ಚಿಗುರು: ಸಾಧಕರಿಗೆ ಸನ್ಮಾನ

ನೆಲಮಂಗಲ:  ಚನ್ನಾದೇವಿ ಅಗ್ರಹಾರ ಗ್ರಾಮದ ಚಿಗುರು ಸ್ವಸಸಹಾಯ ಸಂಘದ 7ನೇ ವಾರ್ಷಿಕೋತ್ಸವದ ಪ್ರಯುಕ್ತ ಕೃಷಿ ಮತ್ತು ರಂಗಭೂಮಿಯ ಸಾಧಕರಿಗೆ, ಗ್ರಾಮದ ಹಿರಿಯರಿಗೆ, ಪ್ರೌಢಶಾಲೆಯ ಪ್ರತಿಭಾವಂತರಿಗೆ ಸನ್ಮಾನ ಮಂಗಳವಾರ ನಡೆಯಿತು.



ಜನಪದ ವಿದ್ವಾಂಸ ಡಾ.ಟಿ.ಗೋವಿಂದರಾಜು ಸನ್ಮಾನಿಸಿ, `ಗ್ರಾಮೀಣ ಭಾರತದ ಪುನರ್‌ನಿರ್ಮಾಣಕ್ಕೆ ಗ್ರಾಮಗಳು ಸಶಕ್ತವಾಗುವ ಯೋಜನೆಯನ್ನು ರೂಪಿಸುವ ಅಗತ್ಯವಿದೆ. ಚನ್ನಾದೇವಿ ಅಗ್ರಹಾರ ಗ್ರಾಮದ ಯುವಕರು ಕೃಷಿ ಮತ್ತು ಪಶುಪಾಲನೆಯತ್ತ ಮುಖ ಮಾಡಿರುವುದು ಆರೋಗ್ಯಕರ ಬೆಳವಣಿಗೆ' ಎಂದರು.



ನಗರದ ಭುವನೇಶ್ವರಿ ಲಯನ್ಸ್ ಸಂಸ್ಥೆ ಅಧ್ಯಕ್ಷೆ ಸಿ.ನರಸಿಂಹಲು ರೆಡ್ಡಿ ಪಶುಪಾಲನಾ ಸಾಧಕರನ್ನು ಸನ್ಮಾನಿಸಿದರು. ಲಯನ್ ನರಸಿಂಹಯ್ಯ ಗಿಡ ನೆಟ್ಟು ಸಭೆ ಉದ್ಘಾಟಿಸಿದರು.