ದೆಹಲಿ: ನಾಳೆ ಚುನಾವಣೆ

ನವದೆಹಲಿ (ಪಿಟಿಐ/ಐಎಎನ್‌ಎಸ್‌): ನಾಳೆ ದೆಹಲಿ ವಿಧಾನಸಭೆ ಚುನಾವಣೆ ಬುಧವಾರ ನಡೆಯಲಿದ್ದು ಸೂಕ್ಷ್ಮ ಪ್ರದೇಶಗಳಲ್ಲಿ ಚುನಾವಣಾ ಆಯೋಗ ತೀವ್ರ ಕಟ್ಟೆಚ್ಚರ ವಹಿಸಿದೆ. ಕೊಳಚೆ ಪ್ರದೇಶ ಮತ್ತು ಅನಧಿಕೃತ ಕಾಲೊನಿ­ಗಳಲ್ಲಿ ಹಣ, ಹೆಂಡದ ದುರು­ಪಯೋಗ ಮತ್ತು ತೋಳ್ಬಲದಿಂದ ಮತ­ದಾರರನ್ನು ಹೆದರಿಸುವ ಸಾಧ್ಯತೆ ಇರುವ ಕಾರಣ­ಕ್ಕಾಗಿ ಕೆಲವು ಪ್ರದೇಶಗಳಲ್ಲಿ ಆಯೋಗ ಹೆಚ್ಚಿನ ನಿಗಾ ವಹಿಸಿದೆ.



ಮತದಾರರಿಗೆ ಲಂಚದ ಆಮಿಷ­ವೊಡ್ಡುವ ಪ್ರಕರಣ ಪತ್ತೆಯಾದರೆ ರಾಜ-­ಕೀಯ ಪಕ್ಷಗಳು ಅಥವಾ ಅಭ್ಯರ್ಥಿ­ಗಳಷ್ಟೇ ಅಲ್ಲ. ಲಂಚ  ಪಡೆದ ವ್ಯಕ್ತಿಯ ಮೇಲೂ ಭಾರ­ತೀಯ ದಂಡ ಸಂಹಿತೆ ಅಡಿ ಪ್ರಕರಣ ದಾಖಲಿಸಲಾಗುವುದು ಎಂದು ದೆಹಲಿ ಮುಖ್ಯ ಚುನಾವಣಾ­ಧಿಕಾರಿ ವಿಜಯ ದೇವ್‌ ತಿಳಿಸಿದ್ದಾರೆ.

 ‘ಕಾಸಿಗಾಗಿ ಸುದ್ದಿ’: ದೆಹಲಿಯ ವಿಧಾನ­-­ಸಭಾ ಚುನಾವಣೆಗೆ ಸ್ಪರ್ಧಿಸಿ­ರುವ ಐವ­ರು ಅಭ್ಯರ್ಥಿಗಳಿಗೆ ಸಂಬಂಧಿ­ಸಿದ ‘ಕಾಸಿ­ಗಾಗಿ ಸುದ್ದಿ’ ಪ್ರಕರಣಗಳನ್ನು ಚುನಾ­ವಣಾ ಆಯೋಗ ಪತ್ತೆ ಹಚ್ಚಿದೆ. ಆಯೋ­ಗವು ಈ ವೆಚ್ಚವನ್ನು ಅಭ್ಯರ್ಥಿಯ ಚುನಾವಣಾ ವೆಚ್ಚಕ್ಕೆ ಸೇರಿಸಿದೆ.



ಕಣದಲ್ಲಿ 108 ಮುಸ್ಲಿಂ ಅಭ್ಯರ್ಥಿಗಳು: ಕಳೆದ 5 ವರ್ಷಗಳಿಂದ ಮುಸ್ಲಿಂ ಅಭ್ಯರ್ಥಿಗಳ ಸಂಖ್ಯೆ ದೆಹಲಿ ವಿಧಾನ­ಸಭಾ ಕ್ಷೇತ್ರದಲ್ಲಿ ಹೆಚ್ಚಾಗುತ್ತಿದ್ದು, ಈ ಬಾರಿ ಒಟ್ಟು 108 ಮುಸ್ಲಿಂ ಅಭ್ಯರ್ಥಿಗಳು ಕಣಕ್ಕಿಳಿದಿದ್ದಾರೆ. ಎಲ್ಲಾ ಪಕ್ಷಗಳು ಮುಸ್ಲಿಂ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದ್ದಾರೆ. 2008ರಲ್ಲಿ 92 ಮುಸ್ಲಿಂ ಅಭ್ಯರ್ಥಿಗಳು ಕಣದಲ್ಲಿದ್ದರು.