<p>ದುಬೈ (ಪಿಟಿಐ/ಎಎಫ್ಪಿ): ಸೆರೆನಾ ವಿಲಿಯಮ್ಸ್ ಅವರು ದುಬೈನಲ್ಲಿ ನಡೆಯುತ್ತಿರುವ ದುಬೈ ಡ್ಯೂಟಿ ಫ್ರೀ ಟೆನಿಸ್ ಟೂರ್ನಿಯ ಸಿಂಗಲ್ಸ್ ವಿಭಾಗದಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ.<br /> <br /> ಬುಧವಾರ ನಡೆದ ಪಂದ್ಯದಲ್ಲಿ ಸೆರೆನಾ 7–6, 6–0ರಲ್ಲಿ ರಷ್ಯಾದ ಎಕ್ತಾರಿನಾ ಮಕರೋವಾ ಎದುರು ಗೆಲುವು ಸಾಧಿಸಿದ್ದಾರೆ.<br /> <br /> ಸರ್ಬಿಯಾದ ಅನಾ ಇವಾನೊವಿಕ್ 3–6, 6–3, 7–6ರಲ್ಲಿ ಜರ್ಮನಿಯ ಏಂಜಲಿಕ್ ಕೆರ್ಬರ್ ಎದುರು ಗೆದ್ದರು.<br /> <br /> ವಿಶ್ವದ ಅಗ್ರಮಾನ್ಯ ಆಟಗಾರ ಸ್ಪೇನ್ನ ರಫೆಲ್ ನಡಾಲ್ ರಿಯೊ ಡಿ ಜನೈರೊದಲ್ಲಿ ನಡೆಯುತ್ತಿರುವ ಎಟಿಪಿ ರಿಯೊ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ನಲ್ಲಿ ಶುಭಾರಂಭ ಮಾಡಿದ್ದಾರೆ.<br /> <br /> ಮೊದಲ ಸುತ್ತಿನ ಪಂದ್ಯದಲ್ಲಿ ನಡಾಲ್ 6–3, 7–5ರಲ್ಲಿ ಡೆನಿಯಲ್ ಜಿಮೆನೊ ಟ್ರಾವರ್ ಅವರನ್ನು ಸುಲಭವಾಗಿ ಮಣಿಸಿದರು.<br /> <br /> ಹೋದ ತಿಂಗಳು ನಡೆದ ಆಸ್ಟ್ರೇಲಿಯಾ ಓಪನ್ ಟೂರ್ನಿಯ ಫೈನಲ್ ಪಂದ್ಯದ ವೇಳೆ ಬೆನ್ನು ನೋವಿನಿಂದ ಬಳಲಿ ಪ್ರಶಸ್ತಿಯಿಂದ ವಂಚಿತರಾಗಿದ್ದ ಅವರು ಸುಮಾರು ಒಂದು ತಿಂಗಳ ವಿಶ್ರಾಂತಿಯ ಬಳಿಕ ಆಡಿದ ಮೊದಲ ಪಂದ್ಯ ಇದಾಗಿತ್ತು.<br /> <br /> 800ನೇ ಪಂದ್ಯವಾಡಿದ ನಡಾಲ್: ಈ ಪಂದ್ಯದಲ್ಲಿ ಪಾಲ್ಗೊಳ್ಳುವ ಮೂಲಕ ನಡಾಲ್ ತಮ್ಮ ವೃತ್ತಿ ಜೀವನದಲ್ಲಿ 800ನೇ ಪಂದ್ಯವಾಡಿದ ಹೆಗ್ಗಳಿಕೆಗೆ ಪಾತ್ರರಾದರು.<br /> <br /> ಇದರೊಂದಿಗೆ ಈ ಸಾಧನೆ ಮಾಡಿದ ವಿಶ್ವದ ಆರನೇ ಆಟಗಾರ ಎಂಬ ಗೌರವ ಅವರದ್ದಾಯಿತು. ರೋಜರ್್ ಫೆಡರರ್, ಲೇಟನ್ ಹೆವಿಟ್, ಟಾಮಿ ಹಾಸ್ ಡೇವಿಡ್ ಫೆರರ್ ಹಾಗೂ ನಿಕೊಲಾಯ್ ಡೇವಿಡೆಂಕೊ ಇದಕ್ಕೂ ಮೊದಲು ಈ ಸಾಧನೆ ಮಾಡಿದ್ದಾರೆ.<br /> <br /> ಈ ವಿಭಾಗದ ಇತರ ಪಂದ್ಯಗಳಲ್ಲಿ ಫಾಬಿಯೊ ಫಾಗಿನಿ 7–6, 0–6, 6–1ರಲ್ಲಿ ಜೂಲಿಯನ್ ರೀಸ್ಟರ್ ಅವರನ್ನೂ , ಅಲ್ಬೆರ್ಟ್ ರಾಮೊಸ್ 6–2, 6–0ರಲ್ಲಿ ಲಿಯೊನಾರ್ಡೊ ಮೇಯರ್ ಮೇಲೂ, ಟಾಮಿ ರಾಬ್ರೆಡೊ 7–6, 6–3ರಲ್ಲಿ ಪ್ಯಾಬ್ಲೊ ಕರೆನೊ ಎದುರೂ ಗೆಲುವು ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದುಬೈ (ಪಿಟಿಐ/ಎಎಫ್ಪಿ): ಸೆರೆನಾ ವಿಲಿಯಮ್ಸ್ ಅವರು ದುಬೈನಲ್ಲಿ ನಡೆಯುತ್ತಿರುವ ದುಬೈ ಡ್ಯೂಟಿ ಫ್ರೀ ಟೆನಿಸ್ ಟೂರ್ನಿಯ ಸಿಂಗಲ್ಸ್ ವಿಭಾಗದಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ.<br /> <br /> ಬುಧವಾರ ನಡೆದ ಪಂದ್ಯದಲ್ಲಿ ಸೆರೆನಾ 7–6, 6–0ರಲ್ಲಿ ರಷ್ಯಾದ ಎಕ್ತಾರಿನಾ ಮಕರೋವಾ ಎದುರು ಗೆಲುವು ಸಾಧಿಸಿದ್ದಾರೆ.<br /> <br /> ಸರ್ಬಿಯಾದ ಅನಾ ಇವಾನೊವಿಕ್ 3–6, 6–3, 7–6ರಲ್ಲಿ ಜರ್ಮನಿಯ ಏಂಜಲಿಕ್ ಕೆರ್ಬರ್ ಎದುರು ಗೆದ್ದರು.<br /> <br /> ವಿಶ್ವದ ಅಗ್ರಮಾನ್ಯ ಆಟಗಾರ ಸ್ಪೇನ್ನ ರಫೆಲ್ ನಡಾಲ್ ರಿಯೊ ಡಿ ಜನೈರೊದಲ್ಲಿ ನಡೆಯುತ್ತಿರುವ ಎಟಿಪಿ ರಿಯೊ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಸಿಂಗಲ್ಸ್ನಲ್ಲಿ ಶುಭಾರಂಭ ಮಾಡಿದ್ದಾರೆ.<br /> <br /> ಮೊದಲ ಸುತ್ತಿನ ಪಂದ್ಯದಲ್ಲಿ ನಡಾಲ್ 6–3, 7–5ರಲ್ಲಿ ಡೆನಿಯಲ್ ಜಿಮೆನೊ ಟ್ರಾವರ್ ಅವರನ್ನು ಸುಲಭವಾಗಿ ಮಣಿಸಿದರು.<br /> <br /> ಹೋದ ತಿಂಗಳು ನಡೆದ ಆಸ್ಟ್ರೇಲಿಯಾ ಓಪನ್ ಟೂರ್ನಿಯ ಫೈನಲ್ ಪಂದ್ಯದ ವೇಳೆ ಬೆನ್ನು ನೋವಿನಿಂದ ಬಳಲಿ ಪ್ರಶಸ್ತಿಯಿಂದ ವಂಚಿತರಾಗಿದ್ದ ಅವರು ಸುಮಾರು ಒಂದು ತಿಂಗಳ ವಿಶ್ರಾಂತಿಯ ಬಳಿಕ ಆಡಿದ ಮೊದಲ ಪಂದ್ಯ ಇದಾಗಿತ್ತು.<br /> <br /> 800ನೇ ಪಂದ್ಯವಾಡಿದ ನಡಾಲ್: ಈ ಪಂದ್ಯದಲ್ಲಿ ಪಾಲ್ಗೊಳ್ಳುವ ಮೂಲಕ ನಡಾಲ್ ತಮ್ಮ ವೃತ್ತಿ ಜೀವನದಲ್ಲಿ 800ನೇ ಪಂದ್ಯವಾಡಿದ ಹೆಗ್ಗಳಿಕೆಗೆ ಪಾತ್ರರಾದರು.<br /> <br /> ಇದರೊಂದಿಗೆ ಈ ಸಾಧನೆ ಮಾಡಿದ ವಿಶ್ವದ ಆರನೇ ಆಟಗಾರ ಎಂಬ ಗೌರವ ಅವರದ್ದಾಯಿತು. ರೋಜರ್್ ಫೆಡರರ್, ಲೇಟನ್ ಹೆವಿಟ್, ಟಾಮಿ ಹಾಸ್ ಡೇವಿಡ್ ಫೆರರ್ ಹಾಗೂ ನಿಕೊಲಾಯ್ ಡೇವಿಡೆಂಕೊ ಇದಕ್ಕೂ ಮೊದಲು ಈ ಸಾಧನೆ ಮಾಡಿದ್ದಾರೆ.<br /> <br /> ಈ ವಿಭಾಗದ ಇತರ ಪಂದ್ಯಗಳಲ್ಲಿ ಫಾಬಿಯೊ ಫಾಗಿನಿ 7–6, 0–6, 6–1ರಲ್ಲಿ ಜೂಲಿಯನ್ ರೀಸ್ಟರ್ ಅವರನ್ನೂ , ಅಲ್ಬೆರ್ಟ್ ರಾಮೊಸ್ 6–2, 6–0ರಲ್ಲಿ ಲಿಯೊನಾರ್ಡೊ ಮೇಯರ್ ಮೇಲೂ, ಟಾಮಿ ರಾಬ್ರೆಡೊ 7–6, 6–3ರಲ್ಲಿ ಪ್ಯಾಬ್ಲೊ ಕರೆನೊ ಎದುರೂ ಗೆಲುವು ಪಡೆದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
