<p><strong>ಧಾರವಾಡ: </strong>ತಾಲ್ಲೂಕಿನ ಇಟಿಗಟ್ಟಿ ಗ್ರಾಮದಲ್ಲಿ ಶನಿವಾರ ನಾಲ್ವರು ಬಾಲಕಿಯರ ಬಾಲ್ಯವಿವಾಹ ಹಿರಿಯರ ಸಮ್ಮುಖದಲ್ಲಿಯೇ ನಡೆಯಿತು. ಈ ಸುದ್ದಿ ತಿಳಿದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಶಿಶು ಅಭಿವೃದ್ಧಿ ಅಧಿಕಾರಿಗಳು ಪೊಲೀಸರೊಂದಿಗೆ ಸ್ಥಳಕ್ಕೆ ಆಗಮಿಸುವಷ್ಟರಲ್ಲಿಯೇ ಬಾಲ್ಯವಿವಾಹ ಮುಗಿದಿತ್ತು. <br /> <br /> ಇಟಿಗಟ್ಟಿ ಗ್ರಾಮದ ರೂಪಾ ಗಾಯಕವಾಡ (17), ಯಶೋಧಾ ಶಿವಪ್ಪ ಸಾವಂತ (15), ನವಲೂರಿನ ಮಂಜುಳಾ ಜಾಲಿಹಾಳ (17) ಹಾಗೂ ಮುಗಳಿ ಗ್ರಾಮದ ಸುಮಂಗಲಾ ಸಿದ್ರಾಮನವರ ಎಂಬ ಬಾಲಕಿಯರೇ ವಿವಾಹ ಬಂಧನಕ್ಕೆ ಒಳಗಾದವರು. ಈ ನಾಲ್ವರನ್ನು ಮದುವೆಯಾದ ಇಟಿಗಟ್ಟಿಯ ಗಿರಿಮಲ್ಲೇಶ ಗುಡ್ಡದ ಹೂಲಿಕಟ್ಟಿ, ಹೊಲ್ತಿಕೋಟಿಯ ನಾಗರಾಜ ಧಾರವಾಡ, ಇಟಿಗಟ್ಟಿಯ ಪರಮೇಶ್ವರ ಪೂಜಾರ, ರಮೇಶ ಗಾಯಕವಾಡ ಅವರಿಗೆ ಮದುವೆಗೆ ಅರ್ಹ ವಯಸ್ಸಾಗಿದೆ. <br /> <br /> ‘ಇಟಿಗಟ್ಟಿ ಗ್ರಾಮದಲ್ಲಿ 14 ಜೋಡಿಗಳ ಸಾಮೂಹಿಕ ಮದುವೆ ಬಗ್ಗೆ ನಮಗೆ ಮಾಹಿತಿ ಇತ್ತು. ಈ ಪೈಕಿ ಒಂದು ಜೋಡಿ ವಯಸ್ಸು ಅರ್ಹವಿರದ ಕಾರಣ 13 ಜೋಡಿಗೆ ಮಾತ್ರ ಅವಕಾಶ ನೀಡಲಾಗಿತ್ತು. ಅದರಂತೆಯೇ 13 ಜೋಡಿಯ ಸಾಮೂಹಿಕ ವಿವಾಹ ನಡೆದಿದೆ. ಆದರೆ ಗ್ರಾಮದ ಮನೆ ಎದುರು ನಾಲ್ಕು ಜೋಡಿಗಳ ಬಾಲ್ಯವಿವಾಹ ಮಾಡುವುದರ ಬಗ್ಗೆ ತಿಳಿದಿರಲಿಲ್ಲ. ಶುಕ್ರವಾರ ರಾತ್ರಿ ಈ ಬಗ್ಗೆ ಮಾಹಿತಿ ಗೊತ್ತಾಯಿತು.<br /> <br /> ಶನಿವಾರ ಸ್ಥಳಕ್ಕೆ ಹೋಗುವಷ್ಟರಲ್ಲಿಯೇ ಮದುವೆ ಆಗಿತ್ತು. ಬಾಲಕಿಯರ ಜನ್ಮ ದಾಖಲೆಗಳನ್ನು ಪರಿಶೀಲಿಸಿದಾಗ ಬಾಲ್ಯವಿವಾಹ ತಿಳಿದು ಬಂದಿದೆ. ಈ ನಾಲ್ವರು ದಂಪತಿಯನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿಗೆ ಕರೆತರಲಾಗಿತ್ತು. ನಂತರ ನಾಲ್ವರು ಬಾಲಕಿಯರನ್ನು ಹುಬ್ಬಳ್ಳಿ ಘಂಟಿಕೇರಿಯ ಬಾಲಕಿಯರ ಬಾಲಮಂದಿರಕ್ಕೆ ಕಳುಹಿಸಲಾಗಿದೆ ಎಂದು ಎಂದು ಶಿಶು ಅಭಿವೃದ್ಧಿ ಅಧಿಕಾರಿಗಳು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಧಾರವಾಡ: </strong>ತಾಲ್ಲೂಕಿನ ಇಟಿಗಟ್ಟಿ ಗ್ರಾಮದಲ್ಲಿ ಶನಿವಾರ ನಾಲ್ವರು ಬಾಲಕಿಯರ ಬಾಲ್ಯವಿವಾಹ ಹಿರಿಯರ ಸಮ್ಮುಖದಲ್ಲಿಯೇ ನಡೆಯಿತು. ಈ ಸುದ್ದಿ ತಿಳಿದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಶಿಶು ಅಭಿವೃದ್ಧಿ ಅಧಿಕಾರಿಗಳು ಪೊಲೀಸರೊಂದಿಗೆ ಸ್ಥಳಕ್ಕೆ ಆಗಮಿಸುವಷ್ಟರಲ್ಲಿಯೇ ಬಾಲ್ಯವಿವಾಹ ಮುಗಿದಿತ್ತು. <br /> <br /> ಇಟಿಗಟ್ಟಿ ಗ್ರಾಮದ ರೂಪಾ ಗಾಯಕವಾಡ (17), ಯಶೋಧಾ ಶಿವಪ್ಪ ಸಾವಂತ (15), ನವಲೂರಿನ ಮಂಜುಳಾ ಜಾಲಿಹಾಳ (17) ಹಾಗೂ ಮುಗಳಿ ಗ್ರಾಮದ ಸುಮಂಗಲಾ ಸಿದ್ರಾಮನವರ ಎಂಬ ಬಾಲಕಿಯರೇ ವಿವಾಹ ಬಂಧನಕ್ಕೆ ಒಳಗಾದವರು. ಈ ನಾಲ್ವರನ್ನು ಮದುವೆಯಾದ ಇಟಿಗಟ್ಟಿಯ ಗಿರಿಮಲ್ಲೇಶ ಗುಡ್ಡದ ಹೂಲಿಕಟ್ಟಿ, ಹೊಲ್ತಿಕೋಟಿಯ ನಾಗರಾಜ ಧಾರವಾಡ, ಇಟಿಗಟ್ಟಿಯ ಪರಮೇಶ್ವರ ಪೂಜಾರ, ರಮೇಶ ಗಾಯಕವಾಡ ಅವರಿಗೆ ಮದುವೆಗೆ ಅರ್ಹ ವಯಸ್ಸಾಗಿದೆ. <br /> <br /> ‘ಇಟಿಗಟ್ಟಿ ಗ್ರಾಮದಲ್ಲಿ 14 ಜೋಡಿಗಳ ಸಾಮೂಹಿಕ ಮದುವೆ ಬಗ್ಗೆ ನಮಗೆ ಮಾಹಿತಿ ಇತ್ತು. ಈ ಪೈಕಿ ಒಂದು ಜೋಡಿ ವಯಸ್ಸು ಅರ್ಹವಿರದ ಕಾರಣ 13 ಜೋಡಿಗೆ ಮಾತ್ರ ಅವಕಾಶ ನೀಡಲಾಗಿತ್ತು. ಅದರಂತೆಯೇ 13 ಜೋಡಿಯ ಸಾಮೂಹಿಕ ವಿವಾಹ ನಡೆದಿದೆ. ಆದರೆ ಗ್ರಾಮದ ಮನೆ ಎದುರು ನಾಲ್ಕು ಜೋಡಿಗಳ ಬಾಲ್ಯವಿವಾಹ ಮಾಡುವುದರ ಬಗ್ಗೆ ತಿಳಿದಿರಲಿಲ್ಲ. ಶುಕ್ರವಾರ ರಾತ್ರಿ ಈ ಬಗ್ಗೆ ಮಾಹಿತಿ ಗೊತ್ತಾಯಿತು.<br /> <br /> ಶನಿವಾರ ಸ್ಥಳಕ್ಕೆ ಹೋಗುವಷ್ಟರಲ್ಲಿಯೇ ಮದುವೆ ಆಗಿತ್ತು. ಬಾಲಕಿಯರ ಜನ್ಮ ದಾಖಲೆಗಳನ್ನು ಪರಿಶೀಲಿಸಿದಾಗ ಬಾಲ್ಯವಿವಾಹ ತಿಳಿದು ಬಂದಿದೆ. ಈ ನಾಲ್ವರು ದಂಪತಿಯನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿಗೆ ಕರೆತರಲಾಗಿತ್ತು. ನಂತರ ನಾಲ್ವರು ಬಾಲಕಿಯರನ್ನು ಹುಬ್ಬಳ್ಳಿ ಘಂಟಿಕೇರಿಯ ಬಾಲಕಿಯರ ಬಾಲಮಂದಿರಕ್ಕೆ ಕಳುಹಿಸಲಾಗಿದೆ ಎಂದು ಎಂದು ಶಿಶು ಅಭಿವೃದ್ಧಿ ಅಧಿಕಾರಿಗಳು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
