ಟಿಎಲ್‌ಸಿ ಅಲಾಸ್ಕಾ

ಅಮೆರಿಕದ ಉತ್ತರ ತುದಿಯಲ್ಲಿರುವ ಅಲಾಸ್ಕಾ ಸದಾ ಹಿಮಾಚ್ಛಾದಿತ ಪ್ರದೇಶ. ಅಲ್ಲಿನ ಪರಿಸರ, ಪ್ರಕೃತಿ ಸೌಂದರ್ಯ, ಜನ ಜೀವನ, ವಾತಾವರಣ, ಸಂಸ್ಕೃತಿ ಹೀಗೆ ಎಲ್ಲವೂ ವಿಶಿಷ್ಟ, ವಿಸ್ಮಯಕರ.



ಅಮೆರಿಕದ ಈ ಅತ್ಯಂತ ದೊಡ್ಡ ರಾಜ್ಯದ ಗವರ್ನರ್ ಆಗಿದ್ದವರು ಸಾರಾ ಪಾಲಿನ್. ಮುಂದೆ ಅಮೆರಿಕದ ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದರೂ ಪರಾಭವ ಅನುಭವಿಸಬೇಕಾಯಿತು.



ಡಿಸ್ಕವರಿಯ ಪ್ರವಾಸಿ ಮತ್ತು ಲೈಫ್‌ಸ್ಟೈಲ್ ಚಾನೆಲ್ ಇದೇ ಸೋಮವಾರದಿಂದ 9 ವಾರ ಕಾಲ ರಾತ್ರಿ 10ಕ್ಕೆ ಸಾರಾ ಕಣ್ಣಲ್ಲಿ ಅಲಾಸ್ಕಾ ಎಂಬ ವಿಶೇಷ ಕಾರ್ಯಕ್ರಮ ಪ್ರಸಾರ ಮಾಡಲಿದೆ. ಇದರಲ್ಲಿ ಪತಿ ಟಾಡ್, ಮಕ್ಕಳಾದ ಬ್ರಿಸ್ಟಲ್, ಪೈಪರ್ ಮತ್ತು ವಿಲ್ಲೊ ಜತೆ ಸಾರಾ ಅವರ ಅಲಾಸ್ಕಾ ಯಾತ್ರೆ, ಅವಿಸ್ಮರಣೀಯ ಅನುಭವ,  ಪ್ರಕೃತಿ ಸೌಂದರ್ಯವನ್ನು ವೀಕ್ಷಿಸಬಹುದು.