ಗ್ರಾಮದ ಮನೆಗಳ ಪಟ್ಟಿ ನೀಡಲು ಆದೇಶ

7

ಗ್ರಾಮದ ಮನೆಗಳ ಪಟ್ಟಿ ನೀಡಲು ಆದೇಶ

Published:
Updated:

ಬೆಂಗಳೂರು: ಶಿಡ್ಲಘಟ್ಟ ತಾಲ್ಲೂಕು ಬೆಳ್ಳೂಟಿ ಗ್ರಾಮದ ಮನೆಗಳ ಪಟ್ಟಿಯನ್ನು ಅರ್ಜಿದಾರರಿಗೆ ಕೂಡಲೇ ನೀಡುವಂತೆ ರಾಜ್ಯ ಮಾಹಿತಿ ಆಯೋಗವು ಆನೂರು ಗ್ರಾಮ ಪಂಚಾಯಿತಿ ಕಾರ್ಯದರ್ಶಿ ಎಂ.ಸೋಮಶೇಖರಯ್ಯ ಅವರಿಗೆ ಆದೇಶಿಸಿದೆ.



ಎಂ.ಅಮರನಾರಾಯಣಸ್ವಾಮಿ ಎಂಬುವರು 2008ರ ನವೆಂಬರ್ 7ರಂದು ಗ್ರಾಮ ಪಂಚಾಯಿತಿ ಕಾರ್ಯದರ್ಶಿಗೆ ಅರ್ಜಿ ಸಲ್ಲಿಸಿ 1976-2000 ವರೆಗಿನ ಮನೆಗಳ ಪಟ್ಟಿಯನ್ನು ದಾಖಲೆ ಸಮೇತ ನೀಡುವಂತೆ ಕೇಳಿದ್ದರು. ಆದರೆ ಕಾರ್ಯದರ್ಶಿ ಸೂಕ್ತ ಮಾಹಿತಿಯನ್ನು ನೀಡದ ಕಾರಣ ಅರ್ಜಿದಾರರು ಕಳೆದ ಮೇ 14ರಂದು ಆಯೋಗದ ಮೊರೆ ಹೋಗಿದ್ದರು.



ಈ ಬಗ್ಗೆ ವಿಚಾರಣೆ ನಡೆಸಿದ ಮಾಹಿತಿ ಆಯೋಗದ ಆಯುಕ್ತ ಡಾ.ಎಚ್.ಎನ್.ಕೃಷ್ಣ ಅವರು ಅರ್ಜಿದಾರರಿಗೆ 30 ದಿನಗಳಲ್ಲಿ ಮಾಹಿತಿ ನೀಡುವಂತೆ ಕಳೆದ ನವೆಂಬರ್ 9ರಂದು ಆದೇಶಿಸಿದ್ದರು. ಇಷ್ಟಾದರೂ ಮಾಹಿತಿ ನೀಡದ ಕಾರಣ ಅರ್ಜಿದಾರರು ಆಕ್ಷೇಪಣೆ ವ್ಯಕ್ತಪಡಿಸಿ ಈ ವರ್ಷದ ಜ. 12ರಂದು ಮತ್ತೆ ಆಯೋಗಕ್ಕೆ ದೂರು ಸಲ್ಲಿಸಿದ್ದರು.



ಇದನ್ನು ಸ್ಪೀಕರಿಸಿದ ಆಯೋಗವು ಅರ್ಜಿದಾರರಿಗೆ ದಾಖಲಾತಿಗಳನ್ನು ಒದಗಿಸಿ, ಆಯೋಗ ನೀಡಿದ ಆದೇಶವನ್ನು ಪಾಲಿಸಿದ ಬಗ್ಗೆ ಕೂಡಲೇ ವರದಿ ನೀಡುವಂತೆ ಜ.21ರಂದು ಮಾಹಿತಿ ಆಯೋಗದ ಅಧೀನ ಕಾರ್ಯದರ್ಶಿ ಆದೇಶಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry