ಸಿ.ಡಿ. ಹೊರಬಂದಿರುವುದು ಭಾರತದಲ್ಲಿ ಇದೇ ಮೊದಲು.<br /> <br /> ಕರ್ನಾಟಕದ ಮಾಜಿ ಕ್ರಿಕೆಟಿಗರ ಕುರಿತು ರಚಿಸಿರುವ ಸಂಗೀತದ ಸೀಡಿಯನ್ನು ಮಹಿಳಾ ಸೇವಾ ಸಮಾಜದಲ್ಲಿ ಶನಿವಾರ ಅನಾವರಣಗೊಳಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ಭಾರತ ತಂಡದ ಮಾಜಿ ಕ್ರಿಕೆಟಿಗ ಜಾವಗಲ್ ಶ್ರೀನಾಥ್, ಮಾಜಿ ರಣಜಿ ಆಟಗಾರ ಕೆ.ಎಸ್.ವಿಶ್ವನಾಥ್ ಹಾಗೂ ಎಸಿಟಿ ಬೆಂಗಳೂರಿನ ಮುಖ್ಯಸ್ಥ ಡಾ.ಗುರುರಾಜ ಕರ್ಜಗಿ ಇರುತ್ತಾರೆ.<br /> <br /> <strong>ಸ್ಥಳ:</strong> ಮಹಿಳಾ ಸೇವಾ ಸಮಾಜ, ನ್ಯಾಷನಲ್ ಕಾಲೇಜು ಹತ್ತಿರ, ಬಸವನಗುಡಿ. ಸಂಜೆ 5.30</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇವನ ನೋಟದಲ್ಲಿ ಎಂಥ ಪ್ರಖರತೆ<br /> ತನ್ಮಯ ಭಾವವೇ ತುಂಬಿಹುದು<br /> ಮುಂದೆ ಬರುತ್ತಿರುವ ಚೆಂಡನು ಬಿಟ್ಟು<br /> ಮಿಕ್ಕ ಎಲ್ಲವನೂ ತೊರೆದಿಹುದು!!<br /> (ದಿ ವಾಲ್... ರಾಹುಲ್ ದ್ರಾವಿಡ್ ಬಗ್ಗೆ...)<br /> ***<br /> ಸೂಜಿ ಬಿದ್ದರೂ ಕೆಳಗೆ, ಶಬ್ದವು ಕೇಳಿದೆಯಲ್ಲ<br /> ಸಾವಿರ ಸಾವಿರ ಮಂದಿ, ಏತಕೊ ಕಾದಿಹರಲ್ಲ<br /> ಆ ಚೆಂದದ ದೃಶ್ಯವನ್ನೊಮ್ಮೆ, ನೆನೆಯಲು ನಿಮಗೂ ಕಾತರ<br /> ಆ ದೃಶ್ಯದ ವಿವರಣೆಯನ್ನು ಹೇಳಲು ನನಗೂ ಆತುರ!!<br /> (ದಿ ಜಂಟಲ್ ಮ್ಯಾನ್ -ಜಿ.ಆರ್.ವಿಶ್ವನಾಥ್ ಬಗ್ಗೆ)<br /> ***<br /> ಹಿಡಿದ ಕೆಲಸವನು ನಾವು, ಕುಂಬ್ಳೆಯಂತೆ ಮಾಡಿದರೆ<br /> ಕೆಲಸಕ್ಕಿಲ್ಲ ತೊಡಕು<br /> ಬದುಕಿಗಿಲ್ಲ ಒಡಕು!!