ಭಾನುವಾರ, ಮೇ 9, 2021
19 °C

ಜಗನ್ ವಿಚಾರಣೆ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ: ರಾಜ್ಯದ ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿ ಮತ್ತು ಅವರ ಸಂಬಂಧಿ ಬಿ. ವಿ. ಶ್ರೀನಿವಾಸ ರೆಡ್ಡಿ ಅವರ ಬಂಧನಕ್ಕೆ ಕಾರಣವಾದ ~ಓಬಳಾಪುರಂ ಮೈನಿಂಗ್ ಕಂಪೆನಿ~  ಅಕ್ರಮ ಗಣಿಗಾರಿಕೆ ಪ್ರಕರಣದಲ್ಲಿ ವೈಎಸ್‌ಆರ್ ಕಾಂಗ್ರೆಸ್ ನೇತಾರ, ಕಡಪಾ ಸಂಸದ ವೈ. ಎಸ್. ಜಗನ್‌ಮೋಹನ್‌ರೆಡ್ಡಿ ಅವರನ್ನು ಸಿಬಿಐ ವಿಚಾರಣೆಗೆ ಒಳಪಡಿಸುವ ಸಂಭವವಿದೆ.



ಆಂಧ್ರ ಕಾಂಗ್ರೆಸ್‌ಗೆ ಬಿಸಿ ತುಪ್ಪವಾಗಿರುವ ಜಗನ್‌ಮೋಹನ್ ರೆಡ್ಡಿ ಸಂಪತ್ತು ಹಾಗೂ ವಿವಿಧ ಕಂಪೆನಿಗಳ ಹೂಡಿಕೆ ಕುರಿತು ಈಗಾಗಲೇ ತನಿಖೆ ಆರಂಭಿಸಿರುವ ಸಿಬಿಐ, ವೈಎಸ್‌ಆರ್ ಕುಟುಂಬದ ಆತ್ಮೀಯರಾದ ಬಳ್ಳಾರಿ ರೆಡ್ಡಿ ಸಹೋದರರ ಒಡೆತನದ ಒಎಂಸಿ ಗಣಿ ಕಂಪೆನಿಯ ಅಕ್ರಮ ಗಣಿಗಾರಿಕೆ ಕುರಿತು ತನಿಖೆ ಕೈಗೊಂಡಿದೆ.



ಬಂಧಿತ ಜನಾರ್ದನರೆಡ್ಡಿ ವ್ಯವಹಾರದಲ್ಲಿ ಜಗನ್ ಪಾತ್ರವಿದೆಯೇ ಅಥವಾ ಜಗನ್ ವ್ಯವಹಾರದಲ್ಲಿ ರೆಡ್ಡಿ ಪಾಲಿದೆಯೇ ಎಂಬ ಕುರಿತು ಸಿಬಿಐ ಅಧಿಕಾರಿಗಳು ಪರಿಶೀಲನೆ ನಡೆಸುತ್ತಿದ್ದಾರೆ. ಇವರಿಬ್ಬರ ನಡುವೆ ವ್ಯಾವಹಾರಿಕ ಸಂಬಂಧ ಕಂಡುಬಂದರೆ ಜಗನ್ ಅವರನ್ನು ವಿಚಾರಣೆಗೆ ಒಳಪಡಿಸಲಾಗುವುದು ಎಂದು ಸಿಬಿಐ ಮೂಲಗಳು ಸ್ಪಷ್ಟಪಡಿಸಿವೆ.



ರೆಡ್ಡಿ ಮತ್ತು ಜಗನ್ ಅವರದ್ದು ಪ್ರತ್ಯೇಕ ಪ್ರಕರಣ. ಆದರೆ, ನಿಕಟವಾದ ಸ್ನೇಹ ಸಂಬಂಧವಿದೆ. ಈ ಸಂಬಂಧ ವ್ಯವಹಾರದಲ್ಲೂ ಮುಂದುವರಿದಿದೆಯೇ ಎಂಬ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತದೆ. ಪರಸ್ಪರರ ವ್ಯವಹಾರದಲ್ಲಿ ಸಂಪರ್ಕ ಕಂಡು ಬಂದರೆ ಜಗನ್ ಅವರನ್ನು ವಿಚಾರಣೆ ನಡೆಸಲಾಗುವುದು ಎಂದು ಮೂಲಗಳು ಹೇಳಿವೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.