<p><strong>ಬದಿಯಡ್ಕ: </strong>`ಕಯ್ಯಾರ ಕಿಞ್ಞಣ್ಣ ರೈ ಅವರು ವಿವಿಧ ಕ್ಷೇತ್ರದಲ್ಲಿ ಅದ್ವಿತೀಯ ಸಾಧನೆ ಮಾಡಿದವರು. ಅವರ ಸಾಧನೆಗಳಲ್ಲಿ ಕೂಡ ಪರಿಪೂರ್ಣ ಅರ್ಪಣಾ ಭಾವ ಇದೆ. ಶ್ರೀಸಾಮಾನ್ಯರೊಂದಿಗೆ ಬೆರೆತು ಸಂತಸ ಪಡುವ ದೊಡ್ಡತನ ಅವರಲ್ಲಿದೆ~ ಎಂದು ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷ ಹರಿಕೃಷ್ಣ ಪುನರೂರು ಹೇಳಿದರು. <br /> <br /> ಬದಿಯಡ್ಕದ ಕಯ್ಯಾರ ನಿವಾಸದಲ್ಲಿ ಕಾಸರಗೋಡಿನ ಕರಾವಳಿ ಸಾಂಸ್ಕೃತಿಕ ಪ್ರತಿಷ್ಠಾನ ಹಾಗೂ ಕಯ್ಯಾರ ಕಿಞ್ಞಣ್ಣ ರೈ ಅಭಿನಂದನಾ ಸಮಿತಿ ಆಶ್ರಯದಲ್ಲಿ ಶುಕ್ರವಾರ ಸಂಜೆ ನಡೆದ ಕಯ್ಯಾರರ 98ನೇ ಹುಟ್ಟು ಹಬ್ಬದ ಸಂಭ್ರಮ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. <br /> <br /> ಹಿರಿಯ ಪತ್ರಕರ್ತ ವಿ.ಟಿ.ರಾಜಶೇಖರ್ ಮಾತನಾಡಿ, `ಕನ್ನಡ ಸಾಹಿತ್ಯದಲ್ಲಿ ಕವಿ ಕಯ್ಯಾರರಿಗೆ ಸೂಕ್ತ ಸ್ಥಾನಮಾನ ಇನ್ನೂ ದೊರಕಿಲ್ಲ. ಅದಕ್ಕೆ ಜಾತೀವಾದ ಕಾರಣ~ ಎಂದು ಅಭಿಪ್ರಾಯಪಟ್ಟರು. ಬದಿಯಡ್ಕ ಗ್ರಾ.ಪಂ. ಮಾಜಿ ಅಧ್ಯಕ್ಷ ಮಾಹಿನ್ ಕೇಳೋತ್ ಮಾತನಾಡಿ, `ಕನ್ನಡ ಭಾಷಾ ರಕ್ಷಣೆಯ ದೀಕ್ಷೆಯನ್ನು ಗಡಿನಾಡಿನ ಕನ್ನಡಿಗರಲ್ಲಿ ರಕ್ತಗತಗೊಳಿಸಿದವರು ಕಯ್ಯಾರರು. ಸಪ್ತಭಾಷಾ ಸಂಗಮ ಭೂಮಿಯಾದ ಈ ಪ್ರದೇಶದ ಶೈಕ್ಷಣಿಕ ಪ್ರಗತಿಯಲ್ಲಿ ಕಯ್ಯಾರರ ಸಾಧನೆ ಅನನ್ಯ~ ಎಂದು ಹೇಳಿದರು. <br /> <br /> ಕ್ಯಾಂಪ್ಕೊ ಉಪಾಧ್ಯಕ್ಷ ಕೋಳಾರು ಸತೀಶ್ಚಂದ್ರ ಭಂಡಾರಿ, ಸಾಮಾಜಿಕ ಮುಖಂಡ ಮಧುಕರ ರೈ ಕೊರೆಕ್ಕಾನ, ವಾಮನ ನಂದಾವರ, ದುರ್ಗಾಪ್ರಸಾದ್ ರೈ ಇದ್ದರು. ಅಬೂಬಕ್ಕರ್ ಆರ್ಲಪದವು ನಿರ್ಣಯಗಳನ್ನು ಮಂಡಿಸಿದರು. <br /> ಇದೇ ಸಂದರ್ಭದಲ್ಲಿ ರಾಧಾಕೃಷ್ಣ ಉಳಿಯತ್ತಡ್ಕ ಸಂಪಾದಿಸಿದ `ಕಯ್ಯಾರ ಗದ್ಯ ಸೌರಭ~ ಡಾ.