<p><strong>ಗಯಾನ (ಎಎಫ್ಪಿ):</strong> ಮೊದಲ ಪಂದ್ಯದಲ್ಲಿ ಅನುಭವಿಸಿದ್ದ ಹೀನಾಯ ಸೋಲಿನಿಂದ ಚೇತರಿಸಿಕೊಂಡಿರುವ ವೆಸ್ಟ್ ಇಂಡೀಸ್ ತಂಡ ಏಕದಿನ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ 37 ರನ್ಗಳ ಗೆಲುವು ಪಡೆದು ಪಾಕಿಸ್ತಾನಕ್ಕೆ ತಿರುಗೇಟು ನೀಡಿತು.<br /> <br /> ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತರೂ ಮೊದಲು ಬ್ಯಾಟ್ ಮಾಡಿದ ವಿಂಡೀಸ್ 50 ಓವರ್ಗಳಲ್ಲಿ 8 ವಿಕೆಟ್ಗೆ 232 ರನ್ ಕಲೆ ಹಾಕಿತು. ಈ ಗುರಿಯನ್ನು ಮುಟ್ಟುವ ಹಾದಿಯಲ್ಲಿ ಎಡವಿದ ಮಿಸ್ಬಾ ಉಲ್ ಹಕ್ ನೇತೃತ್ವದ ಪಾಕ್ 47.5 ಓವರ್ಗಳಲ್ಲಿ 195 ರನ್ ಕಲೆ ಹಾಕುವಷ್ಟರಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡಿತು. ಈ ಗೆಲುವಿನ ಮೂಲಕ ಆತಿಥೇಯರು ಐದು ಪಂದ್ಯಗಳ ಸರಣಿಯಲ್ಲಿ 1-1ರಲ್ಲಿ ಸಮಬಲ ಸಾಧಿಸಿದರು.<br /> <br /> ಬ್ರಾವೊ ಬಲ: ಆರಂಭಿಕ ಬ್ಯಾಟ್ಸ್ಮನ್ಗಳ ವೈಫಲ್ಯದಿಂದ ಪರದಾಡಿದ ವಿಂಡೀಸ್ ತಂಡ ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ, ಡರೆನ್ ಬ್ರಾವೊ (54, 81ಎಸೆತ, 6 ಬೌಂಡರಿ) ಮತ್ತು ಡ್ವೇನ್ ಬ್ರಾವೊ (ಔಟಾಗದೆ 43, 52ಎಸೆತ, 5ಬೌಂಡರಿ) ಆಸರೆಯಾದರು. ಇದರಿಂದ ಕೆರಿಬಿಯನ್ ನಾಡಿನ ತಂಡ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಿಂದ ಪಾರಾಯಿತು.<br /> <br /> ಗುರಿಯನ್ನು ಮುಟ್ಟುವ ಹಾದಿಯಲ್ಲಿ ಪಾಕ್ ತಂಡ ನಾಸೀರ್ ಜಮ್ಷೆದ್ (54, 93ಎಸೆತ, 4ಬೌಂಡರಿ, 1 ಸಿಕ್ಸರ್) ಅವರ ಅರ್ಧಶತಕದ ನೆರವಿನಿಂದ ಉತ್ತಮ ಆರಂಭ ಪಡೆಯಿತು. ಆದರೆ, ಮಧ್ಯಮ ಕ್ರಮಾಂಕದ ವೈಫಲ್ಯ ತಂಡದ ಸೋಲಿಗೆ ಕಾರಣವಾಯಿತು. ಉಮರ್ ಅಕ್ಮಲ್ (50, 46ಎಸೆತ, 5 ಬೌಂಡರಿ, 1 ಸಿಕ್ಸರ್) ತಂಡವನ್ನು ಗೆಲುವಿನ ದಡ ಸೇರಿಸಲು ನಡೆಸಿದ ಹೋರಾಟ ಫಲ ನೀಡಲಿಲ್ಲ.