<br /> ನೋಡಿರಿವನ ಚಿತ್ತ<br /> ಅದುವೇ ಸಿದ್ಧತೆಯ ಹುತ್ತ<br /> ಆಡುವಾಗ ಇವನೊಲವು<br /> ಅದುವೇ ಬದ್ಧತೆಯ ಚೆಲುವು!!<br /> (ಜಂಬೋ ಖ್ಯಾತಿಯ ಅನಿಲ್ ಕುಂಬ್ಳೆ ಬಗ್ಗೆ)<br /> ***<br /> ಹೆಜ್ಜೆಯೊಂದೊಂದೆ ಇಟ್ಟು<br /> ಬಾನಲ್ಲಿ ತೇಲಿ ಬಂದ<br /> ಎಲ್ಲರೆದೆಯ ಬೆಳಗುತಾ<br /> ಬೆಳದಿಂಗಳನ್ನೇ ತಂದ ಈ ಚಂದ್ರ!!<br /> (ಬಿ.ಎಸ್.ಚಂದ್ರಶೇಖರ್ ಬಗ್ಗೆ...)<br /> ( * ಹಾಡಿನ ಕೆಲ ಸಾಲುಗಳನ್ನು ಮಾತ್ರ ಇಲ್ಲಿ ನೀಡಲಾಗಿದೆ)<br /> <br /> ಇದು ಕ್ರಿಕೆಟಿಗರೊಂದಿಗೆ ಅಭಿಮಾನಿಗಳ ಸಂಗೀತದ ಪಯಣ ಎಂದಿಟ್ಟುಕೊಳ್ಳಿ...!<br /> ಮನಗೆದ್ದ ಕನ್ನಡದ ಕ್ರಿಕೆಟಿಗರಿಗೆ ಎಂಜಿನಿಯರ್ಗಳ ತಂಡವೊಂದು ಹಾಡಿನ ಮೂಲಕ ಸಲ್ಲಿಸಿರುವ ಅಭಿನಂದನೆಯಿದು. ಕ್ರಿಕೆಟ್ ಮೇಲಿರುವ ಇವರ ಪ್ರೀತಿ ಅಕ್ಷರ ರೂಪದಲ್ಲಿ ಹರಿದಿದೆ. 40 ವರ್ಷಗಳಿಂದ ಪ್ರಮುಖವಾಗಿ ಕರ್ನಾಟಕದ ಕ್ರಿಕೆಟಿಗರ ಆಟ ನೋಡುತ್ತಾ, ಸಂಭ್ರಮಿಸುತ್ತಾ, ಮೆಚ್ಚುಗೆ ವ್ಯಕ್ತಪಡಿಸುತ್ತಾ ಬೆಳೆದ ಈ ಎಂಜಿನಿಯರ್ಗಳು ಆಟಗಾರರಿಗೆ ಅಭಿನಂದನೆ ಸಲ್ಲಿಸಲು ಈ ಪ್ರಯೋಗ ಮಾಡಿದ್ದಾರೆ. <br /> <br /> ರಾಜ್ಯದ ಒಂಬತ್ತು ಕ್ರಿಕೆಟ್ ಮುತ್ತುಗಳ ಬಗ್ಗೆ ಈ ತಂಡ ಕನ್ನಡದಲ್ಲೇ ಆಡಿಯೋ ಆಲ್ಬಂ (ಹೌಸ್ಯಾಟ್) ಹೊರತಂದಿದೆ. ವಿಶೇಷವೆಂದರೆ ಆ ಹಾಡಿನಲ್ಲಿಯೇ ಅವರ ಆಟದ ಶೈಲಿಯ ವರ್ಣನೆ ಇದೆ. ಹಾಗಾಗಿ ಆಟದೊಂದಿಗೆ ಸಂಗೀತ ಬೆರೆತಿದೆ ಎನ್ನಬಹುದು. ಹಾಡಿನ ಸಿ.