ಗಾಲ್ಫ್: ಅಗ್ರಸ್ಥಾನದಲ್ಲಿ ಖಾಲಿನ್

ಚಂಡೀಗಡ (ಐಎಎನ್‌ಎಸ್): ಎಸ್. ಚಿಕ್ಕರಂಗಪ್ಪ ಅವರನ್ನು ಹಿಂದಿಕ್ಕಿದ ಬೆಂಗಳೂರಿನ ಯುವ ಗಾಲ್ಫರ್ ಖಾಲಿನ್ ಜೋಶಿ ಇಲ್ಲಿ ನಡೆಯುತ್ತಿರುವ ಅಮೆಚೂರ್ ಗಾಲ್ಫ್ ಚಾಂಪಿಯನ್‌ಷಿಪ್‌ನ ಮೂರನೇ ಸುತ್ತಿನ ಅಂತ್ಯಕ್ಕೆ ಅಗ್ರಸ್ಥಾನ ಗಳಿಸಿದ್ದಾರೆ.



ಗುರುವಾರ ಚಂಡೀಗಡ ಗಾಲ್ಫ್ ಕ್ಲಬ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ ಎರಡು ಸ್ಟೋಕ್‌ಗಳಲ್ಲಿ ಬಳಸಿಕೊಂಡ ಜೋಶಿ ಒಟ್ಟು 66 ಪಾಯಿಂಟ್‌ಗಳನ್ನು ಕಲೆ ಹಾಕಿದರು. ಈ ಮೂಲಕ ಎರಡನೇ ಸುತ್ತಿನ ಅಂತ್ಯಕ್ಕೆ ಅಗ್ರಸ್ಥಾನದಲ್ಲಿ ಚಿಕ್ಕರಂಗಪ್ಪ (69) ಅವರನ್ನು ಹಿಂದಿಕ್ಕಿದರು.



ಉತ್ತಮ ಪ್ರದರ್ಶನ ಮುಂದುವರಿಸಿರುವ ಗಗನ್ ವರ್ಮ ಎರಡನೇ ಸುತ್ತಿನಲ್ಲಿ 71 ಪಾಯಿಂಟ್ ಗಳಿಸಿದ್ದರು. ಈಗ (70) ಗಳಿಸಿ ಮೂರನೇ ಸ್ಥಾನದಲ್ಲಿದ್ದಾರೆ. ಮೊದಲ ಎರಡು ಸ್ಥಾನಗಳಲ್ಲಿರುವ ಬೆಂಗಳೂರಿನ ಸ್ಪರ್ಧಿಗಳ ನಡುವೆ ಪ್ರಶಸ್ತಿಗಾಗಿ ಪೈಪೋಟಿ ನಡೆಯುತ್ತಿದೆ. ಮಾನವ್ ದಾಸ್ ಹಾಗೂ ತ್ರಿಶೂಲ್ ಚಿನ್ನಪ್ಪ (72 ಪಾಯಿಂಟ್) ಗಳಿಸಿ ಜಂಟಿ ನಾಲ್ಕನೇ ಸ್ಥಾನ ಗಳಿಸಿದ್ದಾರೆ.