ಗುರುವಾರ , ಏಪ್ರಿಲ್ 15, 2021
20 °C

ಛಟ್ ಹಬ್ಬ: ಬಿಹಾರದಲ್ಲಿ ಕಾಲ್ತುಳಿತ- 18 ಮಂದಿ ಸಾವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪಟ್ನಾ (ಐಎಎನ್‌ಎಸ್): `ಛಟ್~ ಹಬ್ಬದ ಸಂದರ್ಭದಲ್ಲಿ ನೂಕುನುಗ್ಗುಲಿನಿಂದ ತಾತ್ಕಾಲಿಕ ಸೇತುವೆ ಕುಸಿದು ಉಂಟಾದ ಕಾಲ್ತುಳಿತದಲ್ಲಿ ಮಹಿಳೆಯರು, ಮಕ್ಕಳು ಸೇರಿದಂತೆ 18 ಮಂದಿ ಸಾವನ್ನಪ್ಪಿರುವ ದಾರುಣ ಘಟನೆ ಸೋಮವಾರ ಸಂಜೆ ಇಲ್ಲಿ ಸಂಭವಿಸಿದೆ.



ಅದಾಲತ್‌ಗಂಜ್‌ನ ಗಂಗಾ ನದಿಯ ಸ್ನಾನ ಘಟ್ಟದಲ್ಲಿ ಸಂಜೆ ಸೂರ್ಯಾಸ್ತದ ಸಮಯದಲ್ಲಿ `ಛಟ್~ (ಸೂರ್ಯನ ಆರಾಧನೆ) ವ್ರತದ ಪೂಜೆ ಮುಗಿಸಿಕೊಂಡು ಜನರು ಬರುತ್ತಿದ್ದಾಗ  ಈ ದುರ್ಘಟನೆ ನಡೆಯಿತು ಎಂದು ಜಿಲ್ಲಾಡಳಿತ ಹೇಳಿದೆ. `ಬಿದಿರಿನಿಂದ ನಿರ್ಮಿಸಿದ್ದ ಸೇತುವೆಯು ಕುಸಿದು ಬಿದ್ದ ಕಾರಣ ಈ ದುರಂತ ಸಂಭವಿಸಿದೆ.

 

ಸಂಜೆ ಪೂಜೆ ಮುಗಿಸಿದ ಭಕ್ತರು ಮನೆಗೆ ತೆರಳಲು ಧಾವಂತ ಮಾಡಿದರು. ಇದರಿಂದ ಒತ್ತಡ ಹೆಚ್ಚಾಗಿ ಸೇತುವೆ ಕುಸಿಯಿತು. ಸತ್ತವರಲ್ಲಿ ಬಹುತೇಕರು ಭಕ್ತರು ಮತ್ತು ಅವರ ಕುಟುಂಬದವರು~ ಎಂದು ಪೊಲೀಸರು ತಿಳಿಸಿದ್ದಾರೆ.

ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, 18 ಶವಗಳನ್ನು ಪಟ್ನಾ ವೈದ್ಯಕೀಯ ಕಾಲೇಜಿಗೆ ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.