ನಕ್ಷತ್ರಪುಂಜಗಳ ಸಂಘರ್ಷ

ವಾಷಿಂಗ್ಟನ್ (ಐಎಎನ್‌ಎಸ್): ನಮ್ಮ ಸೌರಮಂಡಲವಿರುವ ಕ್ಷೀರಪಥ ನಕ್ಷತ್ರಪುಂಜ ಹಾಗೂ ನೆರೆಯ ಆಂಡ್ರೋಮೆಡಾ ನಕ್ಷತ್ರಪುಂಜ ಭಾರಿ ವೇಗದಿಂದ ಡಿಕ್ಕಿಯಾಗುವ ಸಾಧ್ಯತೆ ಇದೆ...!ಭಯ ಬೇಡ. ಈ ಘಟನೆ ಸಂಭವಿಸುವುದು 400 ಕೋಟಿ ವರ್ಷಗಳ ನಂತರ.

 

ಆಂಡ್ರೊಮೆಡಾ ನಕ್ಷತ್ರ ಪುಂಜ ನಮ್ಮ  ಕ್ಷೀರಪಥ 25 ಲಕ್ಷ  ಜ್ಯೋತಿರ್ವರ್ಷದಷ್ಟು ದೂರದಲ್ಲಿವೆ. ಆದರೆ ಇವೆರಡರ ನಡುವಿನ ಗುರುತ್ವ ಹಾಗೂ ಅಗೋಚರ ಕಪ್ಪು ದ್ರವ್ಯಗಳ ಆಕರ್ಷಣೆಯಿಂದಾಗಿ ಅವು   ಹತ್ತಿರವಾಗುತ್ತಿವೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.



  `ಇವೆರಡರ ನಡುವಿನ ಸಂಘರ್ಷದ ಸಾಂದ್ರತೆಯನ್ನು ಪರಿಪೂರ್ಣವಾಗಿ ಅರಿಯಲು ಶತಮಾನಗಳಷ್ಟು ಕಾಲಾವಕಾಶ ಬೇಕಾಗುತ್ತದೆ~ ಎಂದು ಬಾಲ್ಟಿಮೋರ್‌ನಲ್ಲಿರುವ ಬಾಹ್ಯಾಕಾಶ ದೂರದರ್ಶಕ ವಿಜ್ಞಾನ ಸಂಸ್ಥೆ(ಎಸ್‌ಟಿಎಸ್‌ಸಿಐ)ನ ವಿಜ್ಞಾನಿ ಸಾಂಗ್ಮೊ ಟೊನಿ ಸೊಹ್ನ್ ತಿಳಿಸಿದ್ದಾರೆ.