<br /> <br /> <strong>ಸಂಕ್ಷಿಪ್ತ ಸ್ಕೋರು:</strong><br /> ವೆಸ್ಟ್ ಇಂಡೀಸ್ 50 ಓವರ್ಗಳಲ್ಲಿ 8 ವಿಕೆಟ್ಗೆ 232. (ಕ್ರಿಸ್ ಚಾರ್ಲ್ಸ್ 31, ಡರೆನ್ ಬ್ರಾವೊ 54, ಮರ್ಲಾನ್ ಸ್ಯಾಮುಯೆಲ್ಸ್ 21, ಡ್ವೇನ್ ಬ್ರಾವೊ ಔಟಾಗದೆ 43, ಕೀರನ್ ಪೊಲಾರ್ಡ್ 30; ಮಹಮ್ಮದ್ ಇರ್ಫಾನ್ 38ಕ್ಕೆ1, ಸಯೀದ್ ಅಜ್ಮಲ್ 45ಕ್ಕೆ2, ಶಾಹಿದ್ ಅಫ್ರಿದಿ 23ಕ್ಕೆ2).<br /> ಪಾಕಿಸ್ತಾನ 47.5 ಓವರ್ಗಳಲ್ಲಿ 195. (ನಾಸೀರ್ ಜಮ್ಷೆದ್ 54, ಮಹಮ್ಮದ್ ಹಫೀಜ್ 20, ಮಿಸ್ಬಾಉಲ್ ಹಕ್ 17, ಉಮರ್ ಅಕ್ಮಲ್ 50; ಕೆಮರ್ ರೋಚ್ 14ಕ್ಕೆ1, ಸುನಿಲ್ ನಾರಾಯಣ್ 26ಕ್ಕೆ4, ಡ್ವೇನ್ ಬ್ರಾವೊ 9ಕ್ಕೆ2). ಫಲಿತಾಂಶ: ಪಾಕಿಸ್ತಾನಕ್ಕೆ 37 ರನ್ ಗೆಲುವು. ಪಂದ್ಯ ಶ್ರೇಷ್ಠ: ಸುನಿಲ್ ನಾರಾಯಣ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಯಾನ (ಎಎಫ್ಪಿ):</strong> ಮೊದಲ ಪಂದ್ಯದಲ್ಲಿ ಅನುಭವಿಸಿದ್ದ ಹೀನಾಯ ಸೋಲಿನಿಂದ ಚೇತರಿಸಿಕೊಂಡಿರುವ ವೆಸ್ಟ್ ಇಂಡೀಸ್ ತಂಡ ಏಕದಿನ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ 37 ರನ್ಗಳ ಗೆಲುವು ಪಡೆದು ಪಾಕಿಸ್ತಾನಕ್ಕೆ ತಿರುಗೇಟು ನೀಡಿತು.<br /> <br /> ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತರೂ ಮೊದಲು ಬ್ಯಾಟ್ ಮಾಡಿದ ವಿಂಡೀಸ್ 50 ಓವರ್ಗಳಲ್ಲಿ 8 ವಿಕೆಟ್ಗೆ 232 ರನ್ ಕಲೆ ಹಾಕಿತು. ಈ ಗುರಿಯನ್ನು ಮುಟ್ಟುವ ಹಾದಿಯಲ್ಲಿ ಎಡವಿದ ಮಿಸ್ಬಾ ಉಲ್ ಹಕ್ ನೇತೃತ್ವದ ಪಾಕ್ 47.5 ಓವರ್ಗಳಲ್ಲಿ 195 ರನ್ ಕಲೆ ಹಾಕುವಷ್ಟರಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡಿತು. ಈ ಗೆಲುವಿನ ಮೂಲಕ ಆತಿಥೇಯರು ಐದು ಪಂದ್ಯಗಳ ಸರಣಿಯಲ್ಲಿ 1-1ರಲ್ಲಿ ಸಮಬಲ ಸಾಧಿಸಿದರು.