ಡಿ. ಜೊತೆಗೆ ಸಾಹಿತ್ಯದ ಪುಸ್ತಕವೂ ಇದೆ. ಅದರಲ್ಲಿ ಆ ಒಂಬತ್ತು ಆಟಗಾರರ ಬಗ್ಗೆ ಮಾಹಿತಿ ಹಾಗೂ ಅವರಾಟದ ಅಂಕಿಅಂಶವಿದೆ.<br /> <br /> ‘ಈ ಪ್ರಯತ್ನ ಈ ಆಟಗಾರರ ಮೇಲಿನ ಪ್ರೀತಿಗಾಗಿ, ಅವರು ರಾಜ್ಯ ಹಾಗೂ ರಾಷ್ಟ್ರದ ಕ್ರಿಕೆಟ್ಗೆ ನೀಡಿದ ಕೊಡುಗೆಗಾಗಿ. ಬರೀ ಆಟೊಗ್ರಾಫ್ ಪಡೆಯುವುದು, ಅವರೊಂದಿಗೆ ಫೋಟೊ ತೆಗೆಸಿಕೊಳ್ಳುವುದಕ್ಕಷ್ಟೇ ನಾವು ಸೀಮಿತವಾಗಿರುತ್ತೇವೆ. ಅವರ ಸಾಧನೆಗಳನ್ನೇ ಮರೆತುಬಿಡುತ್ತೇವೆ’ ಎನ್ನುತ್ತಾರೆ ಈ ಯೋಜನೆಯ ನಿರ್ಮಾಪಕ ಹಾಗೂ ಎಂಜಿನಿಯರ್ ಎ.ಸುರೇಶ್.<br /> <br /> ಖ್ಯಾತ ಕ್ರಿಕೆಟಿಗರಾದ ಇ.ಎ.ಎಸ್. ಪ್ರಸನ್ನ, ಬಿ.ಎಸ್.ಚಂದ್ರಶೇಖರ್, ಜಿ.ಆರ್.ವಿಶ್ವನಾಥ್, ರೋಜರ್ ಬಿನ್ನಿ, ಬ್ರಿಜೇಶ್ ಪಟೇಲ್, ಸೈಯದ್ ಕಿರ್ಮಾನಿ, ಅನಿಲ್ ಕುಂಬ್ಳೆ, ಜಾವಗಲ್ ಶ್ರೀನಾಥ್ ಹಾಗೂ ರಾಹುಲ್ ದ್ರಾವಿಡ್ ಅವರಾಟ ಹಾಗೂ ವ್ಯಕ್ತಿತ್ವವನ್ನು ಹಾಡಿನ ಮೂಲಕ ಇಲ್ಲಿ ಮತ್ತೊಮ್ಮೆ ಸ್ಮರಿಸಲಾಗಿದೆ.<br /> ‘ನಾವು ಈ ಕ್ರಿಕೆಟಿಗರ ಆಟ ವೀಕ್ಷಿಸಿ ಸಂಭ್ರಮಿಸಿರುವುದು ಮಾತ್ರವಲ್ಲ, ಅವರಿಂದ ಸ್ಫೂರ್ತಿಗೊಂಡಿದ್ದೇವೆ. ನಮ್ಮ ಅದೆಷ್ಟೊ ನೋವುಗಳು ಇಲ್ಲದಂತಾಗಿವೆ. ಅವರಾಟ ನಮ್ಮ ಕೆಲಸದ ಒತ್ತಡವನ್ನೂ ಕಡಿಮೆ ಮಾಡಿದೆ’ ಎಂದು ಸುರೇಶ್ ಹೇಳುತ್ತಾರೆ. <br /> <br /> ಸಾಹಿತ್ಯ ಹಾಗೂ ನಿರೂಪಣೆ ಮಾಡಿರುವುದು ಸತ್ಯೇಶ್ ಎನ್.ಬೆಳ್ಳೂರ್. ಡಿ.ಎಸ್.ರೇಷ್ಮಾಶ್ರೀ, ನಮ್ರತಾ, ಭವ್ಯಾ ಹೆಬ್ಬಾಳೆ, ಅರ್ಚಿತ್ ನರಸಿಂಹನ್ ಹಾಡಿದ್ದಾರೆ. ಬಿ.ವಿ.ಪ್ರದೀಪ್ ಹಾಗೂ ಬಿ.ವಿ.