ಶನಿವಾರ, ಏಪ್ರಿಲ್ 17, 2021
31 °C

ಟೆಸ್ಟ್ ಬಹಿಷ್ಕರಿಸಿದ ಸುದ್ದಿ ಸಂಸ್ಥೆಗಳು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅಹಮದಾಬಾದ್: ಕೆಲ ಫೋಟೊ ಸಂಸ್ಥೆಗಳಿಗೆ ನಿರ್ಬಂಧ ವಿಧಿಸಿರುವ ಬಿಸಿಸಿಐ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿರುವ ಅಂತರರಾಷ್ಟ್ರೀಯ ಸುದ್ದಿ ಸಂಸ್ಥೆಗಳು ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಟೆಸ್ಟ್ ಕ್ರಿಕೆಟ್ ಸರಣಿಯನ್ನು ಬಹಿಷ್ಕರಿಸಿವೆ.



ಹಾಗಾಗಿ ಗುರುವಾರ ಆರಂಭವಾದ ಸರಣಿಯ ಮೊದಲ ಪಂದ್ಯವನ್ನು ಈ ಸುದ್ದಿ ಸಂಸ್ಥೆಗಳು ವರದಿ ಮಾಡುತ್ತಿಲ್ಲ. ಪ್ರಮುಖ ಸುದ್ದಿ ಸಂಸ್ಥೆಗಳಾದ ರಾಯಿಟರ್ಸ್, ಎಪಿ ಹಾಗೂ ಎಎಫ್‌ಪಿ ಈ ಕ್ರಮಕ್ಕೆ ಮುಂದಾಗಿವೆ. ಪಂದ್ಯದ ವರದಿ ಮಾಡದಿರಲು ಹಾಗೂ ಫೋಟೊ ತೆಗೆಯದಿರಲು ನಿರ್ಧರಿಸಿವೆ.



ಗೆಟ್ಟಿ ಇಮೇಜಸ್, ಆ್ಯಕ್ಷನ್ ಇಮೇಜಸ್ ಫೋಟೊ ಸಂಸ್ಥೆಗಳಿಗೆ ಬಿಸಿಸಿಐ ನಿರ್ಬಂಧ ವಿಧಿಸಿರುವುದೇ ಇದಕ್ಕೆ ಕಾರಣ. ಈ ಸಂಸ್ಥೆಗಳಿಗೆ ತಾನೇ ಫೋಟೊಗಳನ್ನು ರವಾನಿಸುವುದಾಗಿ ಹೇಳಿರುವ ಬಿಸಿಸಿಐ, ಪಂದ್ಯಗಳನ್ನು ವರದಿ ಮಾಡಲು ಮಾನ್ಯತಾ ಪತ್ರ ನೀಡಿಲ್ಲ. ಕೆಲವು ಸಂಸ್ಥೆಗಳು ಫೋಟೊಗಳನ್ನು ಸಂಪಾದಕೀಯ ಉದ್ದೇಶಕ್ಕೆ ಬಳಸುತ್ತಿಲ್ಲ ಎಂಬುದು ಬಿಸಿಸಿಐ ವಾದ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.