<br /> <br /> ಬ್ರಾವೊ ಬಲ: ಆರಂಭಿಕ ಬ್ಯಾಟ್ಸ್ಮನ್ಗಳ ವೈಫಲ್ಯದಿಂದ ಪರದಾಡಿದ ವಿಂಡೀಸ್ ತಂಡ ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ, ಡರೆನ್ ಬ್ರಾವೊ (54, 81ಎಸೆತ, 6 ಬೌಂಡರಿ) ಮತ್ತು ಡ್ವೇನ್ ಬ್ರಾವೊ (ಔಟಾಗದೆ 43, 52ಎಸೆತ, 5ಬೌಂಡರಿ) ಆಸರೆಯಾದರು. ಇದರಿಂದ ಕೆರಿಬಿಯನ್ ನಾಡಿನ ತಂಡ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಿಂದ ಪಾರಾಯಿತು.<br /> <br /> ಗುರಿಯನ್ನು ಮುಟ್ಟುವ ಹಾದಿಯಲ್ಲಿ ಪಾಕ್ ತಂಡ ನಾಸೀರ್ ಜಮ್ಷೆದ್ (54, 93ಎಸೆತ, 4ಬೌಂಡರಿ, 1 ಸಿಕ್ಸರ್) ಅವರ ಅರ್ಧಶತಕದ ನೆರವಿನಿಂದ ಉತ್ತಮ ಆರಂಭ ಪಡೆಯಿತು. ಆದರೆ, ಮಧ್ಯಮ ಕ್ರಮಾಂಕದ ವೈಫಲ್ಯ ತಂಡದ ಸೋಲಿಗೆ ಕಾರಣವಾಯಿತು. ಉಮರ್ ಅಕ್ಮಲ್ (50, 46ಎಸೆತ, 5 ಬೌಂಡರಿ, 1 ಸಿಕ್ಸರ್) ತಂಡವನ್ನು ಗೆಲುವಿನ ದಡ ಸೇರಿಸಲು ನಡೆಸಿದ ಹೋರಾಟ ಫಲ ನೀಡಲಿಲ್ಲ.<br /> <br /> <strong>ಸಂಕ್ಷಿಪ್ತ ಸ್ಕೋರು:</strong><br /> ವೆಸ್ಟ್ ಇಂಡೀಸ್ 50 ಓವರ್ಗಳಲ್ಲಿ 8 ವಿಕೆಟ್ಗೆ 232. (ಕ್ರಿಸ್ ಚಾರ್ಲ್ಸ್ 31, ಡರೆನ್ ಬ್ರಾವೊ 54, ಮರ್ಲಾನ್ ಸ್ಯಾಮುಯೆಲ್ಸ್ 21, ಡ್ವೇನ್ ಬ್ರಾವೊ ಔಟಾಗದೆ 43, ಕೀರನ್ ಪೊಲಾರ್ಡ್ 30; ಮಹಮ್ಮದ್ ಇರ್ಫಾನ್ 38ಕ್ಕೆ1, ಸಯೀದ್ ಅಜ್ಮಲ್ 45ಕ್ಕೆ2, ಶಾಹಿದ್ ಅಫ್ರಿದಿ 23ಕ್ಕೆ2).<br /> ಪಾಕಿಸ್ತಾನ 47.5 ಓವರ್ಗಳಲ್ಲಿ 195. (ನಾಸೀರ್ ಜಮ್ಷೆದ್ 54, ಮಹಮ್ಮದ್ ಹಫೀಜ್ 20, ಮಿಸ್ಬಾಉಲ್ ಹಕ್ 17, ಉಮರ್ ಅಕ್ಮಲ್ 50; ಕೆಮರ್ ರೋಚ್ 14ಕ್ಕೆ1, ಸುನಿಲ್ ನಾರಾಯಣ್ 26ಕ್ಕೆ4, ಡ್ವೇನ್ ಬ್ರಾವೊ 9ಕ್ಕೆ2). ಫಲಿತಾಂಶ: ಪಾಕಿಸ್ತಾನಕ್ಕೆ 37 ರನ್ ಗೆಲುವು. ಪಂದ್ಯ ಶ್ರೇಷ್ಠ: ಸುನಿಲ್ ನಾರಾಯಣ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