ಪ್ರವೀಣ್ ಸಂಗೀತ ಸಂಯೋಜಿಸಿದ್ದಾರೆ. ಸೊಲೊಮನ್ ಅವರ ಸಂಗೀತ ವಾದ್ಯ ಸಂಯೋಜನೆ ಇದೆ.<br /> ‘ಚಿಕ್ಕವನಿದ್ದಾಗ ನನ್ನನ್ನು ತಂದೆ ಸೆಂಟ್ರಲ್ ಕಾಲೇಜಿನ ಮೈದಾನಕ್ಕೆ ಕರೆದುಕೊಂಡು ಹೋಗುತ್ತಿದ್ದರು. ಆಗ ಪ್ರಸನ್ನ, ಚಂದ್ರ, ವಿಶಿ ಆಟ ಸವಿಯಲು ನನಗೆ ಸಾಧ್ಯವಾಯಿತು. ಆ ಸಂದರ್ಭದಲ್ಲಿ ನನಗಾದ ಅನುಭವವನ್ನು ಇಟ್ಟುಕೊಂಡು ಹಾಡು ಬರೆದಿದ್ದೇನೆ. ಈ ಆಟಗಾರರೆಲ್ಲಾ ಕನ್ನಡವನ್ನು ಮೆರೆಸಿದ ರಾಯಭಾರಿಗಳು’ ಎನ್ನುತ್ತಾರೆ ಸತ್ಯೇಶ್.<br /> <br /> ಸಾಹಿತ್ಯದ ಪುಸ್ತಕಕ್ಕೆ ಖ್ಯಾತ ಸಂಗೀತ ನಿರ್ದೇಶಕ ಮನೋಮೂರ್ತಿ ಮುನ್ನುಡಿ ಬರೆದಿದ್ದಾರೆ. ಖ್ಯಾತ ಅಂಕಿಅಂಶ ತಜ್ಞ ಎಚ್.ಆರ್.ಗೋಪಾಲಕೃಷ್ಣ ಅಂಕಿಅಂಶ ಒದಗಿಸಿದ್ದಾರೆ. ಕ್ರಿಕೆಟಿಗರ ಕುರಿತಾದ ಇಂಥ ಸಂಗೀತದ ಸಿ.ಡಿ. ಹೊರಬಂದಿರುವುದು ಭಾರತದಲ್ಲಿ ಇದೇ ಮೊದಲು.<br /> <br /> ಕರ್ನಾಟಕದ ಮಾಜಿ ಕ್ರಿಕೆಟಿಗರ ಕುರಿತು ರಚಿಸಿರುವ ಸಂಗೀತದ ಸೀಡಿಯನ್ನು ಮಹಿಳಾ ಸೇವಾ ಸಮಾಜದಲ್ಲಿ ಶನಿವಾರ ಅನಾವರಣಗೊಳಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ಭಾರತ ತಂಡದ ಮಾಜಿ ಕ್ರಿಕೆಟಿಗ ಜಾವಗಲ್ ಶ್ರೀನಾಥ್, ಮಾಜಿ ರಣಜಿ ಆಟಗಾರ ಕೆ.ಎಸ್.ವಿಶ್ವನಾಥ್ ಹಾಗೂ ಎಸಿಟಿ ಬೆಂಗಳೂರಿನ ಮುಖ್ಯಸ್ಥ ಡಾ.ಗುರುರಾಜ ಕರ್ಜಗಿ ಇರುತ್ತಾರೆ.<br /> <br /> <strong>ಸ್ಥಳ:</strong> ಮಹಿಳಾ ಸೇವಾ ಸಮಾಜ, ನ್ಯಾಷನಲ್ ಕಾಲೇಜು ಹತ್ತಿರ, ಬಸವನಗುಡಿ. ಸಂಜೆ 5.30</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