ಸದಾನಂದ ಪೆರ್ಲ ಅವರ `ಕಾಸರಗೋಡಿನ ಕನ್ನಡ ಹೋರಾಟ~ ಹಾಗೂ ಡಾ.ನರೇಂದ್ರ ರೈ ಅವರ `ಐಕ್ಯಗಾನದ ಕಯ್ಯಾರ ಕಿಞ್ಞಣ್ಣ ರೈ~ ಕೃತಿಗಳನ್ನು ಕಯ್ಯಾರರಿಗೆ ಸಮರ್ಪಿಸಲಾಯಿತು. <br /> <br /> ಗಾಯಕರಾದ ರತ್ನಾಕರ ಓಡಂಗಲ್ಲು ಹಾಗೂ ಸಾವಿತ್ರಿ ಕೆ.ಭಟ್ ಏತಡ್ಕ ಅವರಿಂದ ಕಯ್ಯಾರರ ಗೀತೆಗಳ ಗಾಯನ ನಡೆಯಿತು. <br /> <br /> ಶಿವರಾಮ ಕಾಸರಗೋಡು ಸ್ವಾಗತಿಸಿದರು. ಭುವನಪ್ರಸಾದ್ ಹೆಗ್ಡೆ ಮಣಿಪಾಲ ವಂದಿಸಿ ದರು. ಪುತ್ತೂರು ಚಿದಾನಂದ ಕಾಮತ್ ನಿರ್ವಹಿಸಿದರು. ಈ ಸಂದರ್ಭದಲ್ಲಿ ಕ್ಯಾಂಪ್ಕೊ ಸಹಿತ ವಿವಿಧ ಸಂಘ-ಸಂಸ್ಥೆಗಳ ವತಿಯಿಂದ ಕಯ್ಯಾರರಿಗೆ ಅಭಿನಂದನೆ ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬದಿಯಡ್ಕ: </strong>`ಕಯ್ಯಾರ ಕಿಞ್ಞಣ್ಣ ರೈ ಅವರು ವಿವಿಧ ಕ್ಷೇತ್ರದಲ್ಲಿ ಅದ್ವಿತೀಯ ಸಾಧನೆ ಮಾಡಿದವರು. ಅವರ ಸಾಧನೆಗಳಲ್ಲಿ ಕೂಡ ಪರಿಪೂರ್ಣ ಅರ್ಪಣಾ ಭಾವ ಇದೆ. ಶ್ರೀಸಾಮಾನ್ಯರೊಂದಿಗೆ ಬೆರೆತು ಸಂತಸ ಪಡುವ ದೊಡ್ಡತನ ಅವರಲ್ಲಿದೆ~ ಎಂದು ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷ ಹರಿಕೃಷ್ಣ ಪುನರೂರು ಹೇಳಿದರು. <br /> <br /> ಬದಿಯಡ್ಕದ ಕಯ್ಯಾರ ನಿವಾಸದಲ್ಲಿ ಕಾಸರಗೋಡಿನ ಕರಾವಳಿ ಸಾಂಸ್ಕೃತಿಕ ಪ್ರತಿಷ್ಠಾನ ಹಾಗೂ ಕಯ್ಯಾರ ಕಿಞ್ಞಣ್ಣ ರೈ ಅಭಿನಂದನಾ ಸಮಿತಿ ಆಶ್ರಯದಲ್ಲಿ ಶುಕ್ರವಾರ ಸಂಜೆ ನಡೆದ ಕಯ್ಯಾರರ 98ನೇ ಹುಟ್ಟು ಹಬ್ಬದ ಸಂಭ್ರಮ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. <br /> <br /> ಹಿರಿಯ ಪತ್ರಕರ್ತ ವಿ.ಟಿ.ರಾಜಶೇಖರ್ ಮಾತನಾಡಿ, `ಕನ್ನಡ ಸಾಹಿತ್ಯದಲ್ಲಿ ಕವಿ ಕಯ್ಯಾರರಿಗೆ ಸೂಕ್ತ ಸ್ಥಾನಮಾನ ಇನ್ನೂ ದೊರಕಿಲ್ಲ. ಅದಕ್ಕೆ ಜಾತೀವಾದ ಕಾರಣ~ ಎಂದು ಅಭಿಪ್ರಾಯಪಟ್ಟರು. ಬದಿಯಡ್ಕ ಗ್ರಾ.ಪಂ. ಮಾಜಿ ಅಧ್ಯಕ್ಷ ಮಾಹಿನ್ ಕೇಳೋತ್ ಮಾತನಾಡಿ, `ಕನ್ನಡ ಭಾಷಾ ರಕ್ಷಣೆಯ ದೀಕ್ಷೆಯನ್ನು ಗಡಿನಾಡಿನ ಕನ್ನಡಿಗರಲ್ಲಿ ರಕ್ತಗತಗೊಳಿಸಿದವರು ಕಯ್ಯಾರರು. ಸಪ್ತಭಾಷಾ ಸಂಗಮ ಭೂಮಿಯಾದ ಈ ಪ್ರದೇಶದ ಶೈಕ್ಷಣಿಕ ಪ್ರಗತಿಯಲ್ಲಿ ಕಯ್ಯಾರರ ಸಾಧನೆ ಅನನ್ಯ~ ಎಂದು ಹೇಳಿದರು. <br /> <br /> ಕ್ಯಾಂಪ್ಕೊ ಉಪಾಧ್ಯಕ್ಷ ಕೋಳಾರು ಸತೀಶ್ಚಂದ್ರ ಭಂಡಾರಿ, ಸಾಮಾಜಿಕ ಮುಖಂಡ ಮಧುಕರ ರೈ ಕೊರೆಕ್ಕಾನ, ವಾಮನ ನಂದಾವರ, ದುರ್ಗಾಪ್ರಸಾದ್ ರೈ ಇದ್ದರು. ಅಬೂಬಕ್ಕರ್ ಆರ್ಲಪದವು ನಿರ್ಣಯಗಳನ್ನು ಮಂಡಿಸಿದರು. <br /> ಇದೇ ಸಂದರ್ಭದಲ್ಲಿ ರಾಧಾಕೃಷ್ಣ ಉಳಿಯತ್ತಡ್ಕ ಸಂಪಾದಿಸಿದ `ಕಯ್ಯಾರ ಗದ್ಯ ಸೌರಭ~ ಡಾ.ಸದಾನಂದ ಪೆರ್ಲ ಅವರ `ಕಾಸರಗೋಡಿನ ಕನ್ನಡ ಹೋರಾಟ~ ಹಾಗೂ ಡಾ.ನರೇಂದ್ರ ರೈ ಅವರ `ಐಕ್ಯಗಾನದ ಕಯ್ಯಾರ ಕಿಞ್ಞಣ್ಣ ರೈ~ ಕೃತಿಗಳನ್ನು ಕಯ್ಯಾರರಿಗೆ ಸಮರ್ಪಿಸಲಾಯಿತು. <br /> <br /> ಗಾಯಕರಾದ ರತ್ನಾಕರ ಓಡಂಗಲ್ಲು ಹಾಗೂ ಸಾವಿತ್ರಿ ಕೆ.ಭಟ್ ಏತಡ್ಕ ಅವರಿಂದ ಕಯ್ಯಾರರ ಗೀತೆಗಳ ಗಾಯನ ನಡೆಯಿತು. <br /> <br /> ಶಿವರಾಮ ಕಾಸರಗೋಡು ಸ್ವಾಗತಿಸಿದರು. ಭುವನಪ್ರಸಾದ್ ಹೆಗ್ಡೆ ಮಣಿಪಾಲ ವಂದಿಸಿ ದರು. ಪುತ್ತೂರು ಚಿದಾನಂದ ಕಾಮತ್ ನಿರ್ವಹಿಸಿದರು. ಈ ಸಂದರ್ಭದಲ್ಲಿ ಕ್ಯಾಂಪ್ಕೊ ಸಹಿತ ವಿವಿಧ ಸಂಘ-ಸಂಸ್ಥೆಗಳ ವತಿಯಿಂದ ಕಯ್ಯಾರರಿಗೆ ಅಭಿನಂದನೆ ನಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
